ទី១៖ ឥណ្ឌូនេស៊ី ចាប់ផ្តើមយកពន្ធលើបារីអេឡិចត្រូនិក
ចាប់ពីថ្ងៃទី១ ខែមករា ឆ្នាំ២០២៤ ឥណ្ឌូនេស៊ី នឹងចាប់ផ្តើមអនុវត្តន៍ការយកពន្ធលើបារីអេឡិចត្រូនិក ឬ e-cigarette ក្នុងកម្រិត១០% ទៅលើអត្រាបច្ចុប្បន្ន ដើម្បីកាត់បន្ថយការជក់បារីអេឡិចត្រូនិក។ នេះបើយោងទៅតាមលោក Deni Surjantoro អ្នកនាំពាក្យក្រសួងហិរញ្ញវត្ថុរបស់ឥណ្ឌូនេស៊ី។
សេចក្តីសម្រេចនេះ គឺជាផ្នែកមួយនៃការផ្តួចផ្តើមឲ្យមានការថែទាំសុខភាពកាន់តែទូលំទូលាយ ដើម្បីចូលរួមដោះស្រាយការបារម្ភនានា ពីសំណាក់សមាគមវេជ្ជសាស្ត្រឥណ្ឌូនេស៊ី និងអង្គការសុខភាពពិភពលោក អំពីហានិភ័យជុំវិញការជក់បារីអេឡិចត្រូនិក។
ហានិភ័យចំពោះសុខភាពទាំងនោះ រួមមាន ជំងឺបេះ និងសួត ការញៀនជាតិនីកូទីន និងផលអាក្រក់ចំពោះការអភិវឌ្ឍខួរក្បាលរបស់យុជន និងកូនក្នុងផ្ទៃ។
ទី២៖ វេជ្ជបណ្ឌិតដាល់អ្នកជំងឺមួយដៃ អំឡុងពេលវះកាត់
វេជ្ជបណ្ឌិតផ្នែកភ្នែកសញ្ជាតិចិនម្នាក់ ត្រូវបានព្យួរការងារ និងកំពុងស្ថិតក្រោមការស៊ើបអង្កេត ក្រោយពីគេបានរកឃើញថា លោកបានដាល់អ្នកជំងឺជាស្ត្រីវ័យ៨២ឆ្នាំម្នាក់ អំឡុងពេលវះកាត់ភ្នែក កាលពីឆ្នាំ២០១៩ ដើម្បីកុំឲ្យអ្នកជំងឺរើបម្រាស់។
ហេតុការណ៍នេះ ដែលបានកើតឡើងនៅមន្ទីរពេទ្យ AIER Eye ក្នុងទីក្រុង Guigang នៃតំបន់ស្វយ័ត Guangxi ប្រទេសចិន បានបង្ករឲ្យមានការភ្ញាក់ផ្អើលដល់ប៉ូលិស ក្រោយពីរូបភាពវីដេអូត្រូវបានបង្ហោះលើបណ្តាញសង្គម។ លោកវេជ្ជបណ្ឌិតរូបនោះដែលមានឈ្មោះថា Feng បានបញ្ជាក់ថា លោកគ្មានបំណងបង្កររបួសឡើយ នៅពេលដែលអ្នកជំងឺ ដែលកំពុងស្ថិតក្រោមឥទ្ធិពលនៃថ្នាំសណ្តំ បានចាប់ផ្តើមរើចុះឡើង។
ហេតុការណ៍នេះ បាននាំឲ្យនាយកប្រតិបត្តិនៃមន្ទីរពេទ្យ AIER Eye រងនូវការបណ្តេញចេញ ស្របពេលដែលអាជ្ញាធរសុខាភិបាលកំពុងតែស៊ើបអង្កេត។
[embed-health-tool-bmi]
