១. ទឹកតប់មុខ៖ ជូតសម្អាតផ្ទៃមុខក្រោយលាងសម្អាតរួច ដោយប្រើសំឡីជូតមុខថ្នមៗ។ ធ្វើបែបនេះ អាចជួយបន្តឹងរន្ធញើស ធ្វើឲ្យកម្រិតpHនៃស្បែកមានតុល្យភាព និងជួយជំរុញឲ្យស្បែកស្រស់ថ្លា និងភ្លឺរលោង។
២. ម៉ាសមុខ៖ លាយទឹកអំពៅចំនួន១ស្លាបព្រាបាយ ជាមួយនឹងទឹកក្រូចឆ្មារ១ស្លាបព្រាបាយ និងទឹកឃ្មុំ១ស្លាបព្រាបាយ ដោយយកមកលាបឲ្យសព្វល្អនៅលើផ្ទៃមុខ រួចទុកចោល១៥ ទៅ២០នាទី និងលាងជម្រះចេញជាមួយនឹងទឹកក្តៅឧណ្ហៗ។ ម៉ាសមួយប្រភេទនេះ អាចជម្រុះកោសិកាចាស់ៗ ជួយឲ្យស្បែកភ្លឺថ្លា និងមានសំណើម។
៣. ទឹកអប់សក់ ៖ បន្ទាប់ពីកក់សក់រួច គ្នាយើងអាចធ្វើការអប់សក់ជាមួយនឹងទឹកអំពៅ ដោយធ្វើការម៉ាស្សានៅលើស្បែកក្បាលឲ្យសព្វល្អ រួចទុកចោលរយៈពេលពីរបីនាទី សឹមលាងជម្រះចេញ។ រូបមន្តនេះ ជួយបន្ទន់សក់ ធ្វើឲ្យសក់ភ្លឺរលោង និងជួយឲ្យស្បែកក្បាលមានសុខភាពល្អ។
យ៉ាងណាមិញ ការអនុវត្តរូបមន្តថែរក្សាសម្រស់ដោយទឹកអំពៅនេះ ក៏អាចធ្វើឲ្យគ្នាយើងមួយចំនួនជួបបញ្ហារលាកស្បែក ឬអាលែកហ្ស៊ីជាដើម ដូចនេះ គ្នាយើងគួរតែសាកល្បងធ្វើតេស្តនៅលើស្បែកដៃជាមុនសិន ទើបជាការប្រសើរ។
អត្ថបទគួរអាន៖