នៅពេលចូលដល់វ័យជាងម្ភៃក្រាស់ ច្បាស់ណាស់ថា គ្នាយើងអាចនឹងសង្កេតឃើញសញ្ញានៃភាពចាស់ដែលលេចឡើងនៅលើស្បែក។ ពេលខ្លះ ផលិតផលថែរក្សាសម្រស់ជាច្រើនដែលមានលក់នៅលើទីផ្សារ មិនត្រូវនឹងស្បែកយើងឡើយ។ ដូច្នេះហើយ យើងអាចសាកល្បងប្រើម៉ាសបិទមុខរូបមន្តធម្មជាតិខាងក្រោមនេះ ដើម្បីជួយប្រឆាំងនឹងភាពចាស់ ជួយឲ្យស្បែកភ្លឺថ្លាក្មេងជាងវ័យ ព្រមទាំងការពារបញ្ហាស្បែកស្ងួត។
[embed-health-tool-bmi]
១. ម៉ាសត្រសក់
កិនត្រសក់កន្លះផ្លែ ដោយបន្ថែមទឹកក្រូចឆ្មារមួយស្លាបព្រាបាយ ហើយលាបនៅលើផ្ទៃមុខ រួចទុកចោលរយៈពេល១០ ទៅ២០នាទី។ បន្ទាប់មក លាងជម្រះជាមួយនឹងទឹកត្រជាក់ ជាការស្រេច។ គ្នាយើងអាចអនុវត្តន៍រូបមន្តនេះ ជារៀងរាល់ថ្ងៃ ដើម្បីជួយឲ្យស្បែកក្មេងជាងវ័យ និងភ្លឺថ្លា។
២. ម៉ាសប្រទាលកន្ទុយក្រពើ
ជាមួយគ្នានេះដែរ ស្រីៗយើងក៏អាចប្រើប្រទាលកន្ទុយក្រពើប្រមាណ២ស្លាបព្រាបាយ ដោយលាយជាមួយនឹងទឹកក្រូចឆ្មារចំនួនពីរបីដំណក់ រួចច្របល់ល្បាយឲ្យសព្វល្អ។ បន្ទាប់មក លាបលើផ្ទៃមុខ និងទុកចោលប្រហែលជា១០នាទី សឹមលាងជម្រះចេញជាមួយនឹងទឹកធម្មតា។ ម៉ាសនេះ មានប្រសិទ្ធភាពបង្ការការបំផ្លាញខូឡាជែន និងបញ្ចៀសស្នាមជ្រីវជ្រួញ។ គ្នាយើងអនុវត្តន៍រូបមន្តនេះ ជារៀងរាល់ថ្ងៃតាមតម្រូវការ។
៣. ម៉ាសកាហ្វេ
រូបមន្តម៉ាសមួយប្រភេទនេះវិញ គ្នាយើងអាចលាយម្សៅកាហ្វេចំនួន១ស្លាបព្រាបាយ និងម្សៅកាកាវចំនួន១ស្លាបព្រាបាយ។ បន្ទាប់មកចាក់ប្រេងដូងចំនួន១ស្លាបព្រាបាយ រួចកូរឲ្យសព្វល្អ ទើបយកមកលាបនៅលើផ្ទៃមុខ និងក ដោយទុកចោលរយៈពេល១៥ ទៅ៣០នាទី មុននឹងលាងជម្រះចេញជាមួយនឹងទឹកត្រជាក់។ រូបមន្តម៉ាសកាហ្វេនេះ អាចអនុវត្តន៍ពីរបីដងក្នុងមួយសប្តាហ៍ ដើម្បីកាត់បន្ថយស្នាមជ្រីវជ្រួញ និងជួយជម្រុះកោសិកាងាប់ៗពីស្បែក៕
អត្ថបទគួរអាន៖
- ស្រីៗយើង នេះជារបៀបធ្វើក្រែមលាបមាត់ងាយៗតាមបែប
- វិធីខាត់ស្បែកត្រឹមត្រូវ ការពារកុំឲ្យខូចស្បែកមិនដឹងខ្លួន
- វិធីសាស្រ្តធម្មជាតិធ្វើស្រ្កាប់ខាត់ស្បែកមុខ គួរសាកល្បង
- ចែកគ្នាដឹង! វិធីកម្ចាត់មុនក្បាលខ្មៅលើច្រមុះតាមបែបធម្មជាតិ
- ប្រែបបូរមាត់ពីខ្មៅស្រអាប់ទៅជាទន់ល្មើយផ្កាឈូក ដោយរូបមន្ត ៨ យ៉ាងនេះ
- តិចនិកកម្ចាត់ខ្លាញ់កកក្រោមស្បែកភ្លៅ ស្រីៗយើងចែកគ្នាដឹង
