ការជ្រើសរើសក្រែមលាបមាត់ដែលមានសុវត្ថិភាពមិនត្រឹមតែអាចជួយបន្ថែមសម្រស់ដល់មាត់ទេ ថែមទាំងការពារយើងពីហានិភ័យសុខភាពជាច្រើនទៀត ព្រោះស្បែកបបូរមាត់ងាយប្រតិកម្មណាស់ ហើយក្រែមលាបមាត់អាចចូលក្នុងខ្លួនយើងតាមរយៈមាត់។ តើគួរជ្រើសរើសក្រែមលាបមាត់បែបណាទើបមានសុវត្ថិភាព?
យោងតាមរដ្ឋបាលចំណីអាហារ និងឱសថអាមេរិក (FDA) បានឱ្យដឹងថា ក្រែមលាបមាត់ជាច្រើនមានផ្ទុកសារធាតុសំណ និងសារធាតុពុលផ្សេងទៀតជាច្រើន។
យើងគួរចៀសវាងប្រើក្រែមលាបមាត់ដែលមានធាតុផ្សំដូចជា៖
១. Siloxanes
Siloxanes គឺជាសារធាតុគីមីដែលបានមកពីបន្សំរវាងអាល់កាន អុកស៊ីសែន និងស៊ីលីកុន ហើយត្រូវបានប្រើដើម្បីធ្វើឱ្យក្រែមលាបមាត់រលោង និងមានសំណើមដែលធ្វើឱ្យក្រែមលាបមាត់ទន់ និងងាយស្រួលលាប។
Siloxanes អាចជ្រាបក្នុងខ្លួនយើង ហើយរំខានដល់តុល្យភាពអ័រម៉ូន រំខានដល់ប្រព័ន្ធអង់ដូគ្រីន និងធ្វើឱ្យយើងមានបញ្ហាបន្តពូជទៀតផង។
២. MethylParaben
MethylParaben ជាសារធាតុរក្សាទុក ហើយអាចប្រឆាំងនឹងមេរោគផ្សិតដែលត្រូវបានប្រើក្នុងក្រែមលាបមាត់ដើម្បីការពារមិនឱ្យក្រែមលាបមាត់ដុះផ្សិត និងទុកបានយូរ។ MethylParaben អាចធ្វើឱ្យប្រព័ន្ធអង់ដូគ្រីនមានបញ្ហា និងបង្កើនហានិភ័យកើតមហារីក ។
៣. Polyparaben
Polyparaben ជាសារធាតុរក្សាទុកដែលការពារក្រែមលាបបបូរមាត់ពីការមានបាក់តេរី មិនឱ្យឡើងផ្អូម និងការពារជាតិប្រេងក្នុងក្រែមលាបមាត់មិនឱ្យខូច។ Polyparaben អាចបង្កឱ្យយើងអាលែកហ្ស៊ី រំខានដល់តុល្យភាពអ័រម៉ូន និងប្រព័ន្ធអង់ដូគ្រីន។
៤. Retinyl Palmitate
Retinyl Palmitate ជាសារធាតុរក្សាទុកដែលធ្វើឱ្យក្រែមលាបបបូរមាត់នៅស្រស់។ នៅពេល Retinyl Palmitate ជ្រាបចូលក្នុងស្បែករបស់យើង សារធាតុនេះនឹងក្លាយជារ៉ាឌីកាល់ដែលមានជាតិពុល ហើយអាចបំផ្លាញ DNA របស់យើង និងបង្កជាមហារីក។
៥. ល័ក្ត
ល័ក្តជាសារធាតុដែលផ្តល់ពណ៌ដល់ក្រែមលាបបបូរមាត់។ ល័ក្តសំយោគជាច្រើនផលិតមកពីប្រេងដែលនឹងស្តុកទុកក្នុងយើងក្នុងទម្រង់ជាជាលិកាខ្លាញ់។
ចង់គណនារង្វាស់ចង្វាក់បេះដូង ចុចទីនេះ!
