យើងដឹងហើយថា ចំពោះមនុស្សស្រី គឺត្រូវមានវដ្ដរដូវម្ដង/ខែ ជួនកាលគ្នាយើងស្រីៗខ្លះមកថ្ងៃខែ២ដង/ខែឯណោះ។ បើយើងគិតទៅ វដ្ដរដូវស្រីៗយើងមានការត្រណមពីចាស់ៗ និងការលើកឡើងមួយចំនួនទៀតដូចជា ពេលមករដូវ បើយើងងូតទឹកនឹងធ្វើឲ្យអាក់រដូវ ចាំអស់រដូវសឹមងូតទឹក។ តើការលើកឡើងបែបនេះពិត ឬអត់?
ពិតអត់ គ្រាន់ស្រីៗងូតទឹកពេលមករដូវ ធ្វើឲ្យអាក់រដូវ?
ត្រួតពិនិត្យដោយ វេជ្ជ. ចាន់ ស៊ីណេត · មន្ទីរពេទ្យបង្អែកមិត្តភាពកម្ពុជា-ចិន សែនសុខ
ឆ្លើយតបនឹងការលើកឡើងបែបនេះ លោកវេជ្ជបណ្ឌិត ចាន់ ស៊ីណេត ឯកទេសផ្នែកសម្ភព និងរោគស្ត្រី បានឲ្យដឹងថា គ្រាន់តែងូតទឹកពេលមករដូវមិនធ្វើឲ្យរដូវអាក់ ឬបង្កជាផលបញ្ហាសុខភាពអ្វីផ្សេងនោះទេ។ ការងូតទឹកអាចធ្វើឲ្យអាក់រដូវគ្រាន់តែជាការលើកឡើងពីចាស់ៗប៉ុណ្ណោះ។
លោកបន្តថា ការងូតទឹកក្ដៅអំឡុងពេលមករដូវអាចជួយដល់លំហូររបស់ឈាម វាក៏អាចជួយកាត់បន្ថយការឈឺចុកចាប់ និងសម្រួលដល់ភាពតានតឹងរបស់សាច់ដុំបានផងដែរ។ និយាយទៅ វាគ្មានហេតុផលណាដែលបញ្ជាក់ឲ្យស្រីៗមិនគួរងូតទឹក ឬត្រាំទឹក។ តាមពិតទៅ បើយើងត្រាំទឹកក្ដៅ វាអាចធ្វើឲ្យយើងមានអារម្មណ៍ធូរស្រាល បូករួមទាំងធ្វើឲ្យយើងមានអារម្មណ៍ថាស្អាតទៀតនោះ វានឹងជួយស្រីៗ មានអារម្មណ៍ស្រស់ថ្លា មិនឆាប់មួម៉ៅ ហើយវាក៏ជួយសម្រួលដល់បញ្ហាចុកពោះខ្លាំងពេលមករដូវបានដែរ។
លើសពីនេះទៅទៀត ពេលយើងងូតទឹកអំឡុងពេលមករដូវ ស្រីៗគួរប្រើសាប៊ូស្រាល និងគ្មានក្លិនទឹកអប់សម្អាតបរិវេណទ្វារមាស ព្រោះផលិតផលថែទាំកន្លែងសម្ងាត់ចំនួនអាចរំខានដល់តុល្យភាពបាក់តេរីល្អៗរបស់កន្លែងសម្ងាត់ បណ្ដាលឲ្យងាយឆ្លងមេរោគផ្សេង។
ម៉្យាងវិញទៀត ប្រធានផ្នែករោគស្ត្រី និងសម្ភពនៃមន្ទីរពេទ្យមិត្តភាព រូបនេះបន្តថា ការងូតទឹកក្ដៅក៏អាចផ្ដល់ផលប្រយោជន៍ច្រើនដល់សុខភាពយើងដែរ។
បដិសេធ
Hello Health Group និង “Hello គ្រូពេទ្យ” មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
ផ្សព្វផ្សាយពាណិជ្ជកម្មតើអត្ថបទនេះមានប្រយោជន៍ដែរទេ?
ផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្ម