home

យើង​គួរ​ធ្វើ​ម៉េច​ខ្លះ ដើម្បី​កែលម្អ​បញ្ហា​នេះ?

close
chevron
អត្ថបទ​នេះ​មាន​កំហុស ព័ត៌មាន​ ឬ​តួលេខ​មិន​ត្រឹមត្រូវ
chevron

បើ​មាន​កំហុស​ឆ្គង​ណា​មួយ សូម​ប្រាប់​ពួក​យើង​ដើម្បី​កែតម្រូវ

wanring-icon
សូម​ចាំ​ថា មិន​ទាមទារ​ឲ្យ​លោក​អ្នក​បំពេញ​ព័ត៌មាន​លម្អិត​ទេ។ សូមចុច "ផ្ញើរ​មតិខ្ញុំ" ខាង​ក្រោម​ដើម្បី​បន្ត​អាន​។
chevron
អត្ថបទ​នេះ​មាន​ព័ត៌មានមិន​គ្រប់គ្រាន់
chevron

បើ​មាន​កំហុស​ឆ្គង​ណា​មួយ សូម​ប្រាប់​ពួក​យើង​ដើម្បី​កែតម្រូវ

wanring-icon
សូម​ចាំ​ថា មិន​ទាមទារ​ឲ្យ​លោក​អ្នក​បំពេញ​ព័ត៌មាន​លម្អិត​ទេ។ សូមចុច "ផ្ញើរ​មតិខ្ញុំ" ខាង​ក្រោម​ដើម្បី​បន្ត​អាន​។
chevron
ហមមម... ខ្ញុំ​មាន​ចម្ងល់​ពី​បញ្ហា​សុខភាព​ខ្លះ​ចង់​សាកសួរ
chevron

ថ្វី​ត្បិត​តែ​ Hello Health Group និង “Hello គ្រូពេទ្យ” មិន​ចេញ​វេជ្ជបញ្ជា មិន​ធ្វើ​រោគវិនិច្ឆ័យ ឬ​ព្យាបាល​ជូន​​ក៏​ពិត​មែន ប៉ុន្តែ​ពួក​យើង​ពិត​ជា​ស្វាគមន៍​រាល់​មតិ​កែលម្អិត​ទាំង​អស់​របស់​លោក​អ្នកដែល​តែងតែ​តាមដាន Hello គ្រូពេទ្យ ជា​ប្រចាំ។ សូម​វាយ​បញ្ចូល​មតិយោបល់​របស់​លោកអ្នក​ក្នុង​ប្រអប់​ខាងក្រោម។

wanring-icon
ប្រសិន​បើ​បងប្អូន​កំពុង​ប្រឈម​នឹង​បញ្ហា​សង្គ្រោះបន្ទាន់​ កុំបង្អង់​សូម​ខល​ទាក់ទង​ទៅសេវាសង្គ្រោះ​បន្ទាន់​ភ្លាម​ ឬ​ទៅ​មន្ទីរពេទ្យ ឬ​កន្លែង​សង្គ្រោះ​បន្ទាន់​ដែល​នៅ​ជិត​លោក​អ្នក​បំផុត។

ឬ​ចម្លង​តំណភ្ជាប់

បើ​សក់ជ្រុះច្រើនជាង​ ១០០ សរសៃក្នុង​មួយ​ថ្ងៃ មានបញ្ហាអីអត់?

បើ​សក់ជ្រុះច្រើនជាង​ ១០០ សរសៃក្នុង​មួយ​ថ្ងៃ មានបញ្ហាអីអត់?