ទី៣៖ ការប្រើប្រាស់ថ្នាំបំប៉ន់វីតាមីន D មិនត្រឹមត្រូវ នាំឲ្យខូចត្រកៀក
បុរសវ័យ៤៨ឆ្នាំម្នាក់ ក្នុងទីក្រុង Taichung កោះតៃវ៉ាន់ បានខូចតម្រងនោមយ៉ាងធ្ងន់ធ្ងរ ក្រោយពីបានធ្វើការព្យាបាលដោយខ្លួនឯង តាមរយៈការលេបវីតាមីន D ៣គ្រាប់ជារៀងរាល់ថ្ងៃ ដោយផ្ទុយពីវេជ្ជបញ្ជាឲ្យលេបតែ១គ្រាប់ក្នុងមួយថ្ងៃ ដើម្បីធ្វើឲ្យអាការៈរបស់ខ្លួនកាន់តែល្អប្រសើរ។
បុរសរូបនោះ ដែលជាអ្នកចូលចិត្តផឹកគ្រឿងស្រវឹងច្រើន និងធ្លាប់មានប្រវត្តិប្តូរឆ្អឹងត្រកៀក បានជឿតាមការណែនាំរបស់មិត្តភក្តិខ្លួន និងយល់ខុសថា វីតាមីន D មានអត្ថប្រយោជន៍ចំពោះឆ្អឹង។ ក្រោយពីការលេបអស់រយៈពេល២ខែ បុរសនោះ បានជួបបញ្ហាសុខភាពជាច្រើនដូចជា ងងុយដេក ទល់លាមក និងការនោមមិនប្រក្រតី ដែលនាំឲ្យរូបគាត់សន្លប់ ដោយសារតែការកើនជាតិប្រៃក្នុងខ្លួនខ្ពស់ពេក និងការចុះខ្សោយនៃតម្រងនោម។
ក្នុងពេលសម្រាកនៅមន្ទីរពេទ្យ គ្រូពេទ្យបានណែនាំឲ្យបុរសនោះឈប់លេបវីតាមីន D លើសចំណុះ និងណែនាំឲ្យផឹកទឹកឲ្យច្រើន ដើម្បីវិលទៅរកភាពធម្មតាវិញ។
ទី៤៖ សិង្ហបុរី បន្តចាត់ថ្នាក់ភេសជ្ជៈដែលផ្តល់សុខភាព
ក្រសួងសុខាភិបាលរបស់សិង្ហបុរី បានបន្តវិធានការថាក់ចំណាត់ថ្នាក់ភេសជ្ជៈដែលផ្តល់សុខភាព និងហាមការផ្សាយពាណិជ្ជទៅលើភេសជ្ជៈស្រស់ ក្នុងនោះរាប់បញ្ចូលទាំងតែគជ និងកាហ្វេ ផងដែរ ចាប់ពិថ្ងៃទី៣០ ខែធ្នូ តទៅ។
ការធ្វើបែបនេះ គឺដើម្បីផ្តល់ព័ត៌មានដល់អតិតថិជនអំពីជាតិស្ករ និងសារធាតុខ្លាញ់នៅក្នុងភេសជ្ជៈនានា ក៏ដូចជាលើកទឹកចិត្តឲ្យពលរដ្ឋខ្លួនជ្រើសរើសភេសជ្ជៈស្ថិតក្នុងចំណាត់ថ្នាក់ A ឬ B ក្រោមប្រព័ន្ធគ្រប់គ្រងភេសជ្ជៈហៅកាត់ថា Nutri-Grade។ សេចក្តីសម្រេចនេះ គឺជាផ្នែកមួយនៃយុទ្ធនាការប្រយុទ្ធប្រឆាំងនឹងជំងឺទឹកនោមផ្អែមរបស់សិង្ហបុរី ឆ្លើយតបទៅនឹងស្ថិតិដ៏គួរឲ្យបារម្ភ ដែលបង្ហាញថា នឹងមានករណីទឹកនោមផ្អែមកើនឡើងខ្ពស់នៅត្រឹមឆ្នាំ២០៥០។
