ជំងឺស្វាយ ជាប្រភេទជំងឺកាមរោគឆ្លងតាមរយៈការរួមភេទ តាមឈាម និងពីម្ដាយទៅកូន។ នៅអឺរ៉ុប ជំងឺនេះបានកើនឡើង ៧០% ចាប់តាំងពីឆ្នាំ ២០១០។
មាតិកា
នៅអឺរ៉ុប ជំងឺស្វាយកើនឡើង ៧០% ដោយសារ...
មជ្ឈមណ្ឌលបង្ការ និងគ្រប់គ្រងជំងឺរបស់សហភាពអឺរ៉ុប (ECDC) បញ្ជាក់ថា ការកើនឡើងនេះ ដោយសារកត្ដាជាច្រើន ដូចជា ការរួមភេទដោយពុំប្រើស្រោមអនាម័យ រួមភេទជាមួយដៃគូច្រើន រួមផ្សំជាមួយការលែងភ័យខ្លាចនឹងជំងឺអេដស៍។
មជ្ឈមណ្ឌលដដែលនេះ បន្ថែមថា មានករណីជំងឺស្វាយ ប្រមាណ ២៦០.០០០ ករណី នៅប្រទេសចំនួន ៣០ ចាប់ពីឆ្នាំ ២០០៧-២០១៧។ នៅឆ្នាំ ២០១៧ អត្រាជំងឺស្វាយ បានកើនឡើងខ្ពស់ជាងគេ រហូតដល់ ប្រមាណ ៣៣.០០០ ករណី ដែលនេះជាលើកទី១ ចាប់តាំងពីឆ្នាំ ២០០០ ដែលអឺរ៉ុបមានករណីជំងឺស្វាយ ច្រើនជាងជំងឺអេដស៍ទៅទៀត។
អត្ថបទពាក់ព័ន្ធ៖
ជំងឺនេះកើនឡើងខ្លាំង នៅប្រទេសអង់គ្លេស អាល្លឺម៉ង់ អៀរឡង់ អ៊ីស្លង់ និងម៉ាល់តា ប៉ុន្ដែធ្លាក់ចុះនៅប្រទេសអេស្ដូនី និងរូម៉ានី។ តាមរបាយការណ៍របស់មជ្ឈមណ្ឌលដដែលនេះ ជំងឺស្វាយ ជិត ២/៣ករណី បណ្ដាលមកពីការរួមភេទរវាងបុរស និងបុរស រីឯអ្នកមានភេទផ្ទុយគ្នា ប្រុសមានចំណែក ២៣% និងស្រីមានចំណែក ១៥%។
លោក Andrew Amato-Gauci អ្នកជំនាញរបស់មជ្ឈមណ្ឌលខាងលើ បញ្ជាក់ថា ដើម្បីដោះស្រាយបញ្ហានេះ មជ្ឈមណ្ឌលនឹងជំរុញឲ្យសាធារណជនប្រើស្រោមអនាម័យ ពេលរួមភេទ ជាពិសេសេជាមួយដៃគូថ្មី។
ក្នុងករណីមានសំណួរ ឬមន្ទិលសង្ស័យជុំវិញសុខភាពអ្នក ជម្រើសល្អបំផុត សូមពិគ្រោះ និងប្រឹក្សាយោបល់ផ្ទាល់ជាមួយពេទ្យជំនាញ។ Hello Health Group មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
គណនា BMI
បដិសេធ
Hello Health Group និង “Hello គ្រូពេទ្យ” មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
https://www.reuters.com/article/us-health-europe-syphilis/riskier-male-sex-pushes-europes-syphilis-rates-up-70-since-2010-idUSKCN1U70BH
កំណែប្រែបច្ចុប្បន្ន
12/07/2019
អត្ថបទដោយ គីង ច័ន្ទវាសនា
ត្រួតពិនិត្យដោយ វេជ្ជ. ចាន់ ស៊ីណេត
បច្ចុប្បន្នភាពដោយ៖ ដេត ធន្នី
ត្រួតពិនិត្យដោយ
វេជ្ជ. ចាន់ ស៊ីណេត
ឯកទេសសម្ភព និងរោគស្ត្រី · មន្ទីរពេទ្យបង្អែកមិត្តភាពកម្ពុជា-ចិន សែនសុខ
ផ្សព្វផ្សាយពាណិជ្ជកម្មតើអត្ថបទនេះមានប្រយោជន៍ដែរទេ?
ផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្ម