អ្នកធាត់ៗប្រឈមច្រើនចំពោះរឿងលើសជាតិខ្លាញ់ និងជំងឺផ្សេងៗទៀត ដោយសារតែរបបអាហារ និងទម្លាប់រស់នៅ។ ប៉ុន្តែ មានការលើកឡើងថា ទឹកក្រូចស្រស់ អាចកាត់បន្ថយជាតិខ្លាញ់អាក្រក់ក្នុងរាងកាយយើងបាន។ តើពិតអត់?
១- ទឹកក្រូចស្រស់ និងជាតិខ្លាញ់អាក្រក់ LDL
ធ្លាប់មានការសិក្សាបង្ហាញថា ញ៉ាំទឹកក្រូចស្រស់អាចបញ្ចុះកម្រិតជាតិខ្លាញ់អាក្រក់ LDL ចំពោះតែមនុស្សមួយចំនួន ប៉ុន្តែភស្តុតាងបង្ហាញគាំទ្រការសិក្សានេះ នៅមានកម្រិត ខណៈការសិក្សាមួយនៅឆ្នាំ២០១០ បានផ្សព្វផ្សាយតាមរយៈព័ត៌មាន និងស្រាវជ្រាវអាហារូបត្ថម្ភ បង្ហាញថា ផឹកទឹកក្រូចស្រស់ ៧៥០ មិល្លីលិត្រ/ថ្ងៃ រយៈពេល ២ ខែ អាចបញ្ចុះសារធាតុខ្លាញ់អាក្រក់ LDL សម្រាប់អ្នកមានជំងឺកម្រិតកូលេស្តេរ៉ូលសរុបខ្ពស់។
ប៉ុន្តែការសិក្សាមួយទៀតផ្ដោតតែចំពោះជំងឺសរសៃឈាមបេះដូង (Arteriosclerosis) ជំងឺដុំកំណកឈាម (Thrombosis) និងបញ្ហាជីវសាស្ត្រលើសរសៃឈាម (Vascular biology) ធ្វើឡើងនៅខែមីនា ឆ្នាំ២០០៤ បែរជាបង្ហាញថា ទឹកក្រូចសុទ្ធស្រស់ មិនមានសកម្មភាពបញ្ចុះកម្រិត LDL ចំពោះជំងឺលើសកម្រិតជាតិកូលេស្តេរ៉ូលឡើយ។
២- ទឹកក្រូចស្រស់ និងខ្លាញ់ល្អ HDL
ការសិក្សាពីរខាងលើ ក៏បង្ហាញថា ទឹកក្រូចស្រស់គ្មានទំនាក់ទំនងជាមួយខ្លាញ់ល្អ HDL ដែរ ប៉ុន្តែការសិក្សាមួយធ្វើឡើងលើ ២០០០ ករណីផ្សេងទៀត ចេញផ្សាយនៅកាសែតអាហារូបត្ថម្ភអាមេរិក បង្ហាញថា ផឹកទឹកក្រូច ៧៥០ មិល្លីលីត្រ ធ្វើឲ្យកើនឡើងខ្លាញ់ល្អ HDL សម្រាប់អ្នកមានជំងឺកូលេស្តេរ៉ូលខ្ពស់ ក្នុងកម្រិតមធ្យម។ អ្នកស្រាវជ្រាវជឿជាក់ថា នេះបណ្តាលមកពីប្រសិទ្ធភាពនៃសារធាតុ Flavonoids នៅក្នុងទឹកក្រូច។
៣- ទឹកក្រូចស្រស់សម្បូរសារធាតុ Sterols
សារធាតុ Sterols និង Stanols ត្រូវបានស្គាល់ថាជា Phytosterols ជាសារធាតុធម្មជាតិផលិតដោយរុក្ខជាតិ ស្រដៀងនឹងកូលេស្តេរ៉ូល ប៉ុន្តែវាអាចទៅបញ្ឈប់ការស្រូបកូលេស្តេរ៉ូលនៅក្នុងបំពង់អាហារបាន។ បើយោងតាមសាកលវិទ្យាល័យ California Davis ថា ការញ៉ាំសារធាតុនេះជាប្រចាំ ១-២ ក្រាម/ថ្ងៃ អាចបញ្ចុះខ្លាញ់ LDL ពី ៦-១០ ភាគរយ។ ម៉ាកផលិតផលខ្លះ ពង្រឹងផលិតផលរបស់គេដោយប្រើសារធាតុនេះដើម្បីបង្កើនប្រសិទ្ធភាពរបស់ទឹកក្រូចស្រស់។
អត្ថបទពាក់ព័ន្ធ៖
៤- សារធាតុ Flavonoids (ត្រូវការស្រាវជ្រាវបន្ថែម)
យោងទៅតាមវិទ្យាស្ថាន Linus Pauling នៅអាមេរិក សារធាតុ Flavonoids ក្នុងទឹកក្រូចស្រស់ មានជាតិ Naringenin និង Hesperidin ដែលដើរតួជាភ្នាក់ងារប្រឆាំងអុកស៊ីតកម្ម។ គេជឿថា សារធាតុនេះមានប្រសិទ្ធភាពវិជ្ជមានលើកម្រិតកូលេស្តេរ៉ូល។ ទោះយ៉ាងនេះក្ដី ការសិក្សាទាំងនេះភាគច្រើន ធ្វើឡើងចំពោះសត្វប៉ុណ្ណោះ ហើយដើម្បីបញ្ជាក់ថា សារធាតុ Flavonoid អាចជួយព្យាបាលបញ្ហាឡើងកូលេស្តេរ៉ូលបាន យើងនៅទាមទារការសិក្សាជាច្រើនបន្ថែមទៀត។
៥- ទឹកក្រូចស្រស់មានសារៈសំខាន់អ្វីខ្លះ?
ទឹកក្រូចស្រស់ អាចជួយបញ្ចុះកម្រិតកូលេស្តេរ៉ូលចំពោះអ្នកជំងឺមួយចំនួន ប៉ុន្តែការបកស្រាយបែបវិទ្យាសាស្រ្ត គឺស្ថិតនៅក្នុងការពិភាក្សានៅឡើយ។ អ្នកស្រាវជ្រាវ ត្រូវការពេលវេលាបន្ថែម និងធនធាន ដើម្បីបន្តការសិក្សាលើគុណប្រយោជន៍ពីទឹកក្រូចស្រស់។ ជារឿងចាំបាច់ យើងនៅតែត្រូវការព្យាបាលឲ្យបានត្រឹមត្រូវ និងផឹកទឹកក្រូចស្រស់ជំនួសភេសជ្ជៈធម្មតា ដើម្បីរក្សាសំណើមក្នុងខ្លួន។ បើយើងចង់បានប្រយោជន៍ច្រើន គួរទិញទឹកក្រូចដែលមានសារធាតុ Sterols ពីធម្មជាតិមកញ៉ាំ។
[embed-health-tool-bmi]
