ក្រោយចាក់វ៉ាក់សាំងបង្ការកូវីដ-១៩ ដូសជំរុញ យើងអាចមានផលរំខានមួយចំនួនដែលធ្វើឱ្យប៉ះពាល់ដល់ការងារប្រចាំថ្ងៃ។ អ៊ីចឹងបន្ទាប់ពីចាក់ដូសជំរុញហើយ យើងគួរថែទាំសុខភាពបែបណាដើម្បីកាត់បន្ថយផលរំខាន?
មាតិកា
ប្រការគួរធ្វើក្រោយចាក់វ៉ាក់សាំងដូសជំរុញ ដើម្បីកាត់បន្ថយផលរំខាន
ផលរំខានក្រោយចាក់វ៉ាក់សាំងដូសជំរុញអាចមានដូចជា៖
- ឈឺចាប់នៅកន្លែងចាក់ថ្នាំ ហើយអាចឡើងក្រហម ឬហើម
- អស់កម្លាំង
- ឈឺសន្លាក់ ឬសាច់ដុំ
- គ្រុនក្តៅ ឬគ្រុនរងា
- ឈឺក្បាល
- ចង្អោរ
- ហើមកូនកណ្តុរ
ដើម្បីកាត់បន្ថយផលរំខានបន្ទាប់ពីចាក់វ៉ាក់សាំងដូសជំរុញហើយ យើងគួរ៖
១. ញុំាថ្នាំបំបាត់ការឈឺចាប់
យើងអាចញុំាថ្នាំប៉ារ៉ាសេតាម៉ុលដើម្បីបំបាត់ការឈឺចាប់ និងកាត់បន្ថយអាការៈគ្រុន ឬញាក់ បើចាំបាច់។
២. ស្អំទឹកកក
យើងអាចស្អំទឹកកកនៅកន្លែងចាក់ថ្នាំដើម្បីកាត់បន្ថយអាការៈឈឺ ឬហើម។ លើសពីនេះទៅទៀត យើងអាចធ្វើចលនាដៃខាងចាក់ថ្នាំដើម្បីជួយជំរុញរំហូរឈាម និងបន្ធូរការឈឺចាប់សាច់ដុំ។
៣. ញុំាទឹកឱ្យបានច្រើន
ការញុំាទឹកឱ្យបានច្រើនគ្រប់គ្រាន់អាចកាត់បន្ថយអាការៈក្តៅខ្លួន និងស្រេកទឹកក្រោយចាក់ដូសជំរុញ។ ការញុំាទឹកច្រើនមិនត្រឹមតែអាចជួយការពារយើងពីការឈឺចាប់ទេ ថែមទាំងជួយកាត់បន្ថយរយៈពេលរបស់ផលរំខានរបស់ដូសជំរុញទៀតផង។
៤. ញុំាវីតាមីន C
យើងគួរញុំាបន្លែបៃតង និងផ្លែឈើសម្បូរវីតាមីន C ដូចជា ផ្លែឈើអម្បូរក្រូច ល្ហុងជាដើមដើម្បីជួយពង្រឹងប្រព័ន្ធភាពសុំាក្នុងការប្រយុទ្ធប្រឆាំងនឹងផលរំខានរបស់វ៉ាក់សាំងដូសជំរុញ។
ចង់ពិនិត្យសុខភាពប្រព័ន្ធរំលាយអាហារ ចុចទីនេះ!
ចង់គណនារង្វាស់ចង្វាក់បេះដូង ចុចទីនេះ!
