ត្រួតពិនិត្យដោយ វេជ្ជ. ចាន់ ស៊ីណេត · មន្ទីរពេទ្យបង្អែកមិត្តភាពកម្ពុជា-ចិន សែនសុខ
បញ្ហារមាស់ទ្វារមាស កើតឡើងជាទូទៅចំពោះស្រីៗយើងជាច្រើន ដែលអាចបណ្ដាលមកពីការរមាស់ស្បែក ការឆ្លងមេរោគផ្សិត ការប្រើប្រាស់ផលិតផលមានជាតិគីមី ឬការរួមភេទដោយប្រើមាត់ជាដើម។
ពិតណាស់ ការរួមភេទដោយការស៊កបញ្ចូល អាចនាំឲ្យមានការរលាកស្បែក ប្រសិនបើខ្វះទឹករម្អិលនៅពេលកកិត ប៉ុន្តែគ្នាយើងដឹងអត់ថា ការរួមភេទដោយប្រើមាត់ ឬម្រាមដៃក៏អាចនាំឲ្យមានការកកិតដូចគ្នា ដែលកត្តានេះអាចបង្កឲ្យរមាស់ទ្វារមាស និងឡើងក្រហមផងដែរ។ យ៉ាងណាមិញ ក្នុងករណីរមាស់ទ្វារមាសញឹកញាប់ យើងគួរតែពិគ្រោះយោបល់ជាមួយនឹងគ្រូពេទ្យជំនាញ ទើបជាការប្រសើរ។
ចង់ពិនិត្យជំងឺមហារីកសុដន់ ចុចទីនេះ!
ចង់ពិនិត្យជំងឺមហារីកមាត់ស្បូន ចុចទីនេះ!
ការប្រើស្រោមអនាម័យ ឬទឹករម្អិលអំឡុងពេលរួមភេទ អាចនាំឲ្យមានបញ្ហាអាលែកហ្ស៊ីបាន ដូច្នេះហើយ ការជ្រើសរើសផលិតផលដែលត្រឹមត្រូវចំពោះស្បែកត្រង់បរិវេណនោះ មានសារៈសំខាន់ណាស់។
ទន្ទឹមនឹងនេះដែរ ដៃគូអាចចម្លងបាក់តេរីពីមាត់ អញ្ចាញធ្មេញ និងអណ្ដាតទៅកាន់ទ្វារមាសដោយមិនដឹងខ្លួន ប្រសិនបើដៃគូយើងមានមេរោគក្នុងក្រពះ ឬមិនបានលាងសម្អាតដៃឲ្យបានត្រឹមត្រូវ។
ដូចទៅនឹងការរួមភេទដោយការស៊កបញ្ចូលលិង្គដែរ យើងចាំបាច់ត្រូវលាងសម្អាតទ្វារមាសឲ្យត្រឹមត្រូវជាមួយនឹងទឹកក្ដៅឧណ្ហៗ ក្រោយរួមភេទដោយប្រើមាត់រួច និងជៀសវាងប្រើទឹកអនាម័យដែលមានជាតិកាត់។
មួយវិញទៀត ភាពស្ងួតក៏អាចនាំឲ្យស្រីៗរមាស់ទ្វារមាស។ ហេតុនេះហើយ យើងចាំបាច់ត្រូវផ្ដល់សំណើមដល់បរិវេណទ្វារមាសឲ្យបានទៀងទាត់ ដោយជៀសវាងប្រើប្រាស់ផលិតផលដែលមានក្លិន ក៏ដូចជាប្រើផលិតផលធម្មជាតិជំនួសវិញ ដូចជាប្រេងដូងជាដើម។
អត្ថបទគួរអាន៖
ជាមួយគ្នានេះដែរ ដៃ និងម្រាមដៃរបស់យើងជាប្រភពនៃមេរោគផ្សេងៗជាច្រើន។ ហេតុនេះហើយ មុននឹងចាប់ផ្ដើមការរួមភេទក្នុងទម្រង់ណាមួយ គ្នាយើងគួរលាងសម្អាតដៃឲ្យបានស្អាតល្អ និងជៀសវាងទុកក្រចកវែងពេក ដែលធ្វើឲ្យបាក់តេរី ឬមេរោគងាយឆ្លងទៅកាន់ទ្វារមាស។
បដិសេធ
Hello Health Group និង “Hello គ្រូពេទ្យ” មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
ផ្សព្វផ្សាយពាណិជ្ជកម្មតើអត្ថបទនេះមានប្រយោជន៍ដែរទេ?
ផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្ម