គ្នា​យើង​ខ្លះ​ប្រ​ហែល​ជា​មាន​ក្ដី​បារម្ភក្នុង​ចិត្ត​ខ្លះៗ​ហើយ​ពេល​សិតសក់​ម្ដងៗ​ឃើញ​សក់ជាប់​នឹង​ក្រាស​រាប់​សិប​សរ​សៃ​នោះ។ យ៉ាងណា​​ការ​ជ្រុះ​សក់​វាជារឿង​ធម្មតាក្នុង​ជីវិត​របស់​យើង​គ្រប់គ្នាទៅ​ហើយ។

ជាទូទៅ​ការ​ជ្រុះសក់នេះ​អាច​មាន​ចំ​នួន​ចន្លោះពី​​៨០ ទៅ​១០០​សរសៃ​ក្នុង​មួយ​ថ្ងៃ ដែល​គេ​ចាត់​ទុក​ថា​មិន​មាន​បញ្ហា​នោះទេ ហើយ​ការណ៍​នេះ​កើតមាន​ពី២ទៅ​៦ឆ្នាំ​ម្ដង ហើយ​សក់ជ្រុះ​នឹង​ជំនួស​ដោយ​សក់​ថ្មី​មក​វិញ។ ចុះ​បើ​យើង​ជ្រុះ​សក់​ច្រើន​ជាង​១០០​សរសៃ​ក្នុង​មួយ​ថ្ងៃ​មាន​​បញ្ហា​អ្វី​អត់?

លោក​វេជ្ជបណ្ឌិត Deepak Vohra ឯកទេស​ខាង​ជំងឺ​សើរស្បែក​បាន​និយាយថា​បើ​គ្នា​យើង​ជ្រុះ​សក់​ចន្លោះពី​៨០​ទៅ​១០០​សរសៃ​ក្នុង​មួយ​ថ្ងៃ​គឺ​ជា​រឿងធម្មតា ប៉ុន្តែ​បើជ្រុះ​ច្រើនជាង​នេះ​គឺខុស​ប្រក្រតី​ហើយ និងត្រូវ​តែ​ពិនិត្យ​តាម​ដាន​លើ​រឿង​នេះ។ លោក​ថា​បញ្ហា​សក់ជ្រុះ​បង្ក​ឡើង​ដោយ​មូល​ហេតុ​ច្រើន​យ៉ាង មាន​មកពី​កត្តាបរិស្ថាន អតុល្យ​ភាព​អ័រម៉ូន ការ​រស់នៅប្រចាំ​ថ្ងៃ ឬ​មក​ពី​ហ្សែន​របស់​យើង​ក៏​មាន។

អត្ថបទពាក់ព័ន្ធ៖

ខាង​ក្រោម​នេះ​ជា​វិធីមួយ​ចំនួន​​គ្នា​យើង​អាច​សាក​ល្បង​បាន​ដើម្បី​ទប់​ស្កាត់​បញ្ហា​ជ្រុះសក់នេះ៖

. រក្សា​អនាម័យ​ស្បែក​ក្បាល

គ្នា​យើង​គួរ​កក់​សក់​ឲ្យ​បាន​យ៉ាង​តិច​ម្ដង ឬ​ពីរ​ដង​ក្នុង​មួយ​សប្ដាហ៍។ សាប៊ូ​កក់​សក់​ជួយ​​ការ​ពារ​ការ​បង្កើត​ស្បែក​ក្បាល​បន្ថែម​ដែល​អាច​ធ្វើ​ឲ្យ​ស្ទះ​ឫស​សក់ នាំ​ឲ្យ​កើត​មាន​បញ្ហា​ជ្រុះ​សក់។ គ្នា​យើង​ត្រូវ​ដឹង​ដែរ​ថាការ​កក់​សក់​ញឹកញាប់ពេក​ក៏​មិន​ល្អ​ដែរ ដោយ​អាច​ធ្វើ​ឲ្យ​បាត់​បង់​ជាតិ​ប្រេង​នៅ​ស្បែក​ក្បាល​ ដែល​ជា​ធាតុ​សំខាន់​សម្រាប់​សុខ​ភាព​សក់។