៥. គេងឱ្យបានគ្រប់គ្រាន់
ក្រោយពេលចាក់ដូសជំរុញហើយ រាងកាយយើងពឹងផ្អែកលើការឆ្លើយតបរបស់ប្រព័ន្ធភាពស៊ាំដើម្បីបង្កើតប្រព័ន្ធការពារ។ ការគេងមិនបានគ្រប់គ្រាន់អាចបង្កឱ្យមានភាពតានតឹង ដែលធ្វើឱ្យប្រព័ន្ធភាពស៊ាំរបស់យើងចុះខ្សោយ ដូច្នេះយើងត្រូវគេងយ៉ាងហោចណាស់ ៧ ទៅ ៨ម៉ោងក្នុងមួយយប់។
៦. ហាត់ប្រាណបែបស្រាលៗ
ការហាត់ប្រាណបែបស្រាលៗដូចជា ដើរ យូហ្កា ឬពត់បត់បែនខ្លួនជាដើមអាចជួយឱ្យចរន្តឈាមយើងរត់បានល្អ និងជួយកាត់បន្ថយផលប៉ះពាល់របស់វ៉ាក់សាំងដូសជំរុញ។
៧. ចៀសវាងធ្វើការធ្ងន់
យើងត្រូវចៀសវាងធ្វើការធ្ងន់ ២ ទៅ ៣ ថ្ងៃបន្ទាប់ពីចាក់វ៉ាក់សាំងដូសជំរុញ ព្រោះការធ្វើការធ្ងន់អាចធ្វើយើងអស់កម្លាំង និងធ្វើឱ្យប្រព័ន្ធភាពសុំាយើងចុះខ្សោយមិនអាចទប់នឹងឥទ្ធិពលរបស់វ៉ាក់សាំងដូសជំរុញបាន។
៨. ចៀសវាងញុំាអាហារបង្កើនការរលាក
យើងគួរចៀសវាងញុំាំអាហារកែច្នៃ អាហារបំពង អាហារមានជាតិស្ករ និងខ្លាញ់ខ្ពស់ដែលអាចបង្កើនការរលាកក្នុងរាងកាយ។
៩. ចៀសវាងគ្រឿងស្រវឹង
ការញុំាគ្រឿងស្រវឹងធ្វើឱ្យយើងខ្សោះជាតិទឹក រលាកនៅក្នុងរាងកាយ មានអាការៈស្រដៀងនឹងផលរំខានក្រោយចាក់វ៉ាក់សាំងដូសជំរុញ និងអាចធ្វើឱ្យប្រព័ន្ធភាពសុំារបស់យើងចុះខ្សោយ។
ក្រោយចាក់ដូសជំរុញ យើងអាចមានផលរំខានដូចដែលបានរៀបរាប់ខាងលើរយៈពេលពី ២៤ ទៅ ៤៨ ម៉ោងបន្ទាប់ពីការចាក់រួច តែប្រសិនបើអាការៈរបស់យើងមិនប្រសើរឡើងទេ យើងគួរពិភាក្សាជាមួយគ្រូពេទ្យ។
គួរអាន៖
- មកដឹងពីតេស្ដរកអង់ទីករការពារកូវីដ-១៩ ក្រោយចាក់វ៉ាក់សាំងរួច
- ក្រោយចាក់វ៉ាក់សាំង AstraZeneca អាចលេចឡើងផលរំខានទាំងនេះ
- សំណួរម៉ាក់ៗឆ្ងល់ច្រើន បំបៅដោះកូនអាចចាក់វ៉ាក់សាំងកូវីដ-១៩ បានអត់?
- ៥ សំណួរពាក់ព័ន្ធនឹងការចាក់វ៉ាក់សាំងកូវីដ ១៩ មានអ្នកចង់ដឹងច្រើន
- ស្ត្រីពពោះ និងកំពុងបំបៅដោះកូន អាចចាក់វ៉ាក់សាំងកូវីដ ១៩ បានអត់?
- អ្នកកើតទឹកនោមផ្អែម ចាក់វ៉ាក់សាំងកូវីដ-១៩ បានអត់?
គណនា BMI
បដិសេធ
Hello Health Group និង “Hello គ្រូពេទ្យ” មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
5 Things You Can Do to Minimize COVID-19 Vaccine Side Effects, According to Doctors
https://www.eatingwell.com/article/7901529/5-things-you-can-do-to-minimize-covid-19-vaccine-side-effects-according-to-doctors/
Minimizing the Side Effects, Maximizing the Efficacy of the COVID-19 Vaccine
https://bestcare.org/news/20210602/minimizing-side-effects-maximizing-efficacy-covid-19-vaccine
COVID-19 Dos and don’ts after vaccination
https://www.unicef.org/india/stories/covid-19-dos-and-donts-after-vaccination
What to Eat Before and After Your COVID-19 Vaccine
https://www.verywellhealth.com/what-to-eat-and-drink-before-and-after-covid-vaccine-5181349
Your Covid booster side effects shouldn’t be as ‘intense’ this time — here’s what to expect
https://www.cnbc.com/2021/11/24/covid-booster-shot-side-effects-how-to-treat-pain-and-fever-at-home.html
What are the side-effects of booster shots and how to prevent them
https://www.hindustantimes.com/lifestyle/health/what-are-the-side-effects-of-booster-shots-and-how-to-prevent-them-101641876624467.html
កំណែប្រែបច្ចុប្បន្ន
24/02/2022
អត្ថបទដោយ សុខ វណ្ណ
ត្រួតពិនិត្យដោយ វេជ្ជ. ចាន់ ស៊ីណេត
បច្ចុប្បន្នភាពដោយ៖ ទូច សុខា
ត្រួតពិនិត្យដោយ
វេជ្ជ. ចាន់ ស៊ីណេត
ឯកទេសសម្ភព និងរោគស្ត្រី · មន្ទីរពេទ្យបង្អែកមិត្តភាពកម្ពុជា-ចិន សែនសុខ
ផ្សព្វផ្សាយពាណិជ្ជកម្មតើអត្ថបទនេះមានប្រយោជន៍ដែរទេ?
ផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្ម