វីតាមីន C ជាសារធាតុចិញ្ចឹមដ៏សំខាន់សម្រាប់សុខភាពរាងកាយទាំងមូល ជាពិសេសសុខភាពស្បែកតែម្តង។ ជាក់ស្តែង វីតាមីនមួយប្រភេទនេះ ជួយបង្កើនខូឡាជែននៃស្បែក និងបញ្ចៀសស្នាមជ្រីវជ្រួញ ព្រមទាំងជួយឲ្យស្បែកមើលទៅក្មេងជាងវ័យ និងបន្តឹងស្បែកថែមទៀតផង។
ពពួកផ្លែក្រូច ដូចជាក្រូចឆ្មា ក្រូចលឿង និងក្រូចថ្លុងជាដើម សម្បូរទៅដោយវីតាមីនC និងសារធាតុប្រឆាំងនឹងអុកស៊ីតកម្ម ដែលអាចជួយជួសជុលកោសិកាស្បែក បង្កើនជាតិខូឡាជែន ព្រមទាំងកាត់បន្ថយស្នាមអុជខ្មៅនៅលើស្បែកថែមទៀតផង។
ចំពោះផ្លែប៊ឺរី គឺសម្បូរទៅដោយវីតាមីនC, K និង B9 ដែលជាប្រភពនៃសារធាតុប្រឆាំងអុកស៊ីតកម្ម។ វីតាមីនទាំងនេះ ជួយដល់សុខភាពស្បែក ធ្វើឲ្យស្បែកភ្លឺចេញពីខាងក្នុង និងកាត់បន្ថយស្នាមអុជខ្មៅនៃស្បែក។ លើសពីនេះ ផ្លែប៊ឺរីក៏ជួយបញ្ចៀសស្នាមជ្រីវជ្រួញបានយ៉ាងមានប្រសិទ្ធភាពផងដែរ។
ទន្ទឹមនឹងនេះដែរ ផ្លែត្របែកអាចជួយបណ្តេញជាតិពុលពីខាងក្នុងស្បែក ដោយបន្សុទ្ធឈាម ព្រមទាំងជួយបង្កើនជាតិខូឡាជែន និងពន្យឺតភាពចាស់នៃស្បែក។ ដោយសារតែផ្លែត្របែក អាចជួយលាងសម្អាតពោះវៀន និងស្រូបយកសារធាតុចិញ្ចឹមចូលទៅក្នុងឈាម ប្រការនេះនឹងធ្វើឲ្យស្បែកភ្លឺរលោងតាមបែបធម្មជាតិ។
ជាមួយគ្នានេះដែរ ផ្លែគីវីជាកំពូលផ្លែឈើដែលផ្ទុកទៅដោយវីតាមីនC, E ហ្វូឡេត និងទង់ដែង ដែលអាចជួយថែបំប៉នស្បែក ព្រមទាំងប្រឆាំងនឹងពពួករ៉ាឌីកាល់សេរី។ បន្ថែមពីនេះ វាក៏ជួយទប់ស្កាត់ភាពចាស់ និងស្នាមជ្រីវជ្រួញនៃស្បែកបានយ៉ាងមានប្រសិទ្ធភាពដូចគ្នា។
អត្ថបទគួរអាន៖
បដិសេធ
Hello Health Group និង “Hello គ្រូពេទ្យ” មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
7 Vitamin C Rich Foods To Boost Collagen And Prevent Wrinkles
https://www.thehealthsite.com/beauty/7-vitamin-c-rich-foods-to-boost-collagen-and-prevent-wrinkles-1106104/
The Best Collagen-Rich Foods
https://health.clevelandclinic.org/the-best-way-you-can-get-more-collagen
9 Superfoods to Keep Your Skin Smooth and Wrinkle-Free
https://www.aarp.org/health/healthy-living/info-2022/wrinkle-fighting-superfoods.html
កំណែប្រែបច្ចុប្បន្ន
06/08/2024
អត្ថបទដោយ នូ សោភ័ណ្ឌ
ត្រួតពិនិត្យដោយ វេជ្ជ. ចាន់ ស៊ីណេត
បច្ចុប្បន្នភាពដោយ៖ សុខ វណ្ណ
ត្រួតពិនិត្យដោយ
វេជ្ជ. ចាន់ ស៊ីណេត
ឯកទេសសម្ភព និងរោគស្ត្រី · មន្ទីរពេទ្យបង្អែកមិត្តភាពកម្ពុជា-ចិន សែនសុខ
ផ្សព្វផ្សាយពាណិជ្ជកម្មតើអត្ថបទនេះមានប្រយោជន៍ដែរទេ?
ផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្ម
