ការបង្ករោគក្នុងបេះដូង ជាការឆ្លងមេរោគធ្ងន់ធ្ងរដែលអាចនាំឲ្យខូចបេះដូង និងគ្រោះថ្នាក់ដល់អាយុជីវិត។ បាក់តេរី វីរុស និងផ្សិតអាចនាំឲ្យមានការបង្ករោគក្នុងបេះដូង។ ជាក់ស្ដែង បេះដូងរបស់យើងមានបីស្រទាប់សំខាន់ៗ ហើយវាជាកន្លែងដែលមេរោគកកើតឡើង។ ប្រភេទនៃការបង្ករោគក្នុងបេះដូង រួមមាន ការរលាកភ្នាសក្នុងបេះដូង ការរលាកសាច់ដុំបេះដូង និងការរលាកស្រោមបេះដូង ។