កន្លងមកយើងធ្លាប់ដឹងហើយ ថាការញ៉ាំអាហារលឿនពេកនឹងបង្កជាផលប៉ះពាល់ខ្លាំងដល់រាងកាយយើង។ ទម្លាប់ញ៉ាំអាហារលឿន តាមលទ្ធផលសិក្សាពីអ្នកជំនាញ បង្ហាញថា នឹងបង្កឱ្យឡើងគីឡូ នៅតែមានចំណង់ឃ្លានអាហារ បង្កផលលំបាកដល់ប្រព័ន្ធរំលាយអាហារ និងបង្កជាទម្លាប់ញ៉ាំអាហារក្នុងរយៈពេលលឿនជាប់រហូតមិនអាចគ្រប់គ្រងខ្លួនឯងបានទៀតផង។ តែយ៉ាងណា អ្នកជំនាញសិក្សាផ្តោតលើសុខភាព ពាក់ព័ន្ធចំណីអាហារ ក៏បានណែនាំជាគន្លឹះមួយចំនួនខាងក្រោមនេះ ដែលអាចជួយសម្រួលដល់ទម្លាប់ញ៉ាំអាហាររបស់យើង ក្នុងពេលវេលាមួយសមស្របល្អ។
១. រកកន្លែងស្ងប់ស្ងាត់ មិនសូវអ៊ូអរដើម្បីញ៉ាំ
អាចរកកន្លែងសមរម្យណាមួយដើម្បីយើងអាចផ្តោតអារម្មណ៍តែលើការញ៉ាំអាហារ នោះយើងនឹងរីករាយ ទាំងរសជាតិអាហារ ទាំងការចំណាយពេលល្អផ្តោតទៅលើអាហារដែលយើងញ៉ាំ។ គួរគប្បីកុំញ៉ាំអាហារក្នុងពេលកំពុងបើកបរ មើលទូរទស្សន៍ ឬចុចទូរសព្ទ ជាដើម។
អត្ថបទពាក់ព័ន្ធ៖
- អាកាសធាតុក្ដៅញ៉ាំអាហារហឹរមានប្រយោជន៍ដល់រាងកាយ
- បញ្ចេញញើសច្រើន ខ្វះជាតិទឹក ញ៉ាំភេសជ្ជៈទាំងនេះបំពេញជាតិទឹកបានលឿន
- ទឹកដូង និងផ្លែឈើប៉ុន្មានមុខនេះស្រួលរក ក្តៅអ៊ីចឹង ញ៉ាំទៅបំពេញជាតិទឹកបានយ៉ាងងាយ
២. រើសប្រភេទអាហារមានទាំងសារធាតុល្អ និងតម្រូវឱ្យទំពាយូរ
ប្រភេទអាហារទាំងនោះគឺបន្លែ និងផ្លែឈើស្រស់ៗ ដែលយើងអាចរកបាន និងល្អសម្រាប់សុខភាព។
៣. សន្ទនាបង្កបរិយាកាសរីករាយ ជាមួយអ្នកចូលចិត្តញ៉ាំយឺត
ពិតមែនការសិក្សាក៏បានបង្ហាញថា ការបង្កើតបរិយាកាសសន្ទនាខ្លះៗ ទន្ទឹមនឹងពេលញ៉ាំអាហារបណ្តើរ ជាមួយសមាជិកខ្លះក្នុងវង់ញ៉ាំអាហារ ក៏បង្កបរិយាកាសរីករាយ និងពន្យាពេលខ្លះមិនឱ្យយើងញ៉ាំលឿនដែរ។
អត្ថបទពាក់ព័ន្ធ៖
- គេងមិនគ្រប់គ្រាន់ធ្វើឲ្យមានបញ្ហាទាំងនេះដល់ខួរក្បាល
- លេបថ្នាំងងុយគេងជួយបញ្ហាដំណេកបាន តែមានផលរំខានច្រើន
- ទម្លាប់ញ៉ាំឆ្អែតភ្លាម ទម្រេតខ្លួនគេងភ្លាម គ្រោះថ្នាក់បំផុត
៤. ប្រើចានតូចសមល្មមនឹងអាហារ
ធ្វើដូចនេះ យើងនឹងមានអារម្មណ៍ថាច្រើន និងឆ្អែតសម្រាប់មួយពេល (មិនញ៉ាំច្រើន)។
៥. ដៅពេលទុកសម្រាប់ញ៉ាំអាហារ
យើងក៏អាច កំណត់ទុកពេលវេលាក្នុងចន្លោះពេលសមស្របមួយប្រហែល ២០ទៅ៣០នាទី (មិនលឿនពេក និងមិនយឺតពេក) សម្រាប់ការញ៉ាំអាហារមួយពេល។ អនុវត្តបែបនេះយើងនឹងអាចរីករាយផ្តោតលើរសជាតិអាហារ ឬអាចរីករាយ ក្នុងបរិយាកាសញ៉ាំអាហារជាមួយមនុស្សជាទីស្រលាញ់ ជាមួយគ្រួសារ ឬមិត្តភក្តិជិតស្និទ្ធជាដើម ហើយនេះក៏ជួយឱ្យយើងញ៉ាំអាហារ ពេលសមស្របមួយដែលរួមចំណែកសម្រួលដល់ប្រព័ន្ធរំលាយអាហារ៕
អត្ថបទពាក់ព័ន្ធ៖
ក្នុងករណីមានសំណួរ ឬមន្ទិលសង្ស័យជុំវិញសុខភាពអ្នក ជម្រើសល្អបំផុត សូមពិគ្រោះ និងប្រឹក្សាយោបល់ផ្ទាល់ជាមួយពេទ្យជំនាញ។ Hello Health Group មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
[embed-health-tool-vaccination-tool]
