កាយវិការ៤ប្រភេទ ម៉ាក់ប៉ាគួរតែប្រុងប្រយ័ត្នចំពោះកូនតូច
ត្រួតពិនិត្យដោយ វេជ្ជ. ចាន់ ស៊ីណេត · មន្ទីរពេទ្យបង្អែកមិត្តភាពកម្ពុជា-ចិន សែនសុខ
អ្នកមានកូនតូចគួរតែមានការថែទាំឲ្យបានល្អ ហើយកាយវិការប្រឡែងលេងក៏គួរតែមានកម្រិត និងប្រយ័ត្នប្រយែងដែរ។ បើតាមការបញ្ជាក់របស់លោកវេជ្ជបណ្ឌិត ចាន់ ស៊ីណេត ឯកទេសជំងឺទូទៅបានឲ្យដឹងថា កាយវិការ ៤ យ៉ាងនេះប្រយ័ត្នចំពោះកូនតូច ព្រោះអាចគ្រោះថ្នាក់ដល់កូន។
១- អង្រួនកូន
ការអង្រួនកូន លើកបោះ ឬសំយ៉ុងក្បាលកូនចុះក្រោមមានគ្រោះថ្នាក់ខ្លាំងណាស់ ព្រោះអាចបណ្ដាលឲ្យក្រឡក ឬប៉ះអង្គិចខួរក្បាល ឈាមហូរចូលខួរក្បាល វិលមុខ រហូតដល់ដាច់សរសៃឈាមក៏មាន ប្រសិនបើនៅតែបន្ត និងធ្វើខ្លាំងទៅៗ។ ម៉ាក់ប៉ាភាគច្រើនធ្វើបែបនេះ ដើម្បីប្រឡែងលេងជាមួយកូនឲ្យសើចសប្បាយ។
២- កុំដាក់កូនគេងផ្កាប់មុខពេលបៅរួច
ពេលទារកគេងផ្កាប់មុខ អាចបណ្ដាលឲ្យកូនតឹងពោះ ពិបាកដកដង្ហើម ហើយពេលខ្លះបើបៅរួចនឹងធ្វើឲ្យក្អួតចេញមកវិញ។ ទោះជាយ៉ាងណា ពេលគេងក៏ម៉ាក់ៗមិនត្រូវដាក់ផ្កាប់មុខឡើយ គួរឲ្យគេគេងផ្អៀងឆ្វេងស្ដាំ។
៣- លេងរបស់តូចៗ
កុំបណ្ដោយឲ្យកូនតូចយករបស់ផ្សេងៗដែលអាចដាក់ចូលក្នុងមាត់បាន ដូចជាគម្របដប កូនឃ្លី ។ ការលេងបែបនោះពិតជាគ្រោះថ្នាក់ខ្លាំងណាស់ អាចបណ្ដាលឲ្យធ្លាក់ចូលក្នុងបំពង់ខ្យល់ រហូតគ្រោះថ្នាក់ដល់ជីវិតទៀតផង។
៤- កុំឲ្យលេងជិតភ្លើង
ពេលដុតធូបទាន មិនគួរឲ្យកូនទៅជិតឡើយ ឬធ្វើឡើងកុំឲ្យកូនឃើញ ព្រោះក្មេងរពិសណាស់ ប្រាកដជាវាទៅលេងរហូតបណ្ដាលឲ្យរលាក។ មិនតែប៉ុណ្ណោះការលេងភ្លើងទៀនអាចបណ្ដាលឲ្យដួលឆាបឆេះរលាក ឬគ្រោះថ្នាក់ខ្លាំងដល់អាយុជីវិតទៀតផង។
អត្ថបទពាក់ព័ន្ធ៖ បន្ថែមពីលើគោលការណ៍ថ្នាក់ជាតិ ម៉ាក់ប៉ាអាចនាំកូនទៅចាក់វ៉ាក់សាំងទាំងនេះ
ក្នុងករណីមានសំណួរ ឬមន្ទិលសង្ស័យជុំវិញសុខភាពអ្នក ជម្រើសល្អបំផុត សូមពិគ្រោះ និងប្រឹក្សាយោបល់ផ្ទាល់ជាមួយពេទ្យជំនាញ។ Hello Health Group មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
បដិសេធ
Hello Health Group និង “Hello គ្រូពេទ្យ” មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
ផ្សព្វផ្សាយពាណិជ្ជកម្មតើអត្ថបទនេះមានប្រយោជន៍ដែរទេ?
ផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្ម