អាការៈឈឺជើងកើតឡើងជាញឹកញាប់ចំពោះក្មេងតូចៗដែលមានអាយុចាប់ពី៣ទៅ៥ឆ្នាំ និងក្មេងជិតចូលជំទង់ ហើយជាទូទៅ វានឹងបាត់ទៅវិញនៅពេលពួកគេឈានចូលដល់វ័យជំទង់។ ការឈឺចាប់នេះគឺពុំបង្កគ្រោះថ្នាក់ឡើយ ហើយក៏គ្មានសញ្ញានៃជំងឺធ្ងន់ធ្ងរណាមួយផងដែរ។
កូន ឧស្សាហ៍ឈឺជើង ប៉ាម៉ាក់ត្រូវដឹងរឿងទាំងនេះ
ត្រួតពិនិត្យដោយ វេជ្ជ. ចាន់ ស៊ីណេត · មន្ទីរពេទ្យបង្អែកមិត្តភាពកម្ពុជា-ចិន សែនសុខ
ជាធម្មតា ការឈឺជើងកើតមាននៅសាច់ដុំភ្លៅ និងកំភួនជើង ឬខាងក្រោយជង្គង់។ ចំពោះកុមារដែលកើតមានអាការៈឈឺចាប់នេះ អាចប្រឈមនឹងការរមួលក្រពើ ឬការឈឺចាប់ពីស្រាលទៅធ្ងន់ធ្ងរ។
អាការៈឈឺជើងទាំងនេះរួមមាន៖
- កើតឡើងនៅពេលល្ងាច ឬយប់ និងអាចបាត់ទៅវិញនៅពេលព្រឹក
- មានសភាពធ្ងន់ធ្ងរដែលអាចធ្វើឲ្យក្មេងភ្ញាក់ពីគេង
- ជាទូទៅ កើតមានចំពោះជើងទាំងសងខាង
- កើតឡើងម្ដងម្កាល ឬជាច្រើនយប់ជាប់គ្នា
- អមមកជាមួយនឹងអាការៈឈឺក្បាល ឬឈឺពោះ
អាការៈឈឺជើងនេះអាចបណ្ដាលមកពីការរត់ លោត និងតោងឡើងនៅពេលដែលក្មេងលេង នៅអំឡុងពេលថ្ងៃ។
ការឈឺជើងនេះក៏អាចពាក់ព័ន្ធទៅនឹងកត្តាដទៃទៀតដូចជាហត់នឿយ រួយជើង ឬកង្វះវីតាមីនD ជាដើម។
វិធីដោះស្រាយបញ្ហាឈឺជើង
ជាក់ស្ដែង ពុំមានការព្យាបាលច្បាស់លាស់ចំពោះអាការៈឈឺជើងដែលកើតឡើងចំពោះកុមារឡើយ។ ប៉ុន្តែ ប៉ាម៉ាក់អាចអនុវត្តវិធីសាស្ត្រងាយៗខាងក្រោមនេះ ដើម្បីកាត់បន្ថយការឈឺចាប់របស់កូន៖
ពេលណាយើងគួរនាំកូនទៅជួបគ្រូពេទ្យ?
នៅក្នុងករណីដែលកូនមានរោគសញ្ញាខាងក្រោមនេះ ប៉ាម៉ាក់គប្បីនាំកូនទៅពិគ្រោះយោបល់ជាមួយនឹងគ្រូពេទ្យ ទើបជាការប្រសើរ៖
- កើតមានជាប់ជាប្រចាំ
- នៅតែឈឺចាប់អំឡុងពេលព្រឹក
- មានសភាពធ្ងន់ធ្ងរដែលអាចរំខានដល់សកម្មភាពប្រចាំថ្ងៃរបស់ក្មេង
- ឈឺចាប់នៅត្រង់សន្លាក់
- ពាក់ព័ន្ធទៅនឹងការរងរបួស
- មានអាការៈផ្សេងទៀត ដូចជាហើម ស្នាមក្រហម គ្រុនក្ដៅ កន្ទួលរមាស់ បាត់បង់ចំណង់អាហារ ខ្សោយ ឬអស់កម្លាំងជាដើម។
បដិសេធ
Hello Health Group និង “Hello គ្រូពេទ្យ” មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
ផ្សព្វផ្សាយពាណិជ្ជកម្មតើអត្ថបទនេះមានប្រយោជន៍ដែរទេ?
ផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្ម