មានហេតុផលជាច្រើនដែលធ្វើឲ្យម៉ាក់ៗត្រូវឲ្យកូនម៉ឹមទឹកដោះគោដូចជា ម៉ាក់គ្មានទឹកដោះ មិនចេះបំបៅ ឬម៉ាក់មិនបាននៅជាមួយកូនជាដើម។ ប៉ុន្តែការបៅទឹកដោះគោមិនមានសុវត្ថិភាពចំពោះកូនប៉ុន្មានទេ នេះបើតាមការលើកឡើងរបស់លោកស្រីវេជ្ជបណ្ឌិត ហួរ ដានេ អនុប្រធាននាយកដ្ឋានអាហារូបត្ថម្ភ នៃមន្ទីរពេទ្យកុមារជាតិ។
ម៉ាក់ៗប្រយ័ត្នបន្តិច កូនបៅទឹកដោះគោពេលធំឡើងអាចកើតជំងឺទាំងនេះបាន
ត្រួតពិនិត្យដោយ វេជ្ជ. ចាន់ ស៊ីណេត · មន្ទីរពេទ្យបង្អែកមិត្តភាពកម្ពុជា-ចិន សែនសុខ
គ្រូពេទ្យជំនាញផ្នែកអាហារូបត្ថម្ភរូបនេះបានបន្តទៀតថា ទារកដែលបៅទឹកដោះគោច្រើនតែជំងឺធាត់ នៅពេលវ័យធំលូតលាស់ និងកើតជំងឺលើសឈាម ទឹកនោមផ្អែម សរសៃឈាមបេះដូង ឬក៏ជំងឺស្រ្តូក (ដាច់សរសៃឈាមខួរក្បាល) ជាដើម។ បានជាជំងឺនេះអាចយាយីចំពោះកូនបៅទឹកដោះគោ ព្រោះប្រព័ន្ធការពាររាងកាយកូន មិនដូចទឹកដោះម្ដាយឡើយ។
វេជ្ជបណ្ឌិត ហួរ ដានេរ បានលើកឡើងទៀតថា៖ “ទឹកដោះម្ដាយងាយបំបែកជាង មិនថាជាប្រភេទមានខ្លាញ់ ប្រូតេអ៊ីន ហើយកម្រិតជាតិស្ករទាបជាង មានប្រព័ន្ធការពារសម្រាប់ជួយកុមារពីជំងឺ។ មួយវិញទៀតក្មេងបៅទឹកដោះម្ដាយមានប្រព័ន្ធការពារជំងឺអាលែកហ្ស៊ី រាករូស និងអាចជួយកាត់បន្ថយជំងឺពេលធំឡើង’។
ចំណែកទឹកដោះគោខ្លះវិញ មានការចម្លងមេរោគ និងសារធាតុក្នុងទឹកដោះគោផ្អែមជាង ហើយបើប្រូតេអ៊ីន ខ្លាញ់ វិញក៏មិនងាយរំលាយដូចទឹកដោះម្ដាយឡើយ។ ចំពោះ DHA ដែលគេប្រើសម្រាប់លូតលាស់ក្នុងប្រព័ន្ធខួរក្បាលក៏មិនសូវដូចទឹកដោះម្ដាយដែរ។ ដូចនេះហើយបានជាគ្រូពេទ្យណែនាំឲ្យម៉ាក់ៗទាំងអស់បំបៅដោះកូនឲ្យបានយ៉ាងហោចណាស់ក៏ ៦ ខែដែរ។
ជារួមក្មេងដែលបានបៅទឹកដោះម៉ាក់ៗមានសុខភាពរឹងមាំជាងក្មេងបៅដោះគោ ហើយសម្រាប់ផ្នែកបញ្ញាស្មារតីវិញវេជ្ជបណ្ឌិតរូបនេះមិនហ៊ានថាមួយណាឆ្លាតជាងឡើយ ព្រោះគ្មានឯកសារណាមួយមកបញ្ជាក់។
អត្ថបទពាក់ព័ន្ធ៖ ម៉ាក់ប៉ាកុំចេះតែបណ្ដោយ! ឲ្យកូនម៉ឹមរហូតដល់ធំពេក ដូចធ្វើបាបកូនទៅវិញ
ក្នុងករណីមានសំណួរ ឬមន្ទិលសង្ស័យជុំវិញសុខភាពអ្នក ជម្រើសល្អបំផុត សូមពិគ្រោះ និងប្រឹក្សាយោបល់ផ្ទាល់ជាមួយពេទ្យជំនាញ។ Hello Health Group មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
បដិសេធ
Hello Health Group និង “Hello គ្រូពេទ្យ” មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
ផ្សព្វផ្សាយពាណិជ្ជកម្មតើអត្ថបទនេះមានប្រយោជន៍ដែរទេ?
ផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្ម