ជាធម្មតាមនុស្សមួយចំនួនគិតថា សិចតាមប្រព័ន្ធអនឡាញ (Cybersex)គឺទំនងជាកត្តាមួយបំផ្លាញទំនាក់ទំនង។ ប៉ុន្តែសិចតាមអនឡាញមានផលប្រយោជន៍អាចធ្វើឲ្យដៃគូជាច្រើនមានឱកាស និងគេចចេញពីគ្រោះថ្នាក់ធំៗមួយចំនួនបាន។ វាជាការពិតដែលដៃគូមានភាពល្អូកល្អឺនជាមួយគ្នាធ្លាប់សិចតាមអនឡាញជាមួយគ្នា ជាជាងសិចតាមអនឡាញជាមួយអ្នកប្លែកមុខ។
ដៃគូនៅឆ្ងាយគ្នា សិចតាមអនឡាញជួយអ្វីបានឬអត់?
ត្រួតពិនិត្យដោយ គឹម កាណែល
១-សិចតាមអនឡាញ និងគុណសសម្បត្ដិរបស់វា
អ្នកស្រាវជ្រាវនៅសកលវិទ្យាល័យ ញូប៊្រូនស្វិក (University of New Brunswick) បានរកឃើញថា គុណសម្បត្ដិរបស់សិចតាមអនឡាញគឺខុសៗគ្នា ទៅតាមមនុស្សម្នាក់ៗ និងទៅតាមចរិតលក្ខណៈរបស់អ្នកទាំងនោះ។ លទ្ធផលនៃការស្រាវជ្រាវបានឲ្យ និយមន័យរបស់ cybersex ថាគឺជាទំនាក់ទំនងផ្លូវភេទរវាងមនុស្សយ៉ាងតិចពីរនាក់ ដែលពួកគេផ្ដោតតែលើទំនាក់ទំនងផ្លូវភេទ តាមប្រព័ន្ធអ៊ីនធឺណែត និងកើតឡើងក្នុងពេលតែមួយ។ បើយោងតាមការបកស្រាយមួយនេះ យើងអាចនិយាយបានថាសិចតាមអនឡាញ គឺមានជាច្រើនទម្រង់ ដូចជាធ្វើឡើងតាមប្រព័ន្ធអ៊ីមែល ឬការឆ្លើយឆ្លងសារគ្នាជាក្រុម ឬកើតឡើងដោយមាន ឬគ្មានការសម្រេចកាមជាមួយ។
Cybersex ឬសិចតាមប្រព័ន្ធអនឡាញ អាចជួយដល់មនុស្សដែលអៀនប្រៀនក្នុងសង្គមច្រើន អ្នកដែលមិនមានភាពជឿជាក់លើរូបរាងខ្លួនឯង និងអ្នកដែលមិនមានទំនាក់ទំនាក់ទំនងផ្លូវភេទជាមួយដៃគូ ដោយថាវាអាចជួយដាស់អារម្មណ៍ផ្លូវភេទរបស់អ្នកទាំងនោះ ដោយមិនចាំបាច់ព្រួយបារម្ភខ្លាចគេវាយតម្លៃមកលើពួកគាត់។ សម្រាប់ក្រុមមនុស្សមានអាយុតិច ឬក្រុមវ័យជំទង់ Cybersex អាចជួយឲ្យពួកគេទទួលបានបទពិសោធន៍នៃគំនិតអារម្មណ៍ផ្លូវភេទ និងអារម្មណ៍របស់ពួកគេផ្ទាល់។
អត្ថបទពាក់ព័ន្ធ៖ ចូលចិត្តសកម្មភាពផ្លូវភេទបែបនេះ បញ្ជាក់ថាយើងមានបញ្ហាញៀនសិចមែនទេ?
២- តើសិចតាមអនឡាញអាចជួយបង្កើនទំនាក់ទំនងរបស់អ្នកបានដែរទេ?
