លោកក៏បានលើកឧទាហរណ៍ងាយៗថា សម្លៀកបំពាក់យើងស្លៀកមួយថ្ងៃដូរម្ដងនៅតែកខ្វក់ ចុះខ្សែនោះត្រូវពាក់រាប់ខែឆ្នាំត្រូវទឹកត្រូវខ្យល់ ឬដីប្រឡាក់មិនបានបោកសម្អាត តើវាកខ្វក់ប៉ុនណា ហើយគាប់ជួននឹងប្រព័ន្ធការពារក្មេងនៅខ្សោយផង ជាហេតុនាំឲ្យក្មេងងាយឈឺបំផុត ព្រោះវាឆ្លងតាមការចាប់កាន់ បៀម និងនៅកៀកផ្លូវដង្ហើម។
ខ្សែសីមាទាំងនោះជាញឹកញាប់បំផុតធ្វើឲ្យក្មេងមានជំងឺរលាកបំពង់ក រលាកផ្លូវដង្ហើម រលាកក្រពះពោះវៀនដោយមេរោគ ដែលជំងឺទាំងអស់នេះអាចនាំឲ្យមានផលវិបាករហូតខូចដល់តម្រងនោម ប្រឹសបេះដូង និងសន្លាក់កូនក្មេងថែមទៀតផង។