គួរឲ្យពិបាកចិត្តប៉ុនណា ក្រោយពីមុនពេញមុខ ហើយមានស្នាមទៀត។ គ្នាយើងទាំងអស់សុទ្ធតែធ្លាប់កើតមុន ញេច កេះ ធ្វើឲ្យមានស្នាម។ ស្នាមទាំងនោះអាចបាត់ ១០០% ទេ? ចម្លើយគឺ អាច។ ចាំ “Hello គ្រូពេទ្យ” ប្រាប់!

១- ក្រែម និងផលិតផលជំនួយ

– សម្លាកថ្មីៗ៖ មានពណ៌ក្រហមហើមប៉ោង ដោយសាររលាក។ ក្រែម គ័រទីហ្សូន អាចជួយបន្ថយការរលាក និងធ្វើឲ្យស្ថានភាពស្បែកល្អវិញបាន។ គ្នាយើងអាចទិញក្រែម គ័រទីហ្សូន ដោយមិនចាំបាច់វេជ្ជបញ្ជា។

– សម្លាកក្រមៅ៖ ស្លាកស្នាមពណ៌ក្រមៅ ផលិតផលត្រូវប្រើ មានអាស៊ីដកូហ្ស៊ិច (Kojic acid) វីតាមីន C និងអាប៊ុយទីន (arbutin) ដើម្បីជួយបំបាត់ចំណុចក្រមៅលើមុខ។ គួរប្រយ័ត្នចំពោះការរើសផលិតផលមកប្រើ (លាប) ព្រោះសាច់មុខអាចមិនត្រូវ ពេលខ្លះវាអាចធ្វើឲ្យស្បែករោល ឬបង្កជាមហារីកបាន។

កើតមុន

២- បាញ់កាំរស្មី និងចាក់ថ្នាំបន្តឹង

– បាញ់កាំរស្មី៖ សម្លាកមុនធ្ងន់ធ្ងរ គួរពិគ្រោះ និងព្យាបាលជាមួយពេទ្យសើស្បែក ដើម្បីស្វែងយល់ពីវិធី ឬជម្រើសព្យាបាល ដូចជា បាញ់កាំរស្មីឡាសែ៊រ។ គេបាញ់ដើម្បីបំបែកស្នាមលើមុខ ធ្វើឲ្យស្បែករលោង បង្កើនការផលិតជាតិខូលេជែន មកបំពេញសម្លាកមុនឲ្យជិតវិញ។

– ចាក់ថ្នាំបន្ដឹង ឬបំពេញ៖ សម្រាប់អ្នកមានសម្លាកមុនខូងជ្រៅៗ ត្រូវចាក់ថ្នាំបំពេញបន្តឹងស្បែក និងព្យាបាលឲ្យទៀងទាត់ ឬរៀងរាល់ ៤-៦ ខែម្តង ព្រោះស្បែកត្រូវការស្រូបជាតិថ្នាំចាក់ទៅបំពេញស្នាមជ្រៅៗ។

ចង់គណនា BMI ចុចទីនេះ !

ចង់គណនា BMR ចុចទីនេះ !

ចង់ពិនិត្យជំងឺមហារីកសុដន់ ចុចទីនេះ !

ចង់ពិនិត្យជំងឺមហារីកមាត់ស្បូន ចុចទីនេះ !

៣- របៀបបង្ការ និងបន្ថយឥទ្ធិពលមុន

– កុំប៉ះពន្លឺថ្ងៃ៖ កម្ដៅថ្ងៃធ្វើឲ្យស្នាមកាន់តែឡើងពណ៌ក្រមៅខ្លាំងឡើងៗ ព្រោះកាំរស្មីយូវី (UV) ក្នុងពន្លឺព្រះអាទិត្យ ភ្ញោចកោសិកាផលិតជាតិពណ៌ត្នោត បណ្តាលឲ្យមានការប្រែប្រួលសម្បុរស្បែកខុសធម្មតា។ ពន្លឺ និងកម្ដៅព្រះអាទិត្យក្ដៅខ្លាំង អាក្រក់បំផុតលើស្បែកចន្លោះពីម៉ោង ១០ ព្រឹកដល់ ២ រសៀល។

– កុំកេះសម្លាក៖ សម្លាកកើតដោយសារបាត់បង់ជាតិខូលេជែន កាន់តែកេះ កាន់តែធ្ងន់ធ្ងរ។ កេះ និងញេច មិនអាចជួយឲ្យស្លាកស្នាមប្រសើរឡើង ឬជាទេ អ៊ីចឹងកុំរពឹសដៃ សូម្បីប៉ះ ឬអង្អែល។ ញេចមុនធ្វើឲ្យខ្ទុះ និងបាក់តេរីចូលទៅកាន់តែជ្រៅក្នុងស្រទាប់ស្បែក បណ្តាលឲ្យមានការខូចខាតកាន់តែច្រើនឡើងៗ រហូតបង្កជាស្នាម។

– កុំប្រើវីតាមីន E លើសម្លាក៖ ផ្ទុយពីជំនឿដែលថាវីតាមីន E ជួយពន្លឿនល្បឿននៃការជាសះ តែតាមពិតវាវីតាមីននេះបែរជាពន្យឺតទៅវិញ ហើយថែមទាំងអាចធ្វើឲ្យស្បែករមាស់រោលទៀតផង។

អត្ថបទគួរអាន៖

ចំណុចសំខាន់

គ្នាយើងទាំងអស់សុទ្ធតែធ្លាប់កើតមុន ញេច កេះ ធ្វើឲ្យមានស្នាម។ ស្នាមទាំងនោះអាចបាត់ ១០០% ប្រសិនបើយើងអនុវត្តវិធីសាស្រ្តទាំងនេះ៖

ក្រែម និងផលិតផលជំនួយ
បាញ់កាំរស្មី និងចាក់ថ្នាំបន្តឹង
កុំប៉ះពន្លឺថ្ងៃ
កុំកេះសម្លាក
កុំប្រើវីតាមីនEលើសម្លាក

​ចង់បាត់​ស្នាម​​មុន១០០%​ គ្នាយើងអាចសាកតិចនិកទាំងនេះ

១- ក្រែម និងផលិតផលជំនួយ

២- បាញ់កាំរស្មី និងចាក់ថ្នាំបន្តឹង​

៣- របៀបបង្ការ និងបន្ថយឥទ្ធិពលមុន

ចំណុចសំខាន់

ចង់បាត់ស្នាមមុន១០០% គ្នាយើងអាចសាកតិចនិកទាំងនេះ

២- បាញ់កាំរស្មី និងចាក់ថ្នាំបន្តឹង