អ្នកជំនាញផ្នែកផ្លូវភេទមួយចំនួនបាននិយាយថា មនុស្សយើងអាចប្រើវិធីសិចតាមប្រព័ន្ធអនឡាញ (Cybersex) ដើម្បីបង្កើនទំនាក់ទំនងរវាងគ្នានិងគ្នាបាន។ សិចតាមអនឡាញជួយឲ្យដៃគូស្វែងយល់ និងរកដំណោះស្រាយក្នុងបញ្ហាផ្លូវភេទ ជាពិសេសគឺនៅពេលពួកគាត់មានភាពអៀនខ្មាស់ មិនហ៊ាននិយាយគ្នាអំពីបញ្ហានោះដោយផ្ទាល់។ Cybersex គឺជាជម្រើសដ៏ល្អសម្រាប់ដៃគូដែលចង់សាកល្បងបទពិសោធន៍ដែលថ្មី និងប្លែក។
វាជាការពិតដែលដៃគូជិតស្និទ្ធប្រើប្រាស់វិធីសិចតាមអនឡាញជាមួយដៃគូរបស់ខ្លួន អាចជួយឲ្យពួកគាត់បំពេញបំណងរបស់គាត់បានច្រើន រាប់ទាំងជីវិតផ្លូវភេទ និងទំនាក់ទំនងរបស់ពួកគាត់។ លើសពីនេះថែមទៀតនោះ cybersex ក៏នាំមកនូវទំនាក់ទំនងផ្លូវភេទប្រសើរជាងមុន ទទួលបានភាពសុខស្រួលច្រើនជាងមុន និងមានភាពស្និទ្ធស្នាលនៅខាងក្រៅបានច្រើនជាងមុនដូចគ្នា។ អ្នកជំនាញបានលើកឡើងថា cybersex ជាមួយដៃគូរបស់យើង គឺអាចជួយពង្រឹងទំនាក់ទំនង និងនាំភាពសប្បាយរីករាយ រួមទាំងភាពស្មោះត្រង់ ការបើកចិត្ដឲ្យទូលាយ យល់ពីគ្នា និងយល់ចិត្ដគ្នាបានកាន់តែប្រសើរ។
ក្រៅពីនេះទៀតនោះ គឺសម្រាប់អ្នកដែលមានផ្ទុកជំងឺរ៉ាំរ៉ៃ ឬជំងឺកាមរោគមានដូចជា HIV នោះ cybersex ដើរតួនាទីយ៉ាងសំខាន់ ដែលអាចឲ្យអ្នកទាំងនោះ អាចបំពេញចំណង់ផ្លូវភេទរបស់ពួកគាត់បាន ដោយមិនមានផលអវិជ្ជមានទៅកាន់ដៃគូរបស់គាត់ឡើយ។
អត្ថបទពាក់ព័ន្ធ៖ ៥ យ៉ាងនេះ ចៀសបានចៀសទៅ បើចង់ឲ្យប្រតិបត្តិការក្ដៅសាច់ឡើងដល់កំពូល
៣- Cybersex មានអត្ថប្រយោជន៍សម្រាប់អ្នកមានដៃគូររស់នៅឆ្ងាយពីគ្នា
សម្រាប់ដៃគូដែលរស់នៅឆ្ងាយពីគ្នា Cybersex គឺជាជម្រើសដ៏ល្អសម្រាប់ដាស់អារម្មណ៍របស់ពួកគេ។ វាជួយឲ្យើងហ និងដៃគូនៅទាក់ទងគ្នាបានល្អ។ សារបែបផ្អែមល្ហែម កាដូមានអត្ថន័យ និងការសន្ទនាមានរយៈពេលយូរគឺជារឿងដែលល្អ ប៉ុន្តែផ្នែកសំខាន់មួយសម្រាប់ទំនាក់ទំនងបែបរ៉ូមែនទិកនោះគឺ សិច។ សម្រាប់ករណីនេះ Cybersex ចូលរួមជាផ្នែកសំខាន់មួយ ដើម្បីពង្រឹងទំនាក់ទំនង ដោយជួយឲ្យអ្នកទាំងពីរស្និទ្ធស្នាលនឹងគ្នា។ ក្រៅពីនេះទៀតនោះ សិចតាមប្រព័ន្ធអ៊ីនធឺណែត ក៏អាចជួយឲ្យអ្នកគេចផុតពីអារម្មណ៍តានតឹង និងផ្ដល់ឱកាសល្អសម្រាប់សាកល្បងជីវិតផ្លូវភេទបែបថ្មី និងប្លែកមួយបែបទៀត។
ក្នុងករណីមានសំណួរ ឬមន្ទិលសង្ស័យជុំវិញសុខភាពអ្នក ជម្រើសល្អបំផុត សូមពិគ្រោះ និងប្រឹក្សាយោបល់ផ្ទាល់ជាមួយគ្រូពេទ្យជំនាញ។ Hello Health Group មិនចេញវេជ្ជបញ្ជា ធ្វើរោគវិនិច្ឆ័យ ឬព្យាបាលជូនទេ៕
បដិសេធ
Hello Health Group និង “Hello គ្រូពេទ្យ” មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
ត្រួតពិនិត្យដោយ
គឹម កាណែល
ផ្សព្វផ្សាយពាណិជ្ជកម្មតើអត្ថបទនេះមានប្រយោជន៍ដែរទេ?
ផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្ម