បើនិយាយពីជំងឺរលាកក្រពះ ទំនងជាមានគ្នាយើងមិនតិចនាក់ទេបានដឹង ឬបានជួបបទពិសោធន៍នៃជំងឺមួយនេះ។ ចុះគ្នាយើងដឹងអត់ថាបើរលាកក្រពះរ៉ាំរៃទៅជាយ៉ាងមិញវិញ?
មាតិកា
រោគសញ្ញារលាកក្រពះរុាំរ៉ៃ ត្រូវដឹង រួសរាន់ព្យាបាលកុំឲ្យយឺតពេល
ជំងឺរលាកក្រពះរ៉ាំរ៉ៃ កើតឡើងដោយសារស្រទាប់កម្រាលខាងក្នុងរបស់ក្រពះមានការរលាក ហើយរោគសញ្ញា អាចជាអាការៈចុកអួលៗ ឬឈឺជាប់តែម្តង។
ប្រភេទជំងឺរលាកក្រពះរ៉ាំរ៉ៃ ឧស្សាហ៍កើតមានជាងគេ គឺបង្កដោយបាក់តេរី Helicobacter pylori។ ជំងឺនេះ នឹងបានធូរស្រាលឡើងវិញ បើសិនជាបានទទួលការព្យាបាល និងតាមដានត្រឹមត្រូវ។
បាក់តេរី ការផឹកស្រាច្រើនពេក ថ្នាំពេទ្យមួយចំនួន ស្រ្តេសជាប់រហូត ឬជំងឺប្រព័ន្ធការពារនានា សុទ្ធតែអាចបណ្ដាលរលាកក្រពះបានទាំងអស់។ ពេលក្រពះរលាក ស្រទាប់ក្រាលក្រពះ នឹងប្រែប្រួល ហើយកោសិកាការពារមួយចំនួន ក៏នឹងងាប់ផងដែរ ធ្វើឲ្យយើងមានអារម្មណ៍ឆាប់ឆ្អែតជាងរាល់ដង។
១. រោគសញ្ញាជំងឺរលាកក្រពះរ៉ាំរ៉ៃមានអ្វីខ្លះ?
រោគសញ្ញាជំងឺរលាកក្រពះរ៉ាំរ៉ៃ រួមមាន៖
– ចុកពោះផ្នែកខាងលើ (ចុងដង្ហើម)
– មិនរំលាយអាហារ
– ហើមពោះ
– ចង្អោរ
– ក្អួត
– ភើ
– មិនឃ្លានអាហារ
– ស្រកទម្ងន់
២. ពេលណាត្រូវទៅជួបគ្រូពេទ្យ?
បើសិនជាគ្នាយើងមានរោគសញ្ញាណាមួយដូចបានរៀបរាប់ខាងលើ ឬមានចម្ងល់ យើងគួរទៅពិគ្រោះជាមួយគ្រូពេទ្យ ព្រោះរាងកាយមនុស្សម្នាក់ៗមានភាពខុសគ្នា រោគសញ្ញាក៏ខុសគ្នាដែរ។ ល្អបំផុត ពិភាក្សាជាមួយគ្រូពេទ្យសម្រាប់ព័ត៌មានបន្ថែម និងអាចព្យាបាលបានទាន់ពេល។
ដោយសារជំងឺនេះនឹងធ្វើឲ្យកោសិកាក្នុងក្រពះងាប់ ហើយដុះថ្មីមកវិញ តែប្តូររូបរាងមិនដូចដើមឡើយ។ នេះជាដំណាក់ត្រៀមកើតមហារីក ហើយអាចវិវត្តទៅជា ជំងឺមហារីកក្រពះ បើសិនជាមិនបានព្យាបាលត្រឹមត្រូវ។
ជាធម្មតា ជំងឺរលាកក្រពះរ៉ាំរ៉ៃ នឹងជាមកវិញ បើសិនជាព្យាបាលបានត្រឹមត្រូវ តែត្រូវតាមដានឲ្យបានជាប់លាប់។
គណនា BMI
បដិសេធ
Hello Health Group និង “Hello គ្រូពេទ្យ” មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
Chronic gastritis. http://www.healthline.com/health/gastritis-chronic#Riskfactors5 . Accessed March 12, 2017.
Chronic gastritis. http://www.mayoclinic.org/diseases-conditions/gastritis/basics/prevention/con-20021032 . Accessed March 12, 2017.
Chronic gastritis. http://emedicine.medscape.com/article/176156-overview#a6 . Accessed March 12, 2017.
កំណែប្រែបច្ចុប្បន្ន
17/05/2021
អត្ថបទដោយ ទូច សុខា
ត្រួតពិនិត្យដោយ វេជ្ជ. ចាន់ ស៊ីណេត
បច្ចុប្បន្នភាពដោយ៖ ទូច សុខា
ត្រួតពិនិត្យដោយ
វេជ្ជ. ចាន់ ស៊ីណេត
ឯកទេសសម្ភព និងរោគស្ត្រី · មន្ទីរពេទ្យបង្អែកមិត្តភាពកម្ពុជា-ចិន សែនសុខ
ផ្សព្វផ្សាយពាណិជ្ជកម្មតើអត្ថបទនេះមានប្រយោជន៍ដែរទេ?
ផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្ម