ការធ្លាក់សមាន៣ប្រភេទ គឺធ្លាក់សធម្មតា ធ្លាក់សដោយសារពពួកផ្សិត និងធ្លាក់សដោយការឆ្លងជំងឺកាមរោគ។ ចំពោះស្ត្រីពពោះ បើជួបករណីធ្លាក់សដោយការឆ្លងរោគ អាចឲ្យកូនក្នុងផ្ទៃប្រឈមបញ្ហាច្រើន។
មាតិកា
ធ្លាក់សរ៉ាំរ៉ៃពេលពពោះដោយសារឆ្លងរោគ កូនក្នុងផ្ទៃប្រឈមបញ្ហាទាំងប៉ុន្មាននេះ
លោកស្រីវេជ្ជបណ្ឌិត ថៃ សុវណ្ណរ៉ា បម្រើការងារនៅ Singapore Medical Center ថា ត្បិតតែការធ្លាក់សច្រើនពេលពពោះជារឿងធម្មតាក៏ពិតមែន ប៉ុន្តែបើជាករណីធ្លាក់សរ៉ាំរ៉ៃ បណ្តាលមកពីការឆ្លងមេរោគ ឬជំងឺណាមួយ អាចធ្វើឲ្យស្ត្រីមានកូននៅក្រៅស្បូន ឬធ្វើឲ្យបែកទឹកភ្លោះមុនខែ កូនកើតមកឈឺភ្នែកជាដើម។
តើយើងអាចសម្គាល់ការធ្លាក់សឆ្លងរោគដោយរបៀបណា? លោកស្រីវេជ្ជបណ្ឌិតឯកទេសរោគស្ត្រីរូបនេះ បញ្ជាក់ថា ការធ្លាក់សប្រភេទនេះមានក្លិនឆ្អាប ឬស្អុយ មានសភាពដូចខ្ទុះ ថែមទាំងមានពណ៌ប្រផេះ ឬបៃតង ចំណែកទ្វារមាសរមាស់ ក្ដៅ ហើម ឡើងក្រហម។ ក្រៅពីសម្គាល់តាមប៉ុន្មានចំណុចនេះ គ្រូពេទ្យអាចនឹងបៀកទឹករម្អិលនៅទ្វារមាសយកទៅពិនិត្យ។
ចំពោះវិធីការពារធ្លាក់សរ៉ាំរ៉ៃ លោកស្រីវេជ្ជបណ្ឌិតថា ស្ត្រីពពោះត្រូវពិគ្រោះជាមួយគ្រូពេទ្យបើមានធ្លាក់សមិនប្រក្រតីណាមួយ និងត្រូវធ្វើតាមការណែនាំខាងក្រោម។
– អនាម័យទ្វារមាសជាប្រចាំជាមួយទឹកស្អាត ឬទឹកអនាម័យមានកម្រិត pH ទាប
– លាងសម្អាតទ្វារមាសតែខាងក្រៅប៉ុណ្ណោះ មិនត្រូវលូកលាងទៅខាងក្នុងនោះទេ
– បន្ទាប់ពីបន្ទោបង់រួច ត្រូវជូតសម្អាតពីខាងមុខទៅក្រោយ
– មិនត្រូវស្លៀកខោរឹបខ្លាំងពេក។
ក្នុងករណីមានសំណួរ ឬមន្ទិលសង្ស័យជុំវិញសុខភាពអ្នក ជម្រើសល្អបំផុត សូមពិគ្រោះ និងប្រឹក្សាយោបល់ផ្ទាល់ជាមួយពេទ្យជំនាញ។ Hello Health Group មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
បដិសេធ
Hello Health Group និង “Hello គ្រូពេទ្យ” មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
កំណែប្រែបច្ចុប្បន្ន
05/06/2020
អត្ថបទដោយ ដេត ធន្នី
ត្រួតពិនិត្យដោយ វេជ្ជ. ចាន់ ស៊ីណេត
បច្ចុប្បន្នភាពដោយ៖ ដេត ធន្នី
ត្រួតពិនិត្យដោយ
វេជ្ជ. ចាន់ ស៊ីណេត
ឯកទេសសម្ភព និងរោគស្ត្រី · មន្ទីរពេទ្យបង្អែកមិត្តភាពកម្ពុជា-ចិន សែនសុខ
ផ្សព្វផ្សាយពាណិជ្ជកម្មតើអត្ថបទនេះមានប្រយោជន៍ដែរទេ?
ផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្ម