រយៈពេល៦ខែដំបូងអាហារដ៏ល្អបំផុតសម្រាប់ទារក គឺទឹកដោះម្ដាយ ប៉ុន្តែបើយើងចង់ចាប់ផ្ដើម បន្ថែមរបបអាហារពីលើទឹកដោះ គឺអាចបន្ថែមបានក្នុងអំឡុងកូនមានអាយុ ៤ ខែឡើងទៅ។
ប៉ុន្តែលោកវេជ្ជបណ្ឌិត ហ៊ាង រតនា ឯកទេសជំងឺទូទៅបានឲ្យដឹងថា មុនពេលឲ្យកូនញ៉ាំអាហារបន្ថែមពីទឹកដោះ យើងជាអាណាព្យាបាលត្រូវចេះសង្កេតមើលកូន ៧ ចំណុចនេះសិន មុននឹងឲ្យកូនញ៉ាំ។
– កូនចង់ញ៉ាំដោយលិឍមាត់លិឍក នៅពេលឃើញយើងញ៉ាំដែរទេ? បើមាន មានន័យថាកូនមានចំណង់ចង់ញ៉ាំអាហារហើយ
– កូនចេះបៀមដៃ ឬចេះចាប់យករបស់នៅជុំវិញខ្លួនមកដាក់ក្នុងមាត់ឬនៅ?
– កូនអាចអង្គុយ ឬអាចទប់ខ្លួនជាប់ពេលមានរបស់កល់ឬនៅ?
– កូនរឹងក ឬនៅ?
– កូនចេះតាមសម្លឹងពេលឃើញនរណាកាន់របស់ញ៉ាំទេ?
– កូនមានប្រតិកម្មហក់លោត ពេលឃើញអាហារពីមុខដែរអត់?
ប្រសិនបើមានចំណុចដូចបានរៀបរាប់ខាងលើ មានន័យថាកូនតូចអាចចាប់ផ្ដើមញ៉ាំអាហារដំបូងបន្ថែមបានហើយ។ ចំពោះបរិមាណវិញលោកវេជ្ជបណ្ឌិតរូបនោះបានឲ្យដំបូន្មានថា ត្រឹម ២-៣ ស្លាបព្រាបាយ និងកិនឲ្យម៉ដ្ត ហើយត្រូវបន្តបំបៅទឹកដោះជាធម្មតា។
ចំណែកចំនួនវិញ លោកណែនាំឲ្យត្រឹមតែ ១ ឬ ២ ដងក្នុងមួយថ្ងៃបានហើយ ព្រោះដើម្បីឲ្យប្រព័ន្ធរំលាយធ្វើការបានល្អ។ ចំណែកប្រភេទអាហារវិញ អាចយកផ្លែឈើ ឬបបរលាយជាមួយបន្លែ ត្រី សាច់ ស៊ុត យកទៅកិន និងចម្អិនឲ្យឆ្អិនល្អ។
អត្ថបទពាក់ព័ន្ធ៖
- ទាំងនេះជាប្រភពអាហារូបត្ថម្ភ ក្មេងៗខ្វះមិនបាន
- ចំណីចំណុក ៥ យ៉ាងដែលម៉ាក់ៗមិនគួរឲ្យកូនតូចញ៉ាំ
- អត្ថប្រយោជន៍ និងរបៀបធ្វើម្សៅត្រីល្អិត ឲ្យកូនតូចញ៉ាំ
- រូបមន្តចិញ្ចឹមកូនឲ្យលូតលាស់ល្អ រាងកាយមាំមួន ខួរក្បាលឆ្លាត
- ក្រៅពីទឹកដោះគោ ឲ្យកូនញ៉ាំត្រីប្រភេទនេះក៏ធ្វើឲ្យឆ្អឹងរឹងមាំដែរ
- ម៉ាក់ប៉ាអនុវត្តតាមនេះ កូនតូចមានប្រព័ន្ធការពារខ្លាំង មិនងាយឈឺ
- ម៉ាក់ៗចែករំលែកផលវិបាកផ្សេងៗ ពេលកូនម៉ឹមដោះគោសុទ្ធ មិនញ៉ាំអាហារ
- ក្មេងខ្លះឲ្យតែញ៉ាំទឹកដោះគោ ឬផលិតផលពីទឹកដោះគោ ចេះតែរាក មកពីអី? ត្រូវធ្វើម៉េច?
ក្នុងករណីមានសំណួរ ឬមន្ទិលសង្ស័យជុំវិញសុខភាពអ្នក ជម្រើសល្អបំផុត សូមពិគ្រោះ និងប្រឹក្សាយោបល់ផ្ទាល់ជាមួយពេទ្យជំនាញ។ Hello Health Group មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
[embed-health-tool-vaccination-tool]
