ការចាក់វ៉ាក់សាំងការពារជំងឺផ្ដាសាយអំឡុងពេលពពោះ គឺដើម្បីជួយឲ្យខ្លួនយើងចៀសផុតពីបញ្ហានេះ ព្រោះថាការមានផ្ទៃពោះ ឈឺលេបថ្នាំមិនល្អចំពោះកូនឡើយ។ ថ្មីៗនេះខាង WHO បានបញ្ជាក់ថាវ៉ាក់សាំងនេះ មិនត្រឹមជួយម៉ាក់ឡើយ គឺអាចជួយដល់កូនក្រោយកើតបាន ៦ ខែទៀតផង។
បើតាមការឲ្យដឹងពីលោកវេជ្ជបណ្ឌិត ប៉ែន កក្កដា ឯកទេសរោគកុមារ និងទារកនៅមន្ទីរពេទ្យកុមារជាតិ បានឲ្យដឹងថា របាយការណ៍ខាង WHO បានបញ្ជាក់ថាចាក់វ៉ាក់សាំងពេលម៉ាក់ៗពពោះ ចាក់មានឥទ្ធិពលខ្ពស់ រហូតដល់អាចការពារកូនក្រោយសម្រាលបាន ៦ ខែនៃជីវិត។ លោកបានបន្តទៀតថា អង្គការសុខភាពពិភពលោកបញ្ជាក់ថា ចាក់សាំងផ្ដាសាយនេះស្ត្រីមានផ្ទៃពោះទោះចាក់ក្នុងអំឡុងត្រីមាសណាក៏ដោយក៏វានៅតែមានប្រសិទ្ធភាពចំពោះខ្លួន និងកូនដែលកើតមកហើយ។
ចំណែកទារកដែលបានទទួលចាក់សាំងនេះនឹងអាចការពារពួកគេពីគ្រុនផ្ដាសាយធំនៅប៉ុន្មានខែដំបូង ហើយម្ចាស់បន្ទប់ពិគ្រោះជំងឺកុមារ វត្តអង្គតាម៉ិញខាងលើបន្តថា តាមលោកសាកសួរម៉ាក់ប៉ាទារកមួយចំនួនក៏ដែលគ្មានជំងឺផ្ដាសាយពេលនៅតូច គឺពួកគាត់បានចាក់វ៉ាក់សាំងនេះមែន។
ម៉ាក់ៗមានផ្ទៃពោះ ហើយចាក់វ៉ាក់សាំងជំងឺផ្ដាសាយ គឺមិនត្រឹមតែការពារខ្លួនឯងមួយមុខប៉ុណ្ណោះទេ ប៉ុន្តែអាចការពារកូន។ ពេលម៉ាក់ៗចាក់វ៉ាក់សាំងនេះ កូនក្នុងផ្ទៃក៏ទទួលអង់ទីករនៃជំងឺផ្ដាសាយពីម្ដាយដែលត្រូវចាក់វ៉ាក់សាំង។
អត្ថបទពាក់ព័ន្ធ៖ គ្រោះថ្នាក់បំផុត ស្រីៗប៉ុន្មានក្រុមនេះងាយនឹងកើតជំងឺលើសឈាមពេលពពោះ
ក្នុងករណីមានសំណួរ ឬមន្ទិលសង្ស័យជុំវិញសុខភាពអ្នក ជម្រើសល្អបំផុត សូមពិគ្រោះ និងប្រឹក្សាយោបល់ផ្ទាល់ជាមួយពេទ្យជំនាញ។ Hello Health Group មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
[embed-health-tool-pregnancy-weight-gain]
