ក្រសួងសុខាភិបាល នៅថ្ងៃទី២២ ខែឧសភា ឆ្នាំ២០២០នេះ បានជូនដំណឹងដល់ប្រធានគ្រឹះស្ថានផលិតឱសថ អាហរ័ណ នីហរ័ណឱសថ និងប្រធានការិយាល័យតំណាងគ្រឹះស្ថានឱសថមកពីបរទេសថា ក្រសួងសម្រេចព្យួរទិដ្ឋាការ បញ្ជិកាឱសថ ហាមការផលិត និងការនាំចេញ នាំចូលឱសថដែលមានសារធាតុសកម្ម Ranitidine មួយរយៈសិន។
ការព្យួរទិដ្ឋាការឱសថដែលមានសារធាតុសកម្ម Ranitidine អាចឈានទៅដល់ការលុបចេញពីទិដ្ឋាការ បញ្ជិកាឱសថតែម្តង ប្រសិនបើមានការជូនដំណឹងបន្ថែមទៀតពីបណ្តាប្រទេសជាសមាជិកអាស៊ាន ឬសហគមន៍អឺរ៉ុប ឬ US FDA ឬ TGA ឬ EMA ថាបានលុបលេខទិដ្ឋាការ បញ្ជិកាឱសថពីបណ្តាប្រទេសទាំងនោះ។
ក្រសួងសុខាភិបាល បានបញ្ជាក់ឲ្យដឹងទៀតថា ការសម្រេចព្យួរទិដ្ឋាការ បញ្ជិកាឱសថដែលមានសារធាតុ Ranitidine នេះ ក្នុងបំណងការពារសុខភាពដល់អ្នកប្រើប្រាស់ កុំឲ្យមានផលប៉ះពាល់មិនល្អ។
សូមបញ្ជាក់ផងដែរថា កាលពីឆ្នាំ២០១៩កន្លងទៅ ក្រុមហ៊ុនផលិតឱសថរបស់អាមេរិក CVS Pharmacy បានប្រកាសផ្អាកការលក់ថ្នាំ Zantanc និងថ្នាំផ្សេងទៀត ដែលមានសារធាតុ Ranitidine បន្ទាប់ពីទីភ្នាក់ងារគ្រប់គ្រងចំណីអាហារ និងឱសថសហរដ្ឋអាមេរិក ប្រកាសថា សារធាតុ Ranitidine មួយចំនួន នៅក្នុងថ្នាំព្យាបាលការក្រហាយទ្រូង និងកាត់បន្ថយជាតិអាស៊ីដ មានភាពមិនសុទ្ធ ហើយអាចបង្កជាជំងឺមហារីក។
អត្ថបទពាក់ព័ន្ធ៖
- អាមេរិក ដកថ្នាំក្រពះ Zantac ចេញពីទីផ្សារ ដោយសារអាចបង្កមហារីក
- ហេតុអីពេទ្យហាមមិនឲ្យប្រើថ្នាំមានជាតិសំណ លើក្មេងអាយុក្រោម២ឆ្នាំ?
- តើថ្នាំពេទ្យផុតសុពលភាពប្រើប្រាស់មានសុវត្ថិភាពដែរឬទេ?
- Drug Overdose (បញ្ហាប្រើថ្នាំលើសកម្រិត)
- FDA អនុញ្ញាតឲ្យប្រើថ្នាំលើសឈាម Losartan ជំនួសពពួកថ្នាំ ARBs មួយចំនួន
ក្នុងករណីមានសំណួរ ឬមន្ទិលសង្ស័យជុំវិញសុខភាពអ្នក ជម្រើសល្អបំផុត សូមពិគ្រោះ និងប្រឹក្សាយោបល់ផ្ទាល់ជាមួយគ្រូពេទ្យជំនាញ។ Hello Health Group មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
[embed-health-tool-bmi]
