យើងតែងតែឮញឹកញាប់ថា កាមរោគជាជំងឺម្យ៉ាងដែលឆ្លងតាមរយៈការរួមភេទជាមួយដៃគូដែលមានផ្ទុកជំងឺកាមរោគដោយមិនបានប្រើស្រោមអនាម័យការពារ។ តែតាមពិតទៅ ក្រៅពីឆ្លងតាមរយៈការរួមភេទ ជំងឺកាមរោគក៏អាចឆ្លងតាមរបៀបផ្សេងៗទៀតដែរ នេះបើតាមការឲ្យដឹងពីលោកវេជ្ជបណ្ឌិត ចាន់ ស៊ីណេត ឯកទេសជំងឺទូទៅ។
តិចច្រឡំ ជំងឺកាមរោគមិនមែនឆ្លងតាមការរួមភេទមួយមុខទេ
ត្រួតពិនិត្យដោយ វេជ្ជ. ចាន់ ស៊ីណេត · មន្ទីរពេទ្យបង្អែកមិត្តភាពកម្ពុជា-ចិន សែនសុខ
១- ឆ្លងតាមការរួមភេទ
គ្រប់ជំងឺកាមរោគទាំងអស់ អាចឆ្លងពីមនុស្សម្នាក់ ទៅមនុស្សម្នាក់ទៀតតាមរយៈការរួមភេទដោយដាក់បញ្ចូលលិង្គតាមទ្វារមាស ដោយមិនបានប្រើស្រោមអនាម័យ ឬប្រើស្រោមអនាម័យដែរ តែមិនបានត្រឹមត្រូវ។ ឯការរួមភេទតាមវិធីផ្សេងទៀត ដូចជា តាមរន្ធគូទ និងការប្រើមាត់ ក៏ឆ្លងជំងឺកាមរោគដែរ។
អត្ថបទពាក់ព័ន្ធ៖
- ប្រយ័ត្នអ្នកឧស្សាហ៍រកអីៗក្រៅផ្ទះ! ១ថ្ងៃ មានមនុស្ស ១លាននាក់ ឆ្លងកាមរោគ
- វិធីកាត់បន្ថយហានិភ័យជំងឺម្យ៉ាង ស្រីៗគួរដឹង
២- ឆ្លងពីម្តាយទៅកូន
ស្រីៗពពោះ បើមានជំងឺកាមរោគអាចចម្លងជំងឺកាមរោគនោះទៅកូន នៅពេលមានផ្ទៃពោះ ឬពេលសម្រាល តាមរយៈឈាម ទឹករងៃ ទឹករម្អិល និងតាមរយៈការបំបៅដោះកូន។
៣- ឆ្លងតាមឈាម
ការចាក់បញ្ចូលឈាមដែលមិនត្រូវបានធ្វើតេស្តពិនិត្យមេរោគ អាចជាមូលហេតុនាំឲ្យឆ្លងជំងឺកាមរោគ ពិសេសជំងឺអេដស៍ ជំងឺថ្លើមប្រភេទ បេ សេ ស្វាយ និងជំងឺស្វាយ។
៤- ឆ្លងតាមម្ជុល សឺរ៉ាំង ឬសាក់
ប្រើម្ជុល សឺរ៉ាំងរួមគ្នា និងសាក់រូប អាចឆ្លងជំងឺកាមរោគបាន ប្រសិនបើយកវត្ថុទាំងនោះទៅប្រើលើមនុស្សម្នាក់ទៀត ដោយមិនបានស្ងោរសម្លាប់មេរោគឲ្យបានត្រឹមត្រូវ។ គួរប្រើម្ជុលថ្មី ឬឧបករណ៍ដែលបានរម្ងាប់មេរោគ រាល់ពេលចាក់បញ្ចូល ចោះទម្លុះស្បែក កោរ ឬចាក់សាក់។
ក្នុងករណីមានសំណួរ ឬមន្ទិលសង្ស័យជុំវិញសុខភាពអ្នក ជម្រើសល្អបំផុត សូមពិគ្រោះ និងប្រឹក្សាយោបល់ផ្ទាល់ជាមួយពេទ្យជំនាញ។ Hello Health Group មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
បដិសេធ
Hello Health Group និង “Hello គ្រូពេទ្យ” មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
ផ្សព្វផ្សាយពាណិជ្ជកម្មតើអត្ថបទនេះមានប្រយោជន៍ដែរទេ?
ផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្ម