គ្នាយើងសុទ្ធតែដឹងហើយ វីតាមីនល្អខ្លាំងសម្រាប់សុខភាពរាងកាយ គ្រាន់តែថា គ្រប់ប្រភេទវីតាមីន គឺមាននាទីទ្រទ្រង់រាងកាយផ្សេងៗគ្នា។ “Hello គ្រូពេទ្យ” ចង់ណែនាំវីតាមីនល្អៗប៉ុន្មានប្រភេទ មានតួនាទីការពារស្បែកយើងឲ្យនៅស្រស់ស្អាត ពិសេសខែក្តៅខ្លាំងបែបនេះ បើទទួលបានវីតាមីនជំនួយស្បែកច្រើន ក៏ល្អម្យ៉ាងដែរ។
ក្តៅខ្លាំងអ៊ីចឹង បើស្រលាញ់ស្បែក គ្នាយើងត្រូវដឹងវីតាមីនសំខាន់ៗទាំងនេះ
ត្រួតពិនិត្យដោយ វេជ្ជ. ចាន់ ស៊ីណេត · មន្ទីរពេទ្យបង្អែកមិត្តភាពកម្ពុជា-ចិន សែនសុខ
១- វីតាមីន A
ប្រភពវីតាមីន A មាននៅក្នុង ការ៉ុត ដំឡូងផ្អែម បន្លែបៃតង និងស៊ុត។ សារធាតុ Retinoids ក៏ជាប្រភពវីតាមីន A ហើយត្រូវបានគេយកទៅផលិតជាក្រែម និងសេរ៉ូម ប្រើប្រាស់ជំនួយស្បែក។ ការសិក្សាជាច្រើន គាំទ្រចំពោះផលប្រយោជន៍សារធាតុ Retinoids សម្រាប់សុខភាពស្បែក ព្រោះវាអាចបង្កើនកោសិកាកកើតឡើងវិញ កម្ចាត់មុន កាត់បន្ថយភាពចាស់ ជួយថែរក្សាស្បែក ពីកម្ដៅព្រះអាទិត្យបានយ៉ាងល្អ។
២- វីតាមីន B-complex
វីតាមីន B-complex មាននៅក្នុងថ្នាំគ្រាប់ អាចជួយរាងកាយផលិតកោសិកាស្បែកថ្មី។ ការសិក្សាជាច្រើន រកឃើញថា វីតាមីននេះ មានប្រសិទ្ធភាពបំផុត នៅពេលប្រើប្រាស់វាដោយផ្ទាល់ទៅលើស្បែក។
ចង់ពិនិត្យជំងឺមហារីកមាត់ស្បូន ចុចទីនេះ!
៣- វីតាមីន C
វីតាមីន C ជាសារធាតុប្រឆាំងអុកស៊ីតកម្ម មានន័យថា វារារាំងការបង្កបញ្ហាលើស្បែកដោយអុកស៊ីតកម្ម។ ការសិក្សារកឃើញថា ពេលកោសិកាស្បែករងការបំផ្លាញពីអុកស៊ីតកម្ម នឹងធ្វើឲ្យយើងឆាប់ចាស់។ គ្រាប់ថ្នាំវីតាមីន C អាចជួយសុខភាពស្បែក និងកាត់បន្ថយភាពចាស់ ហើយញ៉ាំវីតាមីនប្រភេទនេះច្រើន គ្មានគ្រោះថ្នាក់នោះដែរ។ វីតាមីន C ជួយឲ្យស្បែកភ្លឺថ្លា និងមើលទៅកាន់តែក្មេង ខណៈស៊ីរ៉ូមវីតាមីន C ជំរុញការផលិតខូឡាជែន និងប្រឆាំងផលប៉ះពាល់ពីព្រះអាទិត្យ។ វីតាមីន C មានក្នុងផ្លែក្រូច បន្លែប្រូខូលី និងផ្កាខាត់ណា។
៤- វីតាមីន D
វីតាមីន D គាំទ្រដល់មេតាបូលីសកោសិកាស្បែក ជួយកំណើនស្បែក និងជួសជុសស្បែក។ កម្រិតមិនសមស្រប នៃវីតាមីន D អាចបង្កើតឲ្យមានបញ្ហាស្បែក។ វីតាមីន D សម្បូរនៅក្នុងទឹកដោះគោ គ្រាប់ធញ្ញជាតិ ត្រីធូណា ត្រីសាល់ម៉ុន និងត្រីដាវ។ វីតាមីនប្រភេទនេះ ជួយដល់ព្យាបាលករណីរលាកស្បែកទៀតផង។
អត្ថបទគួរអាន៖
- នៅក្មេងសោះសក់ឡើងស្កូវ មកពីអ្វី? ការពារបែបណា?
- ជួបបញ្ហាសក់ឡើងប្រេង គួរពិចារណាលើអាហារប៉ុន្មានប្រភេទនេះ
- ទម្លាប់ចូលគេងទាំងសក់សើម អាចបង្កឲ្យមានបញ្ហាទាំង ៧ យ៉ាងនេះ
- ទម្លាប់សាមញ្ញទាំង៧នេះ អាចបណ្ដាលឲ្យសក់ជ្រុះខ្លាំងហើយស្ដើងទៅៗ
- ងាយៗ ជួយស្បែកក្បាលសុខភាពល្អ សក់កាន់តែវែងទាក់ទាញខ្លាំង
- វីតាមីនសំខាន់ចំនួន ៤ ល្អសម្រាប់សុខភាពសក់
៥- វីតាមីន E
ដូចគ្នានឹងវីតាមីន C វីតាមីន E ជាសារធាតុប្រឆាំងអុកស៊ីតកម្ម កាត់បន្ថយភាពចាស់ មាននៅក្នុងគ្រាប់ធញ្ញជាតិ ស្ពែពុយឡេង ផ្លែស្វាយ និងពោត។ ផលិតផលថែរក្សាសុខភាពភាគច្រើន មានសារធាតុវីតាមីន E ព្រោះវាអាចជួយព្យាបាលរបួស និងព្យាបាលមុនផងដែរ។
បដិសេធ
Hello Health Group និង “Hello គ្រូពេទ្យ” មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
ផ្សព្វផ្សាយពាណិជ្ជកម្មតើអត្ថបទនេះមានប្រយោជន៍ដែរទេ?
ផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្ម