វីតាមីន C ជាសារធាតុចិញ្ចឹមដ៏សំខាន់សម្រាប់សុខភាពរាងកាយទាំងមូល ជាពិសេសសុខភាពស្បែកតែម្តង។ ជាក់ស្តែង វីតាមីនមួយប្រភេទនេះ ជួយបង្កើនខូឡាជែននៃស្បែក និងបញ្ចៀសស្នាមជ្រីវជ្រួញ ព្រមទាំងជួយឲ្យស្បែកមើលទៅក្មេងជាងវ័យ និងបន្តឹងស្បែកថែមទៀតផង។
ពពួកផ្លែក្រូច ដូចជាក្រូចឆ្មា ក្រូចលឿង និងក្រូចថ្លុងជាដើម សម្បូរទៅដោយវីតាមីនC និងសារធាតុប្រឆាំងនឹងអុកស៊ីតកម្ម ដែលអាចជួយជួសជុលកោសិកាស្បែក បង្កើនជាតិខូឡាជែន ព្រមទាំងកាត់បន្ថយស្នាមអុជខ្មៅនៅលើស្បែកថែមទៀតផង។
ចំពោះផ្លែប៊ឺរី គឺសម្បូរទៅដោយវីតាមីនC, K និង B9 ដែលជាប្រភពនៃសារធាតុប្រឆាំងអុកស៊ីតកម្ម។ វីតាមីនទាំងនេះ ជួយដល់សុខភាពស្បែក ធ្វើឲ្យស្បែកភ្លឺចេញពីខាងក្នុង និងកាត់បន្ថយស្នាមអុជខ្មៅនៃស្បែក។ លើសពីនេះ ផ្លែប៊ឺរីក៏ជួយបញ្ចៀសស្នាមជ្រីវជ្រួញបានយ៉ាងមានប្រសិទ្ធភាពផងដែរ។
ចង់ពិនិត្យសុខភាពប្រព័ន្ធរំលាយអាហារ ចុចទីនេះ!
ទន្ទឹមនឹងនេះដែរ ផ្លែត្របែកអាចជួយបណ្តេញជាតិពុលពីខាងក្នុងស្បែក ដោយបន្សុទ្ធឈាម ព្រមទាំងជួយបង្កើនជាតិខូឡាជែន និងពន្យឺតភាពចាស់នៃស្បែក។ ដោយសារតែផ្លែត្របែក អាចជួយលាងសម្អាតពោះវៀន និងស្រូបយកសារធាតុចិញ្ចឹមចូលទៅក្នុងឈាម ប្រការនេះនឹងធ្វើឲ្យស្បែកភ្លឺរលោងតាមបែបធម្មជាតិ។
ជាមួយគ្នានេះដែរ ផ្លែគីវីជាកំពូលផ្លែឈើដែលផ្ទុកទៅដោយវីតាមីនC, E ហ្វូឡេត និងទង់ដែង ដែលអាចជួយថែបំប៉នស្បែក ព្រមទាំងប្រឆាំងនឹងពពួករ៉ាឌីកាល់សេរី។ បន្ថែមពីនេះ វាក៏ជួយទប់ស្កាត់ភាពចាស់ និងស្នាមជ្រីវជ្រួញនៃស្បែកបានយ៉ាងមានប្រសិទ្ធភាពដូចគ្នា។
អត្ថបទគួរអាន៖
