ជាទូទៅ វដ្ដរដូវតែងមានរយៈពេលចន្លោះពី៤ថ្ងៃ ទៅ៨ថ្ងៃ ប៉ុន្តែបើគ្នាយើងខ្លះមករដូវរយៈពេលខ្លីត្រឹមតែ១ថ្ងៃ ឬ២ថ្ងៃ នោះបានន័យថាសុខភាពវដ្ដរដូវរបស់យើងចាប់ផ្ដើមមានបញ្ហាហើយ។

កត្តាមួយចំនួនវដ្ដរដូវមានរយៈពេលខ្លី

១. ស្រ្តេស

កម្រិតស្រ្តេសឡើងខ្លាំង ក៏អាចនាំឲ្យរដូវមកតិចតួច និងមានរយៈពេលខ្លីផងដែរ នេះដោយសារតែស្រ្តេសប៉ះពាល់ធ្ងន់ធ្ងរលើអ័រម៉ូន។ នៅពេលដែលកម្រិតស្រ្តេសថយចុះ នោះរដូវក៏អាចត្រលប់មកសភាពធម្មតាវិញបាន។

២. ហាត់ប្រាណខ្លាំងជ្រុល

ទន្ទឹមនឹងនេះដែរ ការហាត់ប្រាណខ្លាំងក្លាពេក អាចរំខានដល់ការបញ្ចេញអ័រម៉ូនគ្រប់គ្រងការបញ្ចេញពងអូវុល ដែលជាហេតុនាំឲ្យយើងមករដូវរយៈពេលខ្លី។

ចង់គណនា BMR ចុចទីនេះ !

ចង់ពិនិត្យជំងឺមហារីកសុដន់ ចុចទីនេះ !

ចង់ពិនិត្យជំងឺមហារីកមាត់ស្បូន ចុចទីនេះ !

៣. ការប្រើថ្នាំមួយចំនួន

ការប្រើថ្នាំមួយចំនួន ដូចជាថ្នាំគ្រាប់ឈាម ថ្នាំពង្រាវឈាម និងថ្នាំSteroids សុទ្ធតែអាចបណ្ដាលឲ្យរដូវមករយៈពេលខ្លី។

៤. កត្តាជំងឺ

បញ្ហាសុខភាពដូចជាគីសទឹកនៅក្រពេញអូវែ ក្រពេញទីរ៉ូអ៊ីត និងជំងឺកាមរោគមួយចំនួន ក៏អាចបង្កការរំខានដល់វដ្ដរដូវដូចគ្នា។

៥. ការបញ្ចេញពងអូវុលមិនល្អ

ជាមួយគ្នានេះដែរ ការមករដូវរយៈពេលខ្លី អាចជាសញ្ញានៃការបញ្ចេញពងអូវុលមិនល្អ ដែលនាំឲ្យគ្នាយើងមករដូវរយៈពេលខ្លី និងមិនទៀងទាត់។

មករដូវពណ៌ក្រមៅ

អត្ថបទគួរអាន៖

គន្លឹះទាំង៥ ជួយថែទាំវដ្ដរដូវឲ្យមានសុខភាពល្អ

គ្រប់គ្រងស្រ្តេស ដោយធ្វើសមាធិ ឬហាត់យូហ្គា
គេងឲ្យបានគ្រប់គ្រាន់
បញ្ចូលពពួកវីតាមីន និងជាតិរ៉ែចូលក្នុងរបបអាហារ ដើម្បីជួយគ្រប់គ្រងអ័រម៉ូន
ធ្វើលំហាត់ប្រាណជាទៀងទាត់ ដើម្បីជៀសវាងបញ្ហាធាត់ជ្រុល រក្សាតុល្យភាពអ័រម៉ូន និងជួយឲ្យរដូវមកទៀងទាត់។
ជៀសវាងញ៉ាំអាហារច្រើនជ្រុល ដូចជាពពួកអាហារចៀន។

ចំណុចសំខាន់

វដ្តរដូវជាធម្មតា តែងមានរយៈពេលចន្លោះពី៤ ទៅ៨ថ្ងៃ ប៉ុន្តែបើស្រីៗយើងមករដូវតែ១ ឬ២ថ្ងៃវិញ នោះបានន័យថាសុខភាពវដ្តរដូវយើងអាចមានបញ្ហាហើយ។ ការមករដូវរយៈពេលខ្លីនេះ អាចបណ្តាលមកពីកត្តាមួយចំនួនដូចជាស្រ្តេស ហាត់ប្រាណខ្លាំងជ្រុល ប្រើប្រាស់ថ្នាំមួយចំនួន កត្តាជំងឺ ការបញ្ចេញពងអូវុលមិនល្អ។ ដើម្បីដោះស្រាយបញ្ហាមករដូវរយៈពេលខ្លីនេះ គ្នាយើងអាចសាកល្បងតិចនិកទាំង៥ខាងក្រោមនេះ៖

គ្រប់គ្រងស្រ្តេស ដោយធ្វើសមាធិ ឬហាត់យូហ្គា
គេងឲ្យបានគ្រប់គ្រាន់
បញ្ចូលពពួកវីតាមីន និងជាតិរ៉ែចូលក្នុងរបបអាហារ ដើម្បីជួយគ្រប់គ្រងអ័រម៉ូន
ធ្វើលំហាត់ប្រាណជាទៀងទាត់ ដើម្បីជៀសវាងបញ្ហាធាត់ជ្រុល រក្សាតុល្យភាពអ័រម៉ូន និងជួយឲ្យរដូវមកទៀងទាត់។
ជៀសវាងញ៉ាំអាហារច្រើនជ្រុល ដូចជាពពួកអាហារចៀន។ល។

ម៉េចបានស្រីៗខ្លះមករដូវតែ១ថ្ងៃ ២ថ្ងៃអីចឹង? គួរដោះស្រាយបែបណា?

កត្តា​មួយ​ចំនួន​​វដ្ដ​រដូវ​មាន​រយៈពេល​ខ្លី

១. ស្រ្តេស

២. ហាត់​ប្រាណ​ខ្លាំង​ជ្រុល

៣. ការប្រើថ្នាំ​​មួយ​ចំនួន

៤. កត្តា​ជំងឺ​

៥. ការ​បញ្ចេញ​ពង​អូវុល​មិន​ល្អ

គន្លឹះ​ទាំង​៥ ជួយ​ថែទាំ​វដ្ដ​រដូវ​ឲ្យ​មាន​សុខភាព​ល្អ