ចំពោះស្រីៗ ស្បូនគឺជាអវយវៈសំខាន់មួយនៃរាងកាយ ប៉ុន្តែវាក៏អាចប្រឈមមុខខ្ពស់ក្នុងការកើតជំងឺកាចៗសាហាវដែរដូចជា ដុំំស្បូន គីសក្នុងស្បូន និងជំងឺមហារីកស្បូន ឬមហារីកភ្នាសស្បូនជាដើម។ ទាក់ទងនឹងជំងឺមហារីកភ្នាសស្បូន លោកវេជ្ជបណ្ឌិត ចាន់ រស្មី ឯកទេសផ្នែកសម្ភព និងរោគស្ត្រី បានបកស្រាយឲ្យដឹងពីជំងឺនេះខ្លះៗ កត្តាប្រឈម និងរោគសញ្ញាផ្សេងៗ។
អ្វីទៅជាជំងឺមហារីកភ្នាសស្បូន?
លោកវេជ្ជបណ្ឌិតបានឲ្យដឹងថា ជំងឺមហារីកភ្នាសស្បូន ជាជំងឺដែលកោសិកាភ្នាសស្រទាប់ស្បូនលូតលាស់ខុសប្រក្រតី ក្លាយជាកោសិកាមហារីក។
ជំងឺមហារីកស្បូនមានហានិភ័យចំពោះស្ត្រីណាខ្លះ?
កត្តាហានិភ័យចំពោះស្ត្រីកើតជំងឺមហារីកភ្នាសស្បូនមាន៖
– បញ្ហាបញ្ចេញពងញី
– ជំងឺកន្សោមពងញីកន្តាញ់ កើតគីសច្រើន
– ស្ត្រីឆាប់មានរដូវក្មេងពេក
– ស្ត្រីអស់រដូវយឺតពេក
- ប្រើប្រាស់ថ្នាំ ភ្ញោចពងញីឲ្យឆាប់ទុំ
– ការលើសអ័រម៉ូន អឺស្រ្តូហ្សែន រយៈពេលយូរ
– កត្តាតំណពូជ គ្រួសារ
– ស្ត្រីធាត់លើសទម្ងន់ លើសសម្ពាធឈាម មានជំងឺទឹកនោមផ្អែម
– ស្ត្រីចូលចិត្តញ៉ាំ ខ្លាញ់សត្វច្រើន។ល។
ចង់គណនារង្វាស់ចង្វាក់បេះដូង ចុចទីនេះ!
ចង់ពិនិត្យជំងឺមហារីកសុដន់ ចុចទីនេះ!
ចង់ពិនិត្យជំងឺមហារីកមាត់ស្បូន ចុចទីនេះ!
ជំងឺមហារីកភ្នាសស្បូន មានរោគសញ្ញាបែបណាខ្លះ?
ស្ត្រីគួរយកចិត្តទុកដាក់នឹងរោគសញ្ញាមួយចំនួនរួមមាន៖
– ស្ត្រីអស់រដូវ បែរជាមានធ្លាក់ឈាមតាមទ្វារមាស ខុសធម្មតា
– ស្ត្រីនៅដំណាក់កាលបន្តពូជ មានរដូវមិនទៀងទាត់ ឈាមរដូវធ្លាក់យូរថ្ងៃ ធ្លាក់ឈាមខុសធម្មតា
– ដំណាក់កាលយឺត (កើតយូរខែឆ្នាំ) ឈឺចាប់នៅក្នុងអាងត្រគៀក បទជើងតូចនោមមានលាយឈាម ទឹកដក់ក្នុងពោះ(ពោះប៉ោងធំ)។
អត្ថបទគួរអាន៖
- ស្រីៗមករដូវមិនទៀង ក្រោយចាក់វ៉ាក់សាំងកូវីដ-១៩ គួរបារម្ភអត់?
- ធ្លាក់កំណកឈាមធំៗពេលមករដូវ បណ្ដាលមកពីអ្វី?
- អំឡុងពេលមករដូវ ស្រីៗអាចញ៉ាំអាហារជូរបានអត់?
- មករដូវច្រើន និងឈឺចាប់ អាចមកពីបញ្ហាសុខភាពមួយនេះ
ជំងឺមហារីកភ្នាសស្បូន ព្យាបាលដោយរបៀបណាខ្លះ?
ក្នុងករណីដែលកើតជំងឺមហារីកភ្នាសស្បូន ក្រុមគ្រូពេទ្យអាចធ្វើការព្យាបាលបានតាម៣វិធីសាស្ត្រ៖
១. ព្យាបាលដោយវះកាត់ស្បូនចោលទាំងស្រុង កន្សោមពងញីទាំងសងខាង វះយកកូនកណ្ដុរចេញ
២. ប្រើប្រាស់ថ្នាំគីមី
៣. បាញ់កាំរស្មីសម្លាប់កោសិកាមហារីក។
[embed-health-tool-ovulation]
