១. តើមានរោគសញ្ញាអ្វីខ្លះ?
ចំពោះការក្តៅខ្លួនប្រកាច់ធម្មតាមានរយៈពេលតែ ២ទៅ៣នាទី ទេតែក្នុងករណីកម្រខ្លះអាចឈានដល់ទៅ ១៥នាទី ។ ពេលប្រកាច់ក្មេងនឹងប្រកាច់មួយតួរខ្លួនតែម្តង ញាក់កន្ត្រាក់ រមួលខ្លួន ក្រឡាប់ភ្នែក ហើយអាចឈានដល់សន្លប់ជាដើម។ ក្មេងខ្លះក្អួតបណ្តើរ នោមបណ្តើរពេលប្រកាច់ទៀតផង។
ឯការប្រកាច់ធ្ងន់ធ្ងរជាងនេះវិញមានរយៈពេលដល់ទៅ ១៥នាទី និងអាចកើតឡើងលើសពីម្តងក្នុងមួយថ្ងៃ។ ក្មេងអាចប្រកាច់ដៃប្រកាច់ជើង ឬកន្ទ្រាក់តែមួយចំហៀងខ្លួន។ ក្មេងនឹងឈប់ប្រកាច់ដោយខ្លួនឯងតែនៅតែក្តៅខ្លួនតទៀត។ ក្មេងខ្លះវិញងងុយដេកបន្ទាប់ពីនោះ តែខ្លះវិញមិនមានផលរំខានអ្វីទេ។ ក៏នៅមានសញ្ញាផ្សេងទៀតដែលមិនបានរៀបរាប់នៅខាងលើ វិធីដែលល្អគឺត្រូវជួបពិភាក្សារជាមួយគ្រូពេទ្យចំពោះបញ្ហានេះ។
២. តើគួរទៅជួបពេទ្យនៅពេលណា?
យើងត្រូវបញ្ជូនកូនទៅពេទ្យជាបន្ទាន់បើសិនជា៖
- កូនឈប់ដកដង្ហើមវែងជាង ១៥ទៅ២០វិនាទី ឬក៏ពិបាកដកដង្ហើម
- បើកូនប្រកាច់លើសពី ៣នាទី ឬក៏រើប្រកាច់ជាលើកទី២
- ប្រកាច់រួមជាមួយ ក្តៅខ្លួន ក្អួត ឈឺក្បាលខ្លាំង ងងុយដេក មិនមានស្មារតី រួយ ក ឬលេចឡើងកន្លែងពយទន់មួយចំលើក្បាល។