គ្នាយើងធ្លាប់មានអារម្មណ៍ថាហើមមុខក្រោយពេលភ្ញាក់ឡើងនៅព្រឹកព្រលឹមអត់? ពិតណាស់ មានមូលហេតុជាច្រើនដែលធ្វើឲ្យមុខហើមបែបនេះ ប៉ុន្តែវាមិនបង្កជាគ្រោះថ្នាក់ឡើយ។ យ៉ាងណាមិញ ប្រសិនបើការហើមមុខរំខានដល់យើងរយៈពេលយូរ ហើយមុខរបស់យើងប៉ោងជាងមុន វាក៏អាចបញ្ជាក់ពីប្រតិកម្មអាលែកហ្ស៊ី ឬបញ្ហាសុខភាពដទៃទៀតផងដែរ។ ខាងក្រោមនេះគឺជាមូលហេតុមួយចំនួនដែលធ្វើឲ្យយើងហើមមុខនៅពេលព្រឹក។
ហើមមុខពេលព្រឹកព្រលឹម អាចមកពីមូលហេតុទាំង៤នេះ
ត្រួតពិនិត្យដោយ វេជ្ជ. ចាន់ ស៊ីណេត · មន្ទីរពេទ្យបង្អែកមិត្តភាពកម្ពុជា-ចិន សែនសុខ
១. ឥរិយាបថគេងមិនត្រឹមត្រូវ
មូលហេតុទូទៅដែលធ្វើឲ្យមុខហើមនៅពេលព្រឹកកើតឡើងដោយសារតែសម្ពាធខ្នើយនៅលើមុខ ដែលនាំឲ្យសារធាតុរាវកកើតឡើង។ ហេតុនេះហើយ ទើបមនុស្សជាច្រើនគេងដោយមិនប្រើខ្នើយ។ មួយវិញទៀត យើងគួរតែគេងផ្អៀងទៅខាងឆ្វេងជានិច្ច ទើបជាការប្រសើរ។
២. ការប្រែប្រួលអ័រម៉ូន
ចំពោះស្រីៗយើងភាគច្រើន ការប្រែប្រួលអ័រម៉ូនក៏អាចបង្កឲ្យមុខហើមនៅពេលព្រឹកព្រលឹមផងដែរ។ ការមករដូវ ការអស់រដូវ ឬការមានផ្ទៃពោះ ក៏អាចធ្វើឲ្យស្រីៗយើងហើមមុខដូចគ្នា។ ប៉ុន្តែ ការប្រែប្រួលនេះនឹងត្រលប់មករកសភាពធម្មតាវិញ នៅពេលដែលវដ្ដអ័រម៉ូនមានស្ថិរភាព។ ចំណែកឯក្មេងស្រី ឬក្មេងស្រីវ័យជំទង់ ការហើមមុខនេះក៏អាចជាសញ្ញានៃការជិតមានរដូវ។
៣. ឈឺក្បាលក្រោយផឹកស្រាច្រើន
កត្តានេះកើតឡើងដោយសារតែការញ៉ាំស្រាច្រើនពេក នៅពេលយប់។ ជួនកាល ការញ៉ាំអាហារប្រៃពេក អំឡុងពេលញ៉ាំគ្រឿងស្រវឹងនៅពេលយប់ ក៏អាចបណ្ដាលឲ្យរលាករាងកាយ និងមុខ ពីព្រោះនៅពេលដែលយើងញ៉ាំប្រៃខ្លាំងពេក វាអាចនាំឲ្យចាល់ទឹកក្នុងរាងកាយ។
៤. ស្រ្តេស
ជាមួយគ្នានេះដែរ ប្រសិនបើយើងស្ត្រេសច្រើនពេក វាអាចធ្វើឲ្យកម្រិតអ័រម៉ូនCortisolកើនឡើង ដែលបណ្ដាលឲ្យរលាកពាសពេញរាងកាយ ព្រមទាំងផ្ទៃមុខ។ ដូច្នេះហើយ ទើបអ្នកដែលស្រ្តេសច្រើនមានអាការៈហើមមុខនៅពេលព្រឹកព្រលឹមជាញឹកញាប់។
បដិសេធ
Hello Health Group និង “Hello គ្រូពេទ្យ” មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
ផ្សព្វផ្សាយពាណិជ្ជកម្មតើអត្ថបទនេះមានប្រយោជន៍ដែរទេ?
ផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្ម