ចង់ពិនិត្យជំងឺមហារីកសុដន់ ចុចទីនេះ!
ចង់ពិនិត្យជំងឺមហារីកមាត់ស្បូន ចុចទីនេះ!
៦. Tocopheryl Acetate
Tocopheryl Acetate គឺជាវីតាមីន E ដែលបង្កើតដោយមន្ទីរពិសោធន៍ ហើយត្រូវបានបន្ថែមទៅក្នុងក្រែមលាបមាត់ដើម្បីជាធាតុផ្សំប្រឆាំងអុកស៊ីតកម្ម និងការពារការរីកលូតលាស់របស់មេរោគផ្សិតនៅក្នុងក្រែមលាបបបូរមាត់។
Tocopheryl Acetate អាចបង្កើនឥទ្ធិពលរបស់កាំរស្មី UV និងបណ្តាលឱ្យស្បែកយើងមានប្រតិកម្ម ឡើងកន្ទួលកហម និងពងបែក។
៧. សំណ
សំណជាសារធាតុពុលធ្ងន់ធ្ងរដែលអាចបំផ្លាញខួរក្បាលយើង។ ស្ត្រីមានផ្ទៃពោះ និងកុមារគួរចៀសឱ្យឆ្ងាយពីសារធាតុសំណ។
៨. Petrolatum
Petrolatum ជួយស្រោបក្រែបលាបបបូរមាត់ និងការពារក្រែបលាបបបូរមាត់មិនឱ្យស្ងួតរឹង និងឡើងកកដុំៗ។ សារធាតុនេះអាចបណ្តាលឱ្យស្បែកបបូរមាត់យើងស្ទះ ចាស់មុនអាយុ និងអាចបង្កឱ្យកើតមហារីក ។
[embed-health-tool-bmi]
៩. Butylated Compound
Butylated Compound ជាសារធាតុរក្សាទុកដែលធ្វើឱ្យក្រែមលាបបបូរមាត់ទុកបានយូរ នៅស្រស់ និងមិនដុះផ្សិត តែសារធាតុនេះអាចបណ្តាលឱ្យស្បែកបបូរមាត់យើងអាលែកហ្ស៊ី បង្កឱ្យកើតមហារីក និងធ្វើឱ្យអ័រម៉ូនយើងអតុល្យភាព។
១០. ក្លិនសិប្បនិម្មិត
ក្លិនសិប្បនិម្មិតជួយឱ្យក្រែមលាបបបូរមាត់មានក្លិនក្រអូប និងបំបាត់ក្លិនរបស់សារធាតុផ្សំផ្សេងទៀត តែក្លិនសិប្បនិម្មិតអាចរំខានអ័រម៉ូន ធ្វើឱ្យស្បែកយើងឡើងកន្ទួល ធ្វើឱ្យយើងឈឺក្បាលប្រកាំង និងអាចបណ្តាលឱ្យមានពិការភាពពីកំណើត។
អត្ថបទគួរអាន៖
- ចង់បានស្បែកស្រស់ថ្លា គួរកាត់បន្ថយអាហារប៉ុន្មានមុខនេះ
- តិចនិកជ្រើសរើសផលិតផលឲ្យត្រូវនឹងសភាពស្បែក បង្ការបញ្ហាផ្សេងៗ
- តិចនិកថែទាំស្បែកមុខ ការពារកុំឲ្យឡើងអាចម៍រុយផ្ដេសផ្ដាស
- ម៉េចបានចេះតែរបកស្បែកដៃ? គួរដោះស្រាយបែបណា?
- មិនចង់ឲ្យមុខឡើងជាំ ស្រីៗគួរចេះតិចនិកទាំងនេះ
- ខូឡាជែនល្អចំពោះសម្រស់ និងសុខភាព រកបានពីអាហារណាខ្លះ?
