ជារឿងធម្មជាតិទៅហើយដែលចំណង់ផ្លូវភេទរបស់ស្រីៗយើងមានការប្រែប្រួលពីពេលមួយទៅពេលមួយនោះ ដោយពេលខ្លះក៏មានចំណង់ខ្លាំង និងពេលខ្លះក៏តិចទៅតាមហ្នឹងដែរ។ យ៉ាងណាក៏មានបញ្ហាវ័យ សុខភាពផ្លូវកាយ និងផ្លូវចិត្ត មួយចំនួនបង្កឲ្យចំណង់ផ្លូវភេទរបស់ស្រីៗធ្លាក់ចុះបាន។
មុននឹងនិយាយដល់មូលហេតុនាំឲ្យស្រីៗបាត់បង់ចំណង់ផ្លូវភេទ យើងក៏គួរដឹងពីរោគសញ្ញាមួយចំនួនដែលបង្ហាញថាស្រីៗយើងចាប់ផ្ដើមធ្លាក់ចុះចំណង់ផ្លូវភេទហើយ។ រោគសញ្ញាទាំងនោះរួមមាន៖
- មិនចាប់អារម្មណ៍នឹងសកម្មភាពណាមួយទាក់ទងនឹងការរួមភេទ រួមទាំងការសម្រេចកាមផងដែរ
- មិនដែល ឬយូរៗម្ដងទើបនឹងដល់រឿងរួមភេទ
- ព្រួយបារម្ភពីការបាត់បង់ចំណង់ផ្លូវភេទរបស់ខ្លួន។
អត្ថបទពាក់ព័ន្ធ៖
- ក្រោយមានជំងឺគាំងបេះដូង អាចរួមភេទបានវិញនៅពេលណា?
- ជំងឺប្រមេះទឹកថ្លាបើមិនព្យាបាលត្រឹមត្រូវ ស្រីៗអាចប្រឈមអត់កូន ប្រុសៗមានបញ្ហាពងស្វាស
- ស្រីៗធ្លាប់ដឹងអត់ថា ធ្លាក់សមានរៀងរាល់ខែ តែទាល់បែបនេះទើបគួរឲ្យបារម្ភ
- ពេលអស់រដូវ! ស្ត្រីគួរបង្ការខ្លួនបែបនេះទើបល្អ ចៀសវាងសុខភាពទ្រុឌទ្រោម
- ស្រីៗសម្អាតកន្លែងសម្ងាត់ជារឿងសំខាន់ តែបើសម្អាតដោយវិធីនេះនឹងគ្រោះធំមិនខាន
សម្រាប់មូលហេតុបង្កឲ្យស្រីៗយើងបាត់បង់ ឬធ្លាក់ចុះចំណង់ផ្លូវភេទរួមមាន៖
១. កត្តាផ្លូវកាយ
ស្រីៗយើងខ្លះបានជួបបញ្ហាពេលរួមភេទ ដូចជាមានការឈឺចាប់ខ្លាំងពេលកំពុងរួមភេទ មិនអាចដល់ចំណុចកំពូល បំបៅដោះកូន អស់ដូវ មានជំងឺប្រចាំកាយដូចជាមហារីក ទឹកនោមផ្អែម រលាកសន្លាក់ និងសម្ពាធឈាមឡើងខ្ពស់ក៏សុទ្ធតែអាចកាត់បន្ថយចំណង់ផ្លូវភេទរបស់ស្រីៗដែរ។ ជាមួយគ្នានោះដែរ បើស្រីៗយើងរវល់មើលមើលថែកូន មើលថែប៉ាម៉ាក់ចាស់ៗក្នុងគ្រួសារក៏អាចធ្វើឲ្យចំណង់ផ្លូវភេទធ្លាក់ចុះដែរ។
២. កត្តាផ្លូវចិត្ត
នៅពេលដែលយើងមានអារម្មណ៍មិនល្អ ក៏ធ្វើឲ្យប៉ះពាល់ដល់ចំណង់ផ្លូវភេទរបស់យើងដូចគ្នា។ បញ្ហាផ្លូវចិត្តទាំងនោះមានដូចជា៖
- ជំងឺបាក់ទឹកចិត្ត ឬថប់បារម្ភ
- តានតឹងក្នុងចិត្តព្រោះរឿងលុយកាក់ ឬការងារ
- បាក់សម្រស់ និង
- ធ្លាប់ជួបបទពិសោធន៍អវិជ្ជមានរឿងរួមភេទ
ចង់គណនារង្វាស់ចង្វាក់បេះដូង ចុចទីនេះ!
ចង់ពិនិត្យជំងឺមហារីកសុដន់ ចុចទីនេះ!
ចង់ពិនិត្យជំងឺមហារីកមាត់ស្បូន ចុចទីនេះ!
៣. កត្តាទំនាក់ទំនងដៃគូ
សម្រាប់ស្រីៗជាច្រើនការមានទំនាក់ទំនងជិតស្និទ្ធជាមួយដៃគូ ជារឿងសំខាន់ក្នុងការបង្កើតភាពស្និទ្ធស្នាលរឿងលើគ្រែនេះដែរ។ ដូចនេះហើយ បញ្ហាក្នុងទំនាក់ទំនងរវាងដៃគូស្នេហា ដូចជាមិនសូវស្និទ្ធស្នាល មានជម្លោះមិនដោះស្រាយ លាក់លៀមពីតម្រូវការផ្លូវភេទ និងបញ្ហាជំនឿចិត្តលើគ្នា គឺសុទ្ធជាកត្តាចម្បងៗនាំឲ្យចំណង់ផ្លូវភេទរបស់ស្រីៗយើងធ្លាក់ចុះ។
ចំពោះស្រីៗយើងដែលមានកង្វល់ចំពោះបញ្ហានេះ សូមប្រឹក្សាជាមួយគ្រូពេទ្យជំនាញ ដើម្បីបានដំណោះស្រាយសមរម្យ។
[embed-health-tool-ovulation]
