ស្រីៗគ្នាយើងមានមួយចំនួនតូច ស្រាប់តែមានកូនភ្លោះ អ្នកខ្លះមិនមែនពពោះកូន២ទេ មាន ៣ ឬ៤ នាក់ឯណោះ។ តាមវេជ្ជសាស្ត្រ តើមានកូនភ្លោះបណ្តាលមកអ្វី? ម៉ាក់ៗមានបេប៊ីភ្លោះត្រូវថែទាំគភ៌ដូចម្តេចខ្លះ?

តាមធម្មតា ស្រីៗក្នុងវ័យបន្តពូជ មានធ្លាក់មេជីវិតញី១ រៀងរាល់ ១ ខែ ម្តង ដែលម្តងនៅខាងឆ្វេង ម្តងនៅខាងស្តាំនៃស្បូន។ ការបង្កកំណើតកើតឡើងដោយសារមេជីវិតញី និងឈ្មោលជួបគ្នា អំឡុងរួមភេទ បង្កើតបានជាពង។

បើតាមការបញ្ជាក់របស់លោកជំទាវវេជ្ជបណ្ឌិត គ្រុយ លាងស៊ីម អនុរដ្ឋលេខាធិការ ក្រសួងសុខាភិបាល និងជាទីប្រឹក្សាផ្នែកសម្ភព នៅមន្ទីរពេទ្យកាល់ម៉ែត ករណីកូនភ្លោះនេះមកពីកត្តាតំណពូជដែលក្រុមគ្រួសារធ្លាប់មានប្រវត្តិមានកូនភ្លោះ និងលក្ខខណ្ឌនៃការបង្កកំណើតដែលមាន ២ ករណីសំខាន់ៗ។

កូនភ្លោះលើសចំនួន ករណីខ្លះអាចមកពីមេជីវិតញី និងមេជីវិតឈ្មោលជួបគ្នាហើយ បំបែកខ្លួនចេញជា ២ ឬ ៣ ពង។ កូនភ្លោះបែបនេះហៅថា កូនភ្លោះពិត បេប៊ីដែលកើតចេញមកមានភេទ និងមុខមាត់ដូចគ្នាបេះបិទ ដែលពេលខ្លះស្ទើរតែរកចំណុចខុសគ្នាមិនបាន។

ឯករណីមួយទៀតកើតឡើងដោយសារមេជីវិតឈ្មោល ២ ចូលទៅជួបគ្នាជាមួយមេជីវិតញី ១ ក្នុងពេលជាមួយគ្នា ដែលកូនភ្លោះបែបនេះហៅថាកូនភ្លោះមិនពិត ព្រោះមានមេជីវិត២ផ្សេងគ្នា ហ្សែនក៏ខុសគ្នា ដូច្នេះការបង្កកំណើតអាចមានភេទខុសគ្នា ឯមុខមាត់ក៏មិនដូចគ្នាដែរ។

អត្ថបទពាក់ព័ន្ធ៖ អាហារល្អៗ ប៉ូវឲ្យមេជីវិតប្រុសៗកាន់តែខ្លាំងជាងមុន

តើម៉ាក់ៗដែលមានកូនភ្លោះលើកទី១ ពេលពពោះលើកទី២ អាចកូនភ្លោះទៀតឬយ៉ាងណា? មិនប្រាកដនោះទេ ភាគច្រើននៃស្រីៗដែលធ្លាប់មានកូនភ្លោះ ការពពោះលើកក្រោយៗទៀតអាចមានកូន ១ ធម្មតា។

ការពពោះកូនតែមួយពិបាកណាស់ទៅហើយ ចុះទម្រាំកូន ២ ឬ៣ នាក់ទៀតនោះ ម៉ាក់ៗរឹតតែពិបាកទ្វេដង ឯស្បូនក៏ត្រូវរីកធំដោយផ្ទុកគភ៌ច្រើនជាងមុន។ បញ្ហានេះលោកជំទាវសាស្ត្រាចារ្យ គ្រុយ លាងស៊ីម ណែនាំឲ្យស្រីៗពពោះកូនភ្លោះថែទាំសុខភាព និងគភ៌ឲ្យបានល្អ ដោយការញ៉ាំចំណីអាហារឲ្យបានគ្រប់គ្រាន់ តាមដានសុខភាពឲ្យបានទៀងទាត់។

អត្ថបទពាក់ព័ន្ធ៖

ក្នុងករណីមានសំណួរ ឬមន្ទិលសង្ស័យជុំវិញសុខភាពអ្នក ជម្រើសល្អបំផុត សូមពិគ្រោះ និងប្រឹក្សាយោបល់ផ្ទាល់ជាមួយពេទ្យជំនាញ។ Hello Health Group មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕

ឆ្ងល់​អត់ ​ស្រីៗ​ម៉េច​បាន​មាន​កូន​ភ្លោះ ខ្លះ​ភេទ​ដូច​គ្នា ខ្លះស្រី១​ប្រុស១?

ឆ្ងល់អត់ ស្រីៗម៉េចបានមានកូនភ្លោះ ខ្លះភេទដូចគ្នា ខ្លះស្រី១ប្រុស១?