សត្វឆ្មា និងផលិតផលសម្អាតផ្ទះ​ខ្លះ​​ ស្រី្ត​ពពោះគួរចៀសវាង​

អំឡុងពេលពពោះ ស្រីៗគ្នាយើងត្រូវចេះប្រយ័ត្នប្រយែងឲ្យបានច្រើន ពិសេសរបស់ក្នុងផ្ទះមួយចំនួន គឺហាមដាច់ខាតកុំប៉ះពាល់ ព្រោះអាចបង្កគ្រោះថ្នាក់ធ្ងន់ធ្ងរណាស់ដល់អូនៗក្នុងផ្ទៃ។ អត្ថបទនេះនឹងលើកឡើងរបស់ក្នុងផ្ទះយើង ស្រីៗពពោះ មិនគួរ​ប៉ះពាល់ដាច់ខាត។

ការឡើងទម្ងន់ស្ត្រីអំឡុងពពោះ នៅទីនេះ

១- សត្វឆ្មា

ជំងឺ Toxoplasmosis (ជំងឺម្យ៉ាងបង្កឡើងពីបាក់តេរីឆ្លងពីសត្វ) ជាជំងឺឧស្សាហ៍ឆ្លងបំផុតពីបក្សី ថនិកសត្វ សូម្បីតែមនុស្ស ហើយជំងឺ​នេះ​អាចបង្កស្ថានភាពសុខភាពធ្ងន់ធ្ងរលើស្រីៗកំពុងពពោះ។ ពពួកប៉ារ៉ាស៊ីតឈ្មោះថា Toxoplasma gondii ត្រូវគេរកឃើញក្នុងលាមកឆ្មា និងលើដី ឬកាកសំណល់ពីសត្វឆ្មា ដែលអាចឆ្លងចូលទៅក្នុងខ្លួនឆ្មាបានយ៉ាងងាយ។

បើទោះជាហានិភ័យឆ្លងពពួកជំងឺ Toxoplasmosis អំឡុងពេលពពោះ គឺមានតិចតួចក្តី ប៉ុន្តែបើយើងឆ្លងជំងឺនេះក្នុងដំណាក់កាលទី១ នៃការពពោះ ហានិភ័យរលូតកូន និងកាន់តែខ្ពស់ ថែមទាំងអាចធ្វើឲ្យគភ៌ពិការភ្នែកពីកំណើត ឬខូចខាតខួរក្បាលទៀតផង។

រោគសញ្ញាជំងឺនេះ មានដូចទៅនឹងជំងឺផ្តាសាយ ឡើងកម្តៅរាងកាយ ឈឺបំពង់ក និងឈឺចាប់សាច់ដុំ។ យ៉ាងណា ករណីភាគច្រើន ជំងឺនេះមិនបង្កចេញជារោគសញ្ញានោះឡើយ។

ស្រីៗពពោះ មិនអាចតាមដានសុខភាពរកជំងឺ Toxoplasmosis បានរហូតនោះទេ ហេតុនេះសំខាន់បំផុតត្រូវដឹងពីវិធីការពារខ្លួន។

គណនាថ្ងៃសម្រាលកូន នៅទីនេះ

២- ផលិតផលសម្អាតផ្ទះ

ត្រូវត្រួតពិនិត្យស្លាកផលិតផលយើងប្រើប្រាស់ និងត្រូវប្រាកដថា ផលិតផលទាំងនោះ មិនមានសញ្ញាគ្មានសុវត្ថិភាពសម្រាប់យើងកំពុងពពោះនោះឡើយ។ បើសិនជាយើងប្រើផលិតផលមានផ្ទុកជាតិ​កាវ ពណ៌ និងសារធាតុគីមីផ្សេងទៀត ត្រូវតែអនុវត្តតាមស្លាកសញ្ញាណែនាំ និងប្រាកដថា បន្ទប់របស់យើង គឺស្អាត និងបើកចំហរទ្វារបង្អួត មានខ្យល់អាការចេញចូលគ្រប់គ្រាន់។

សាប៊ូលាងបន្ទប់ទឹក ឬបង្គន់មួយចំនួន មានផ្ទុកសារធាតុគ្រោះថ្នាក់ហៅថា Naphthalene ហើយបើយើងប៉ះពាល់ជាមួយសារធាតុនេះច្រើនពេក វានឹងអាចបំផ្លាញកោសិកាឈាម បង្កជាបញ្ហាសុខភាពមួយហៅថា Haemolytic anaemia។ ក្រៅពីនេះសារធាតុ Naphthalene អាចនាំឲ្យមានបញ្ហាសុខភាពជាច្រើនទៀតចំពោះស្រីៗកំពុងពពោះ ដូចជា បាត់បង់ចំណង់អាហារ ក្អួតចង្អោរ និងរាក ខណៈអូនៗកើតមក កាន់តែមានហានិភ័យសុខភាពច្រើនទៀត បើសិនជាគេប៉ះពាល់ជាមួយសារធាតុ Naphthalene។