ជំងឺរាករូសកើតមានចំពោះទារកគ្រប់គ្នា ចៀសមិនរួចឡើយ ក្នុងនោះដែរការជ្រើសរើសគ្រូពេទ្យសម្រាប់ព្យាបាលកូន ពិតជាសំខាន់ណាស់ បើប៉ះចំអ្នកមិនច្បាស់អាចនាំទុក្ខដល់កូនទៅវិញ ហើយពេលគ្រូពេទ្យឲ្យថ្នាំត្រូវលេបតាមវេជ្ជបញ្ជាផង កុំបង្ខំរកតែថ្នាំខ្លាំងដាក់ម្ដងបាត់ឈឹងនោះ។
ពេលកូនរាក កុំចង់បានថ្នាំដាក់ភ្លាមបាត់ភ្លែត ប្រយ័ត្នប៉ះថ្នាំប្រភេទនេះ គ្រោះថ្នាក់ធ្ងន់
ត្រួតពិនិត្យដោយ វេជ្ជ. ចាន់ ស៊ីណេត · មន្ទីរពេទ្យបង្អែកមិត្តភាពកម្ពុជា-ចិន សែនសុខ
លោកវេជ្ជបណ្ឌិត ហ៊ាង រតនា ថា ជំងឺរាកលើកុមារ និងទារក ម៉ាក់ប៉ាកុំចង់បានថ្នាំដាក់ភ្លាមបាត់ភ្លាម ព្រោះពេទ្យខ្លះនឹងឲ្យថ្នាំប្រភេទ Loperamide ដែលថ្នាំនេះវាទៅទប់ចលនាពោះវៀន មិនឲ្យមានចលនា នៅពេលពោះវៀនគ្មានចលនាវានឹងលែងរាកទៀតហើយ។ នៅពេលដែលពោះវៀនលែងមានចលនា ជាមូលហេតុងាយធ្វ់ឲ្យពោះវៀនស្ទះ ពោះវៀនលូនចូលគ្នា រលាកពោះវៀនកាន់តែខ្លាំង ខូចភាពធន់រឹងមាំនៃពោះវៀន និងប្រឈមការធ្លាយពោះវៀន ដែលអាចធ្វើឲ្យទារកស្លាប់បាន។
ថ្នាំ Loperamide ជាថ្នាំទប់រាកទឹក មិនមែនថ្នាំព្យាបាលរាកទឹកនោះទេ ហើយថ្នាំប្រភេទនេះដែរត្រូវបានគេហាមមិនឲ្យប្រើប្រាស់សម្រាប់ព្យាបាលជំងឺរាកលើទារកដែលមានអាយុក្រោម ៦ ឆ្នាំ ព្រោះអាចឲ្យក្មេងមានផលប៉ះពាល់ក្រោយប្រើវា។
វេជ្ជបណ្ឌិតជំនាញជំងឺទូទៅ និងកុមាររូបនោះបន្ថែមទៀតថា គ្រប់ការរាក គឺអ្នកជំងឺត្រូវការជាតិស័ង្កសី ដើម្បីកាត់បន្ថយកម្លាំងនៃការមេរោគ បន្ថយចំនួននៃការរាគ និងបន្ថយជំងឺរាកនៅពេលក្រោយទៀត។ មួយវិញទៀតជំងឺរាកត្រូវការព្យាបាលយ៉ាងសន្សឹមៗ យ៉ាងហោចណាស់ក៏ ២ ថ្ងៃដែរ ហើយបើលេបលើសវេជ្ជបញ្ជា មានតែនាំគ្រោះថ្នាក់ចំពោះកូន។ ឧទាហរណ៍ពេទ្យឲ្យលេបថ្នាំ ១ថ្ងៃ ៣ ដង បើយើងដាក់ដល់ ៤ ដងលើសកម្រិតថ្នាំ ឬលេបមិនដល់ចំនួនកំណត់របស់គ្រូពេទ្យ ដែលធ្វើឲ្យសភាពជំងឺមិនថមថយ។
ចំណែករឿងសំខាន់មួយទៀតពេលកូនរាកត្រូវបន្ថែមជាតិទឹកឲ្យកូនឲ្យកាន់តែច្រើន ហើយចំពោះក្មេងបៅដោះត្រូវបន្ថែមចំនួនបៅឲ្យញឹក កុំឲ្យខ្សោះជាតិទឹក។ នៅពេលកូនបាត់បង់ជាតិទឹកច្រើន បណ្ដាលឲ្យក្ដៅខ្លួន ឈឺដេកស្ទិក គ្មានកម្លាំងកំហែង និងមិនញ៉ាំអ្វីទាំងអស់។ ក្រៅពីទឹកធម្មតា គ្រូពេទ្យនឹងបន្ថែមអូរ៉ាលីតទៀត។
បដិសេធ
Hello Health Group និង “Hello គ្រូពេទ្យ” មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
ផ្សព្វផ្សាយពាណិជ្ជកម្មតើអត្ថបទនេះមានប្រយោជន៍ដែរទេ?
ផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្ម