យើងទាំងអស់គ្នា ពេលខ្លះ មានអារម្មណ៍ថា ចាញ់អាកាសធាតុ ប៉ុន្ដែប្រសិនបើស្ថានភាពបែបនេះ នៅតែបន្ដរយៈពេលយូរ យើងគួរទៅជួបគ្រូពេទ្យ ដើម្បីពិនិត្យសុខភាព។ នេះដោយសារវាអាចជារោគសញ្ញា នៃបញ្ហាស្ត្រេស ហើយគ្រូពេទ្យថា រោគសញ្ញាទាំងនេះ អាចបណ្ដាលទៅជាជំងឺផ្សេងៗ។
ឲ្យតែស្ត្រេស ស្មុគស្មាញច្រើន សញ្ញាគួរឲ្យព្រួយបារម្ភទាំងនេះអាចកើតឡើង
ត្រួតពិនិត្យដោយ ជីព ចិត្ត
ខាងក្រោមនេះ ជាសញ្ញាចំនួន១០ យ៉ាង ដែលភាគច្រើន លេចចេញលើរាងកាយរបស់យើង បណ្ដាលមកពីបញ្ហាស្ត្រេស។ សញ្ញាទាំងនេះ មានដូចជា៖
១. ជំងឺស្បែក
ជំងឺរបកស្បែក មុន និងជំងឺស្បែកផ្សេងៗទៀត អាចបណ្ដាលមកពីបញ្ហាស្ត្រេស។ អ្នកវិទ្យាសាស្ត្រេ បកស្រាយថា នេះបណ្ដាលមកពីទំនាក់ទំនងផ្ទាល់រវាងស្ត្រេស (Psychological Stress) និងបញ្ហាស្បែក។
២. ទម្ងន់ប្រែប្រួល
បើយើងស្ត្រេស ពេលខ្លះ យើងអាចឈានដល់ស្ថានភាពមួយ ដែលយើងមិនអាចរក្សាទម្ងន់បាននោះទេ។ នេះដោយសារស្ត្រេស បង្កើនការផលិតអ័រម៉ូន Cortisol ដែលវាធ្វើមេតាប៉ូលិសសារធាតុខ្លាញ់ និងកាបូអ៊ីដ្រាត និងជួយបង្កើនកម្រិតជាតិស្ករក្នុងឈាម។ បើសិនយើងមានអ័រម៉ូននេះច្រើន យើងនឹងញ៉ាំអាហារកាន់តែច្រើន រាងកាយរបស់យើង នឹងផលិតអ័រម៉ូនតេស្ដូស្តេរ៉ូនកាន់តែតិច ហើយរាងកាយយើង នឹងដុតកាឡូរីកាន់តែតិចផងដែរ។ នេះនឹងធ្វើឲ្យយើងកាន់តែឡើងទម្ងន់។
តែក្នុងករណីខ្លះ ស្ត្រេសក៏បណ្ដាលឲ្យយើងស្រកទម្ងន់ផងដែរ ដោយវាបង្កើនកម្រិត Adrenaline នៅក្នុងឈាម។ Adrenaline ជួយបង្កើនល្បឿនមេតាប៉ូលិស តែវាកាត់បន្ថយការផលិតសារធាតុខ្លាញ់។
៣. ផ្ដាសាយញឹកញាប់
ស្ត្រេស អាចបង្កការផលិតអ័រម៉ូន Cortisol ដែលវាអាចរារាំងការរលាកបាន។ តែបើមានស្ត្រេសរ៉ាំរៃ ប្រព័ន្ធការពាររាងកាយ មិនឆ្លើយតបជាមួយនឹងអ័រម៉ូននេះទេ ហើយជាលទ្ធផល វាបណ្ដាលឲ្យការរលាកកាន់តែធ្ងន់ធរ។ ពេលនោះ រាងកាយរបស់យើង នឹងប្រឈមកាន់តែខ្លាំងនឹងជំងឺផ្ដាសាយ។
៤. ឈឺក្រពះ-ពោះវៀន
អ្នកវិទ្យសាស្ត្រ បញ្ជាក់ថា បញ្ហាស្ត្រេសអាចបង្កផលប៉ះពាល់អវិជ្ជមានដល់ផ្លូវក្រពះ-ពោះវៀន។ ពេលខ្លះ ថ្នាំសម្រាប់ព្យាបាលក្រពះ-ពោះវៀន មិនអាចជួយបាននោះទេ។
