ស្របពេលចំណីអាហារសម្បូរបែប ពិសេសក្មេងៗចូលចិត្តពពួកអាហារ Fast food ចំណីអាហារផ្អែមៗទៀតនោះ ម៉ាក់ប៉ាមួយចំនួនឲ្យកូនញ៉ាំតាមចិត្ត ធ្វើឲ្យកូនទៅជាធាត់លើសទម្ងន់។ បញ្ហានេះ នាយកមន្ទីរពេទ្យកុមារជាតិ លោកវេជ្ជបណ្ឌិត ញឹប អង្គាបុស្ស បានលើកឡើងថា ដឹងហើយថា ម៉ាក់ប៉ាស្រលាញ់កូន ចង់ឲ្យកូនឆាប់ធំ ប៉ុន្តែការបំប៉នកូនហួសប្រមាណ ពេកក៏ធ្វើឲ្យកូនទៅជាធាត់លើសគីឡូខ្លាំង បែរជារងនូវផលវិបាកទៅថ្ងៃក្រោយវិញ។