ការសិក្សាក៏បានរកឃើញដែរថាការញ៉ាំអាហារយឺតៗ ក៏បានបន្ថយកម្រិតអ័រម៉ូនធ្វើឲ្យឃ្លានអាហារឈ្មោះថា ghrelin ថយចុះ ដែលជាលទ្ធផលធ្វើឲ្យមនុស្សយើងញ៉ាំអាហារតិច។ ផ្ទុយមកវិញ បើយើងញ៉ាំអាហារលឿនៗ រាងកាយយើងមិនអាចដាក់សម្ពាធលើអ័រម៉ូន ghrelin បានទេ និងធ្វើឲ្យយើងបន្តញ៉ាំអាហារក្នុងបរិមាណច្រើន។
៣. បញ្ហាសុខភាពរយៈពេលវែង
ការសិក្សាមួយចុះផ្សាយលើព្រឹត្តិបត្រ BMC Public Healthកាលឆ្នាំ២០១៨ ដែលសិក្សាលើមនុស្ស៨០០០ នាក់បានបង្ហាញថាអ្នកញ៉ាំអាហារលឿនៗមានទំនាក់ទំនងទៅនឹងជំងឺលើសឈាម កើនឡើងខ្លាញ់ក្បាលពោះ កូលេស្តេរ៉ូលឡើងខ្ពស់ និងកម្រិតជាតិស្ករឡើងខ្ពស់ដែរ។