៥. ជ្រុះសក់
អ្នកវិទ្យសាស្ត្រ បញ្ជាក់ថា ស្ត្រេសអាចបណ្ដាលឲ្យយើងជ្រុះសក់ ហើយបើធ្ងន់ធ្ងរ ជ្រុះរហូតដល់ទំពែក។ ប្រសិនបើយើងកត់សម្គាល់ថា យើងជ្រុះសក់កាន់តែច្រើនជាងមុន ហើយវីតាមីនមិនអាចជួយបាននោះទេ ដូច្នេះ ស្ត្រេសអាចជាមូលហេតុបង្ក។
៦. ឈឺក្បាល
ឈឺក្បាល បណ្ដាលមកពីមូលហេតុជាច្រើន ដូចជា គេងដោយជំហរមិនត្រឹមត្រូវ សម្ពាធឈាមទាប ឬខ្ពស់ខ្លាំង ពពោះ និងបញ្ហាមួយចំនួនទៀត។ តែពេលខ្លះ ឈឺក្បាលអាចបណ្ដាលមកពីបញ្ហាស្ត្រេសអារម្មណ៍ (Emotional Stress) ដែលយើងមាននៅកន្លែងធ្វើការ ឬនៅផ្ទះ។
អត្ថបទពាក់ព័ន្ធ៖
- បើភ្ញាក់ពីគេង ហើយអស់កម្លាំងខ្លាំង មានន័យថា យើងស្ត្រេសដល់កំពូលហើយ
- តិចនិកពិសេស អាចកាត់បន្ថយស្ត្រេសហើយ រក្សាទម្ងន់បានល្អទៀត
៧. ចំណង់ផ្លូវភេទខ្សោយ
អ្នកមានចំណង់ផ្លូវភេទខ្សោយ ក៏អាចបណ្ដាលមកពីបញ្ហាស្ត្រេសផងដែរ។ អ្នកវិទ្យាសាស្រ្ត បញ្ជាក់ថា ក្នុងករណីនេះ បើមិនចង់ឲ្យស្ថានភាពកាន់តែអាក្រក់ រឿងល្អគួរធ្វើ ត្រូវសម្រាកពីការងារ ឬកិច្ចការនានា និងចំណាយពេលដើរលេងជាមួយដៃគូ។
អត្ថបទពាក់ព័ន្ធ៖
៨. គេងមិនលក់
ស្ត្រេស អាចជាមូលហេតុមួយ បណ្ដាលឲ្យយើងមានបញ្ហាគេងមិនលក់។ ស្ថានភាពនេះ បណ្ដាលឲ្យយើងបំពេញការងារមិនសូវបានល្អនោះទេ ហើយជីវិតក៏មិនសូវរីករាយដែរ ដោយសារគេងមិនលក់។
៩. ជំងឺសរសៃឈាមបេះដូង
ស្ត្រេស មានឥទ្ធិពលអាក្រក់លើបេះដូងរបស់យើង។ អ្នកវិទ្យាសាស្ត្រ បញ្ជាក់ថា ស្ត្រេសរ៉ាំរ៉ៃ ជាមូលហេតុមួយ នៃជំងឺសរសៃឈាមបេះដូង។
១០. ពិបាកផ្ដោតអារម្មណ៍លើការងារ
អ្នកមានបញ្ហាស្ត្រេសរយៈពេលយូរ ភាគច្រើន ជួបបញ្ហាពិបាកផ្ដោតអារម្មណ៍លើការងារនានា។ ប្រសិនបើយើងកត់សម្កាល់ថា យើងពិបាកផ្ដោតអារម្មណ៍ជាងធម្មតា ជម្រើសល្អ យើងកាត់បន្ថយការងារ ឬសម្រាកខ្លះ។ បញ្ហាពិបាកផ្ដោតអារម្មណ៍នេះ បណ្ដាលមកពីអារម្មណ៍តានតឹង និងច្របូកច្របល់។
Hello Health Group និង “Hello គ្រូពេទ្យ” មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
ត្រួតពិនិត្យដោយ
ជីព ចិត្ត
ផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្ម