គ្នាយើងមានឆ្ងល់អត់ ហេតុអីបានភ្នែកមនុស្សយើង មានអ្នកខ្លះស្រលៀងភ្នែក ដែលចាស់ៗចំណាំហៅថា ភ្នែកកែកនោះ? អ្នកមានភ្នែកស្រដៀងអាចមើលឃើញច្បាស់ទេ? ចុះអាចព្យាបាលជាអត់?
១- មូលហេតុធ្វើឲ្យភ្នែកស្រលៀង
ជំងឺភ្នែកស្រលៀងកើតឡើងដោយសារសាច់ដុំភ្នែកមិនប្រក្រតី ទៅជាទាញគ្រាប់ផ្នែកម្ខាងឲ្យចូល ឬចេញខុសទិស ពេលសម្លឹងម្តងៗភ្នែកមិនអាចសម្លឹងមកត្រង់បានទេ ពេលខ្លះមើលឃើញរូបភាពបែកជា២។
លោកវេជ្ជបណ្ឌិត ចាន់ ស៊ីណេត ឲ្យដឹងថា ជំងឺភ្នែកស្រលៀង អាចកើតមានទាំងលើកូនក្មេង និងមនុស្សធំ ចំពោះមូលហេតុវិញអាចមកពីកត្តាច្រើនយ៉ាងដូចជា៖
– ស្រដៀងពីកំណើត
– មានជំងឺទាក់ទងនឹងខួរក្បាល ធ្វើឲ្យទាញសរសៃភ្នែក
– មានជំងឺពកក
– មិនព្យាបាលភ្នែកម្ញ៉ួប (ម្ញ៉ូបបជិត ឬម្ញ៉ូបឆ្ងាយ)
– ដុះសាច់ក្នុងបាតភ្នែក
– ខ្សោយសាច់ដុំភ្នែក។
អត្ថបទពាក់ព័ន្ធ៖
- ចង់ឲ្យភ្នែកល្អ មិនម្ញូប មិនព្រិល ត្រូវថែរបៀបម៉េច?
- លម្អិតជុំវិញមូលហេតុភ្នែកឆ្លងរោគ ឈឺឡើងក្រហម រហូតដល់ពិការ
២- ការព្យាបាលជំងឺភ្នែកស្រលៀង
ជំងឺភ្នែកស្រលៀងមិនអាចព្យាបាលឲ្យល្អ ១០០% ដូចដើមនោះទេ ការព្យាបាលគ្រាន់តែអាចកាត់បន្ថយកម្រិតស្រលៀងនៃភ្នែក ធ្វើឲ្យភ្នែកមើលឃើញច្បាស់ជាងមុន ដោយការវះកាត់បន្ធូរ ឬបន្តឹងសាច់ដុំភ្នែក។
[embed-health-tool-ovulation]
