ត្រឹម៥ខែ ដើមឆ្នាំនេះ ប្រទេសថៃកំពុងផ្ទុះជំងឺគ្រុនឈាមទ្វេដង បើធៀបនឹងតួលេខជំងឺនេះ ពេញមួយឆ្នាំ២០១៨ កន្លងទៅ។ នេះជាការផ្ទុះជំងឺគ្រុនឈាមច្រើនជាងគេ ក្នុងប្រទេសថៃ នារយៈពេល ៥ ឆ្នាំចុងក្រោយនេះ។
លោកវេជ្ជបណ្ឌិត Suwanchai Wattanayingcharoenchai អគ្គនាយកគ្រប់គ្រងជំងឺ របស់ថៃ បញ្ជាក់ថា គិតពីខែមករា ដល់ថ្ងៃទី២២ ខែឧសភា ឆ្នាំ២០១៩ តួលេខជំងឺគ្រុនឈាម មាន ២២.២០៣ ករណី និងមានអ្នកស្លាប់ ២៨នាក់។ តួលេខនេះ កើនឡើង ២ដង ធៀបពេញមួយឆ្នាំ ២០១៨ មាន ១១.៧០៤ ករណី និងអ្នកស្លាប់ ១៦ នាក់។
ខេត្ត-ក្រុង ផ្ទុះជំងឺនេះច្រើនជាងគេ មានដូចជា ក្រុងបាងកក (១.៦៧៨ ករណី) ខេត្ត Nakhon Ratchasima (១.៤២០ ករណី) ខេត្ត Nakhon Si Thammarat (១.០៥០ករណី) ខេត្ត Ubon Ratchathani (៩៤៨ ករណី) និងខេត្ត Chon Buri (៨០០ ករណី)។
អត្ថបទពាក់ព័ន្ធ៖
- សញ្ញាងាយកត់ចំណាំបំផុត បើកូនកើតជំងឺគ្រុនឈាម
- មានវ៉ាក់សាំងគ្រុនឈាមហើយ! តែការអនុញ្ញាតមានកំណត់ ព្រោះ…
[embed-health-tool-bmi]