ក្រោមច្បាប់ថ្មីនេះ ភេសជ្ជៈដែលមានកម្រិតជាតិស្ករខ្ពស់ ក្នុងកម្រិត C និង D មិនត្រូវបានលើកទឹកចិត្តឲ្យបរិភោគឡើយ ហើយការផ្សាយពាណិជ្ជកម្មភេសជ្ជៈស្ថិតក្នុងចំណាត់ថ្នាក់ D ក៏ត្រូវបានហាមឃាត់ផងដែរ។
ទី៥៖ ថៃ ផ្តល់សេវាព្យាយាមតាមអនឡាញ ដល់ពលរដ្ឋថៃនៅក្រៅប្រទេស
ក្រសួងសុខាភិបាលសាធារណៈថៃ បានពង្រីកសេវាព្យាបាលតាមអនឡាញដោយឥតគិតថ្លៃរបស់ខ្លួនដល់ពលរដ្ឋដែលកំពុងតែរស់នៅ ឬធ្វើដំណើរនៅក្រៅប្រទេស។ នេះបើយោងទៅតាមមាត្រា៥ នៃច្បាប់សុខភាពជាតិ BE 2550 (2007) ដែលផ្តោតលើការផ្តល់សេវាថែទាំសុខភាពជាទូទៅ សម្រាប់រាល់ពលរដ្ឋថៃទាំងអស់ មិនថា ពួកគេនៅទីណាក៏ដោយ។ កម្មវិធីនេះ ផ្តល់ជូនការណែនាំផ្នែកវេជ្ជសាស្ត្រចំពោះជំងឺទូទៅ ដល់ប្រជាពលរដ្ឋថៃដែលនៅក្រៅប្រទេស ចាប់ពីថ្ងៃទី១៥ ខែមករា តទៅ តាមរយៈអេបមួយចំមួនដូចជា Saluber MD, Clicknic, Mordee, ឬ Totale Telemed៕
អត្ថបទពាក់ព័ន្ធ៖
- ព្រឺរងា ហៀរសំបោរ ល្ហិតល្ហៃពេលផ្តាសាយ មិនមែនដោយសារមេរោគទេ គឺព្រោះតែ…
- គ្រូពេទ្យ បកស្រាយបញ្ហាវះកាត់សម្រាលរួចឈឺក្បាល និងអារម្មណ៍ឆេវឆាវ
- ធ្លាប់ទេពេលកណ្តាស់ធ្វើឲ្យឈឺខ្នង? នេះជាមូលហេតុ និងវិធីការពារ
- កុំចេះតែធ្វើហី! ពណ៌ទឹកសម្បោរ ក៏អាចបញ្ជាក់ពីបញ្ហាសុខភាពដែរ
- ប្រយ័ត្ន! ឈឺក្បាលខ្ទោកៗ អាចជាសញ្ញានៃជំងឺគួរឲ្យបារម្ភមួយនេះ
- ប្រយ័ត្នកុំលេងសើច! អាលែកហ្ស៊ីច្រមុះ អាចធ្វើឲ្យកើតហឺត
- ដុះដុំសាច់ខួរក្បាល បង្កឡើងដោយមូលហេតុអីឲ្យប្រាកដ?
- ៧យ៉ាង ជួយសម្រាកខួរក្បាល និងបំបាត់ស្ត្រេស
ចំណុច សំខាន់
ទី២៖ វេជ្ជបណ្ឌិតដាល់អ្នកជំងឺមួយដៃ អំឡុងពេលវះកាត់
ទី៣៖ ការប្រើប្រាស់ថ្នាំបំប៉ន់វីតាមីន D មិនត្រឹមត្រូវ នាំឲ្យខូចត្រកៀក
ទី៤៖ សិង្ហបុរី បន្តចាត់ថ្នាក់ភេសជ្ជៈដែលផ្តល់សុខភាព
ទី៥៖ ថៃ ផ្តល់សេវាព្យាយាមតាមអនឡាញ ដល់ពលរដ្ឋថៃនៅក្រៅប្រទេស
