តម្រូវការអាហារូបត្ថម្ភក្នុងពេលពពោះ និងបំបៅដោះកូនកើនឡើង ជាហេតុទាមទារម៉ាក់ៗឲ្យប៉ូវអាហារគ្រប់គ្រាន់ ។ ប៉ុន្តែមានម៉ាក់ៗមួយចំនួនមិនអាចទទួលបានសារធាតុចិញ្ចឹមគ្រប់គ្រាន់ បែរជាប្រឈមនឹងកង្វះអាហារូបត្ថម្ភពេលពពោះ។
មាតិកា
កង្វះអាហារូបត្ថម្ភពេលពពោះ ផ្ដល់ផលពិបាកច្រើនដល់ទាំងម្ដាយ និងគភ៌
យោងតាមអង្គការ Unicef បានឲ្យដឹងថា ស្ត្រីមានតម្រូវការអាហារូបត្ថម្ភខុសៗគ្នាក្នុងមួយជីវិត ពិសេសគឺមុន និងអំឡុងពេលមានផ្ទៃពោះ និងពេលបំបៅដោះកូន ព្រោះជាពេលដែលស្ត្រីងាយរងគ្រោះបំផុតពីបញ្ហាកង្វះអាហារូបត្ថម្ភពេលពពោះ។ អំឡុងពេលមានផ្ទៃពោះ របបអាហារមិនល្អ ឬខ្វះសារធាតុចិញ្ចឹមសំខាន់ៗដូចជា អ៊ីយ៉ូត ជាតិដែក ហ្វូឡាត កាល់ស្យូម និងស័ង្កសី អាចបណ្ដាលឲ្យជួបបញ្ហាច្រើន។
ផលពិបាកនៃកង្វះអាហារូបត្ថម្ភពេលពពោះលើម្ដាយ
- ភាពស្លេកស្លាំង
- កើតជំងឺបម្រុងក្រឡាភ្លើង
- ការធ្លាក់ឈាម
- ងាយឆ្លងមេរោគ
- ពិបាកផលិតទឹកដោះឲ្យកូនបៅក្រោយសម្រាល
- ប្រឈមបាត់បង់ជីវិតខ្ពស់។
ផលពិបាកនៃកង្វះអាហារូបត្ថម្ភពេលពពោះលើកូន
- កូនស្លាប់ក្នុងផ្ទៃ
- ទារកទម្ងន់មិនគ្រប់គីឡូ
- មានការលូតលាស់យឺតយ៉ាវទាំងរាងកាយ និងបញ្ញាស្មារតី
- ប្រឈមនឹងកើតជំងឺរ៉ាំរ៉ៃទៅថ្ងៃអនាគត (ជំងឺទឹកនោមផ្អែម)។
មិនត្រឹមតែប៉ុណ្ណោះ អង្គការ Unicef បានឲ្យដឹងបន្ថែមថា អាហារូបត្ថម្ភមិនល្អអំឡុងពេលបំបៅដោះកូន ក៏ធ្វើឲ្យមានការលំបាកសម្រាប់ម្ដាយក្នុងការផ្ទុកសារធាតុចិញ្ចឹមឡើងវិញក្នុងរាងកាយ និងបំពេញតម្រូវការអាហារបន្ថែមដែលរាងកាយត្រូវការ។ ការធានាបានថា ស្ត្រីគ្រប់រូបទទួលបានរបបអាហារមានជីវជាតិគ្រប់គ្រាន់ និងការថែទាំពេញលេញ គឺជាមូលដ្ឋានគ្រឹះសម្រាប់ការរស់រានមានជីវិត និងសុខុមាលភាពរបស់ម្ដាយ និងកូន។
បដិសេធ
Hello Health Group និង “Hello គ្រូពេទ្យ” មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
Maternal nutrition https://www.unicef.org/nutrition/maternal
Malnutrition https://motherchildnutrition.org/malnutrition/about-malnutrition/impact-of-malnutrition.html
កំណែប្រែបច្ចុប្បន្ន
17/12/2021
អត្ថបទដោយ នាង សុខុមដាលីញ៉ា
ត្រួតពិនិត្យដោយ វេជ្ជ. ចាន់ ស៊ីណេត
បច្ចុប្បន្នភាពដោយ៖ ទូច សុខា
ត្រួតពិនិត្យដោយ
វេជ្ជ. ចាន់ ស៊ីណេត
ឯកទេសសម្ភព និងរោគស្ត្រី · មន្ទីរពេទ្យបង្អែកមិត្តភាពកម្ពុជា-ចិន សែនសុខ
ផ្សព្វផ្សាយពាណិជ្ជកម្មតើអត្ថបទនេះមានប្រយោជន៍ដែរទេ?
ផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្ម