គីសដៃស្បូន គឺជាជំងឺមួយដែលអាចធ្វើឲ្យស្រ្តីប្រឈមខ្លាំងក្នុងការកើតជំងឺកាចសាហាវត្រង់កន្លែងស្បូន ព្រោះគីសដៃស្បូន អាចវិវត្តស្ងាត់ៗ ទៅជាជំងឺមហារីកបាន។ នេះបើតាមការផ្សព្វផ្សាយឲ្យដឹងពីមន្ទីរពេទ្យ កាល់ម៉ែត។
ជាទូទៅ ក្នុងករណីស្ត្រីមានបញ្ហាជំងឺគីសដៃស្បូន គឺតែងមានបង្ហាញរោគសញ្ញាដូចជា ឈឺអាងត្រគាក ក្អួតចង្អោរ នោមញឹក ចុកពោះ ឬក្ដៅខ្លួនជាដើម។ មន្ទីរពេទ្យ កាល់ម៉ែត បានឲ្យដឹងថា មូលហេតុនៃការកើតជំងឺគីសដៃស្បូន គឺកើតឡើងទៅតាមប្រភេទនីមួយៗនៃដុំគីសដូចជា៖
ទី១. Follicular cyst៖ ដោយវាពុំបានបញ្ចេញពងមេជីវិត។
ទី២. Corpus luteum cyst៖ ពងមេជីវិតបានបញ្ចេញ ប៉ុន្តែរន្ធនោះត្រូវបានបិទជិតវិញ។
(ដុំគីសប្រភេទទី១ និងទី២នេះ មិនមានបញ្ហាអ្វីទេ វានឹងបាត់ទៅវិញក្នុងរយៈពេល២-៣ខែ បន្ទាប់។)
ទី៣.Dermoidcysts៖ ផ្សំទៅដោយជាលិកាផ្សេងៗដួចជា សក់ ស្បែក ឬក៏ធ្មេញ…។ ករណីនេះកម្រក្លាយជាជំងឺមហារីកណាស់។
ទី៤. Cystadenomas៖ ផ្សំដោយទឹករម្អិលខាប់ៗ ដែលកើតចេញពីជាលិកាអូវែ។
ទី៥. Endometriomas៖ ផ្សំដោយឈាមរដូវខាប់ៗដែលកើតចេញពីកោសិកាអង់ដូម៉ែត និង រីកធំធាត់នៅក្រៅស្បូន។
ជំងឺដុំគីសស្បូនប្រភេទទាំងអស់នេះ សុទ្ធតែមានផ្ដល់ផលពិបាកទៅដល់អ្នកជំងឺដូចជា ដុំស្បូនអាចវិវត្តទៅជាជំងឺមហារីក បណ្តាលឲ្យអ្នកជំងឺចុកពោះខ្លាំង និងមានឈាមដក់នៅក្នុងពោះ។ល។
មន្ទីរពេទ្យ កាល់ម៉ែត បានបញ្ជាក់ថា ការព្យាបាលជំងឺដុំគីសដៃស្បូននេះ គឺអាស្រ័យទៅតាម រោគសញ្ញា អាយុស្ត្រី ប្រភេទ និងទំហំនៃគីស ហើយការព្យាបាលត្រូវបានបែងចែកចេញជា២ករណីគឺ៖
-ករណីធម្មតា៖ អ្នកជំងឺមិនតម្រូវឲ្យមានការវះកាត់ទេ (ប្រភេទដុំគីស Follicular cysts និង Corpus luteum cyst)។
-ករណីធ្ងន់ធ្ងរ៖ អ្នកជំងឺគឺត្រូវធ្វើការវះកាត់ដោយបើកពោះ(Laparotomie) ឬវះកាត់ដោយប្រើឧបករណ៍ចោះ(Laparoscopic)។ ការវះកាត់ដោយប្រើឧបករណ៍ចោះ មានស្នាមរបួសតូច មិនសូវមានការឈឺចាប់ និងឆាប់បានត្រឡប់ទៅផ្ទះវិញ។
ទោះយ៉ាងណាក៏ដោយ ការវះកាត់តាមវិធីទាំងពីរនេះ មានប្រយោជន៍សំខាន់ដល់ស្រ្តី ដោយរក្សាទុកដៃស្បូន ជាពិសេស ស្រ្តី ដែលនៅវ័យក្មេង អាចឲ្យមានកូនបាននៅថ្ងៃក្រោយ។
អត្ថបទពាក់ព័ន្ធ៖
- ស្រីៗមិនគួរប្រហែស រោគសញ្ញាទាំងនេះអាចជាជំងឺគីសដៃស្បូន
- ដុំសាច់ក្នុងស្បូនអាចកើតមាននៅកន្លែងណាខ្លះ? មានរោគសញ្ញាបែបណា?
- រោគសញ្ញាមហារីកមាត់ស្បូន ស្រីៗគួរតែចាប់អារម្មណ៍
- ពពោះដំបូងៗត្រូវប្រយ័ត្ន បើមានសញ្ញាទាំងនេះ អាចកូនក្រៅស្បូនហើយ
- កូនក្រៅស្បូន បើទុកយូរអាចនាំទុក្ខដល់ម៉ាក់ៗកាត់ដៃស្បូនម្ខាងចោល
- ជំងឺមហារីកបំពង់ដៃស្បូន នេះជារោគសញ្ញាសំខាន់ៗមួយចំនួនស្រីៗគួរដឹង
[embed-health-tool-ovulation]
