វេជ្ជបណ្ឌិតឯកទេសផ្នែកសម្ភព និងរោគស្ត្រី នៃមន្ទីរសម្រាកព្យាបាល និងសម្ភពមាតា លោកស្រី ទី សុវណ្ណរដ្ឋ បានឲ្យដឹងថា ការប្រើថ្នាំព្យាបាលមុននៅមុនពេលពពោះ និងពេលកំពុងពពោះអាចជះឥទ្ធិពលដល់ការលូតលាស់បញ្ញាស្មារតី និងអវយវៈរបស់ទារកក្នុងផ្ទៃ។
ចំពោះស្រីៗដែលត្រៀមយកកូន ហើយប្រើថ្នាំព្យាបាលជំងឺមុន លោកស្រីវេជ្ជបណ្ឌិតថា ត្រូវតែបញ្ឈប់ការប្រើថ្នាំនោះឲ្យបាន ៣ ខែ មុនពេលមានផ្ទៃពោះ ទើបគភ៌មានសុវត្ថិភាព។ “អ៊ីចឹងបើយើងត្រៀមយកកូន ត្រូវបញ្ឈប់ការប្រើប្រាស់ថ្នាំហ្នឹង ដូចកំពុងតែព្យាបាលមុនអ៊ីចឹង ថ្នាំមុន ត្រូវមានការបញ្ឈប់ ៣ ខែ ក្រោយបញ្ឈប់ហើយ ៣ ខែ បានអាចមានកូនបាន’។