ការហាត់ប្រាណ មានប្រយោជន៍ចំពោះសុខភាពមនុស្សគ្រប់វ័យ សូម្បីតែស្រ្តីដែលកំពុងពពោះ ក៏គ្រូពេទ្យណែនាំឲ្យហាត់ប្រាណដើម្បីសុខភាពម្ដាយដែរ ប៉ុន្តែបើហាត់ប្រាណរហូតដល់បែកញើសខ្លាំង ជោគខ្លួន ជាសញ្ញាល្អ ឬមិនល្អចំពោះសុខភាពម្តាយ?
លោកវេជ្ជបណ្ឌិត ចាន់ ស៊ីណេត ប្រធានផ្នែកសម្ភព និងរោគស្ត្រី នៃមន្ទីរពេទ្យមិត្តភាពកម្ពុជា-ចិន សែនសុខ បានពន្យល់ឲ្យដឹងថា ការហាត់ប្រាណអំឡុងពេលពពោះ ជាការល្អចំពោះសុខភាព។ ស្ត្រីមានផ្ទៃពោះ គួរហាត់ប្រាណក្នុងមួយថ្ងៃ ឲ្យបានយ៉ាងតិច៣០នាទី ក៏ប៉ុន្តែបើហាត់ហួសហេតុពេកមិនល្អទេ។ លោកវេជ្ជបណ្ឌិតថា ក្នុងករណី ដែលហាត់ប្រាណហួសកម្រិត បែកញើសខ្លាំង អាចបណ្ដាលម៉ាក់ៗពពោះ បាត់បង់ជាតិទឹកច្រើន និងសារធាតុអេឡិចត្រូលីត្រពីក្នុងខ្លួនអស់។
ចំពោះអត្ថប្រយោជន៍នៃការហាត់ប្រាណពេលពពោះ មានដូចជា៖
– កាត់បន្ថយការឈឺខ្នង ទល់លាមក ហើមជើង
– បង្កើនថាមពល
– ជួយធ្វើឲ្យអារម្មណ៍ល្អ និងកាត់បន្ថយភាពតានតឹង
– ជួយឲ្យគេងបានស្រួល
– ហាត់ប្រាណទៀងទាត់អាចជួយឲ្យម៉ាក់ៗ កាន់តែមានភាពងាយស្រួលក្នុងការមានរាងដូចដើមវិញក្រោយសម្រាល។ល។
ទោះយ៉ាងណាក៏ដោយ លោកវេជ្ជបណ្ឌិតបានណែនាំឲ្យស្ត្រីពពោះគ្រប់រូបហាត់ប្រាណឲ្យបានច្រើនតាមដែលអាចធ្វើបាន ប៉ុន្តែហាត់ល្មមៗបានហើយ មិនចាំបាច់ហាត់ខ្លាំងពេកដូចអ្នកធម្មតាទេ ចៀសវាងបាត់បង់ជាតិខ្លាំង បណ្ដាលឲ្យមានបញ្ហាដល់សុខភាព។
អត្ថបទពាក់ព័ន្ធ៖
- “ហាត់ប្រាណពេលពពោះ” មិនដើម្បីរាងស្អាតទេ គឺដើម្បីសុខភាព
- ៨ ចំណុចសំខាន់ៗ ស្រីៗមានផ្ទៃពោះគួរដឹង កុំចេះតែធ្វើតៗគ្នា
- “ហាត់ប្រាណពេលពពោះ” ត្រូវចៀសវាងសកម្មភាពអាចបង្កគ្រោះថ្នាក់ទាំងនេះ
- តិចនិកហាត់ប្រាណ ជួយស្រីៗសម្រាលកូនកាន់តែងាយស្រួល
- ពពោះត្រីមាសទី១ ចាប់ផ្តើមហាត់យូហ្គាប៉ុន្មានក្បាច់នេះ ធានាថាល្អទាំងម៉ាក់ៗ ទាំងកូនក្នុងផ្ទៃ
- តិចនិកហាត់ប្រាណសម្រាប់ស្រីៗពពោះអំឡុងត្រីមាសទី ២
- តិចនិកហាត់ប្រាណអំឡុងត្រីមាសទី ៣ អាចជួយឲ្យងាយសម្រាលកូន
ក្នុងករណីមានសំណួរ ឬមន្ទិលសង្ស័យជុំវិញសុខភាពអ្នក ជម្រើសល្អបំផុត សូមពិគ្រោះ និងប្រឹក្សាយោបល់ផ្ទាល់ជាមួយគ្រូពេទ្យជំនាញ។Hello Health Group មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
[embed-health-tool-pregnancy-weight-gain]