. ចៀសវាងជូតសក់ខ្លាំងៗ

គ្នា​យើង​តែង​សម្ងួត​សក់​ ក្រោយ​ងូតទឹក​រួច ហើយ​អ្នក​ខ្លះ​ប្រើ​កន្សែង​សម្រាប់ជូន​សក់។ ដូចនេះ​ហើយ​ គ្នា​យើង​កុំ​ប្រើ​កន្សែង​ជូត​សក់ខ្លាំងៗ​ពេក​ ព្រោះថា​ពេល​សក់​សើម​វា​ងាយ​នឹងធ្វើ​ឲ្យ​សក់​ដាច់។ យើង​ត្រូវ​ជូត​សក់​ថ្នមៗដើម្បី​រក្សា​សក់​ឲ្យ​មាន​សុខភាព​ល្អ ហើយ​ពេល​សិត​សក់​ក៏​ដូច​គ្នា កុំ​ប្រឹង​សិត​សក់​ខ្លាំងៗ​ពេក។​

. គិត​គូរ​លើ​របបអាហារ

ការ​ដែល​យើង​ញាំអាហារ​បាន​ត្រឹម​ត្រូវ គឺ​មាន​ប្រយោជន៍​ណាស់​សម្រាប់​សុខ​ភាព​រាង​កាយ​យើង​ទាំង​មូល ពិសេស​គឺ​សុខ​ភាព​សក់​ហ្នឹង​តែ​ម្ដង។ បើ​យើង​មាន​បញ្ហា​ជ្រុះសក់​គួរ​គិត​គួរ​បន្ថែម​របប​អាហារ​ដែល​សម្បូរ​ដោយ​វិតាមីន​ C, D, B, E ជាតិស័ង្កសី ជាតិដែក អាស៊ីដខ្លាញ់អូមេហ្គា៣ និង​ប្រូតេអ៊ីន ​សុទ្ធ​ជា​សារធាតុចិញ្ចឹម​ដែល​សក់​របស់​យើង​ត្រូវ​ការ ដើម្បី​ការ​ពារ​កុំ​ឲ្យ​សក់​ខូច ឬជ្រុះ​។

. ថែ​ទាំសក់​ពេល​យើង​គេង

យើង​អាច​សាកល្បង​ក្រងសក់​មុន​ពេល​គេង។ ការ​ធ្វើដូច​នេះ​គឺ​ដើម្បី​កាត់​បន្ថយ​ការ​ខូច​​សក់​បណ្ដាល​មកពី​ការ​ប៉ះ​កកិត​រវាង​សក់​នឹង​ខ្នើយ។ យើង​ក៏​គួរ​ផ្លាស់​ប្ដូរ​ខ្នើយ​ពី​ខ្នើយ​កប្បាស ទៅជា​ខ្នើយ​សូត្រ​ ដើម្បី​កាត់​បន្ថយ​ការ​ជ្រុះ​សក់​នេះ​ដែរ។

ក្រោយ​ពី​បាន​អនុ​វត្ត​តិចនិក​ទាំង​នេះ​មួយ​រយៈ និង​មិន​បាន​ឃើញ​ពី​ការ​ប្រែប្រួលអ្វីនោះទេ ជាការ​ល្អ​គ្នា​យើង​គួរ​ទៅ​ពិគ្រោះ​ជាមួយ​គ្រូពេទ្យ​ជំនាញ​ដើម្បី​បាន​ការ​វិនិច្ឆ័យ​រោគ​បាន​ត្រឹម​ត្រូវ។

Hello Health Group និង “Hello គ្រូពេទ្យ” មិន​ចេញ​វេជ្ជបញ្ជា មិន​ធ្វើ​រោគវិនិច្ឆ័យ ឬ​ព្យាបាល​ជូន​ទេ៕

ប្រភព

https://www.healthshots.com/beauty/hair-care/here-are-9-things-you-can-do-right-now-to-reduce-your-hair-fall/

រូបថត​របស់​អ្នក​និពន្ធ
ត្រួតពិនិត្យ​ដោយ វេជ្ជ. ចាន់ ស៊ីណេត
អត្ថបទ​ដោយ ទូច សុខា
កែ 15/09/2020
x