ពិតណាស់ វដ្ដរដូវស្រីៗយើងមិនដូចគ្នាទេ ដោយអ្នកខ្លះមកច្រើនជ្រុល និងអ្នកខ្លះមករដូវតិចតួច សឹងតែមិនចាំបាច់ប្រើសំឡីអនាម័យផង។ យ៉ាងណាមិញ តើកត្តាអ្វីខ្លះដែលនាំឲ្យយើងមករដូវតិចបែបនេះ? ហើយគួរដោះស្រាយបែបណាល្អ?
ឧស្សាហ៍មករដូវតិចៗជាប្រចាំមែនអត់? តោះដោះស្រាយតាមវិធីងាយៗទាំងនេះ
ត្រួតពិនិត្យដោយ វេជ្ជ. ចាន់ ស៊ីណេត · មន្ទីរពេទ្យបង្អែកមិត្តភាពកម្ពុជា-ចិន សែនសុខ
កត្តាដែលនាំឲ្យមករដូវតិចតួច
គន្លឹះដោះស្រាយបញ្ហារដូវមកតិច
១. ញ៉ាំឆៃថាវក្រហម
ឆៃថាវក្រហម សម្បូរទៅដោយជាតិដែក កាល់ស្យូម វីតាមីនA វីតាមីនC ប៉ូតាស្យូម ម៉ង់ហ្គាណែស អាស៊ីដហ្វូលិក និងជាតិសរសៃ។ បន្លែមួយប្រភេទនេះ អាចជួយបង្កើនកម្រិតជាតិអេម៉ូក្លូប៊ីន ដែលជួយសម្រួលដល់ចរន្តឈាម និងលំហូរឈាមអំឡុងពេលមករដូវ និងជួយឲ្យយើងមករដូវកាន់តែច្រើន។
២. ញ៉ាំសូកូឡា
សូកូឡាជួយបង្កើនលំហូរឈាមអំឡុងពេលមករដូវ ហេតុនេះហើយ គ្នាយើងគួរញ៉ាំសូកូឡាខ្មៅដែលសម្បូរទៅដោយវីតាមីន និងសារធាតុរ៉ែដូចជា ជាតិដែក ទង់ដែង ប្រូតេអ៊ីន និងកាល់ស្យូម។
៣. បញ្ចូលគ្រាប់ល្ងនៅក្នុងរបបអាហារ
ចំណែកឯគ្រាប់ល្ងផ្ទុកទៅដោយជាតិដែក ម៉ាញ៉េស្យូម ទង់ដែង និងម៉ង់ហ្គាណែស ដែលជួយគ្រប់គ្រងលំហូរឈាមអំឡុងពេលមករដូវ។
៤. ធ្វើលំហាត់ប្រាណ
ទន្ទឹមនឹងនេះដែរ ការធ្វើលំហាត់ប្រាណអំឡុងពេលមករដូវ អាចជួយរក្សាទម្ងន់ខ្លួន និងជំរុញលំហូរឈាមរដូវបានល្អ។ គ្នាយើងក៏អាចហាត់យូហ្គា ដើម្បីជួយដោះស្រាយបញ្ហាប្រែប្រួលអារម្មណ៍ផងដែរ។
៥. រក្សាជាតិទឹកក្នុងរាងកាយ
អ្នកជំនាញបានឲ្យដឹងថា លំហូរឈាមរដូវរបស់ស្ត្រីយើង មានលាយឡំជាមួយនឹងសារធាតុរាវដទៃទៀតប្រហែលជា៩០% ហើយនៅពេលដែលឈាមក្រាស់ខាប់ពេក គឺពិបាកនឹងហូរខ្លាំងណាស់ ដែលកត្តានេះ យើងចាំបាច់ត្រូវរក្សាជាតិទឹកក្នុងរាងកាយឲ្យបានគ្រប់គ្រាន់ ដើម្បីបង្កើនបរិមាណនៃឈាមរដូវ។
អត្ថបទគួរអាន៖
- ស្រីៗមករដូវមិនទៀង ក្រោយចាក់វ៉ាក់សាំងកូវីដ-១៩ គួរបារម្ភអត់?
- ធ្លាក់កំណកឈាមធំៗពេលមករដូវ បណ្ដាលមកពីអ្វី?
- អំឡុងពេលមករដូវ ស្រីៗអាចញ៉ាំអាហារជូរបានអត់?
- មករដូវច្រើន និងឈឺចាប់ អាចមកពីបញ្ហាសុខភាពមួយនេះ
- មូលហេតុមកឈាមរដូវតិចជាងធម្មតា អាចមកពីហេតុផលទាំងនេះ
- ពណ៌ឈាមរដូវ អាចបញ្ជាក់ឲ្យដឹងពីបញ្ហាសុខភាពមនុស្សស្រី
បដិសេធ
Hello Health Group និង “Hello គ្រូពេទ្យ” មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
ផ្សព្វផ្សាយពាណិជ្ជកម្មតើអត្ថបទនេះមានប្រយោជន៍ដែរទេ?
ផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្ម