ពេទ្យតែងតែណែនាំឲ្យស្ត្រីមានផ្ទៃពោះធ្វើអ្វីមួយដោយការប្រុងប្រយ័ត្ន ហើយពិសេសអ្នកមានបញ្ហាសុកពាំងមាត់ស្បូនកម្រិត ៣ និង៤ តែម្ដង ព្រោះងាយនឹងធ្លាក់ឈាម ហើយបើអាចទៅជាធ្ងន់ធ្ងរថែមទៀតផង។ ដូចនេះលោកវេជ្ជបណ្ឌិត ចាន់ ស៊ីណេត ប្រធានផ្នែកសម្ភព និងរោគស្ត្រី នៃមន្ទីរពេទ្យបង្អែកមិត្តភាពកម្ពុជា-ចិន សែនសុខ បានផ្ដល់ដំបូន្មានមួយចំនួនពីសកម្មភាពគ្រោះថ្នាក់ប្រចាំថ្ងៃថាម៉ាក់ៗគួរធ្វើអ្វី និងមិនគួរធ្វើ។
សកម្មភាពហាមឃាត់ សម្រាប់ម៉ាក់ៗមានសុកពាំងមាត់ស្បូន
ត្រួតពិនិត្យដោយ វេជ្ជ. ចាន់ ស៊ីណេត · មន្ទីរពេទ្យបង្អែកមិត្តភាពកម្ពុជា-ចិន សែនសុខ
លោកវេជ្ជបណ្ឌិតថា ករណីសុខពាំងមាត់ស្បូនគ្រោះថ្នាក់ខ្លាំងណាស់ ដូច្នេះម៉ាក់ៗត្រូវតែទៅពេទ្យ តាមដានសុខភាពគភ៌ជារៀងរាល់ខែ ដោយអមមកជាមួយការពិនិត្យតាមដានអេកូ ដើម្បីបានដឹងពីសុខភាពកូន ការវិវត្តគភ៌ ទីតាំងសុកឲ្យច្បាស់លាស់ ហើយដាច់ខាតត្រូវចៀសវាងសកម្មភាពដូចខាងក្រោមនេះ៖
១- មិនគួរជិះម៉ូតូទៅផ្លូវឆ្ងាយ
២- មិនគួរលើករបស់ ឬធ្វើការងារធ្ងន់ៗ
៣- មិនគួរឈោងចាប់របស់ខ្ពស់ពីដៃ
៤- មិនគួរលូកពិនិត្យញឹកញាប់ពេក ឬដាក់អ្វីចូលទ្វារមាស
៥- មិនគួរអង្គុយទម្លាក់គូទខ្លាំងៗ ឬអង្គុយយូរពេក
៦- ប្រកាន់ខ្ជាប់អនាម័យទ្វារមាស
៧- ដើរហើរត្រូវប្រយ័ត្នដួល ឬប៉ះទង្គិច
៨- កាត់បន្ថយការដើរ
៩- តមរួមភេទ។
អត្ថបទពាក់ព័ន្ធ៖ មកដឹងលម្អិតពីករណីសុកពាំងមាត់ស្បូនពេលពពោះ គ្រោះថ្នាក់ខ្លាំងណាស់
ក្នុងករណីមានសំណួរ ឬមន្ទិលសង្ស័យជុំវិញសុខភាពអ្នក ជម្រើសល្អបំផុត សូមពិគ្រោះ និងប្រឹក្សាយោបល់ផ្ទាល់ជាមួយពេទ្យជំនាញ។ Hello Health Group មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
បដិសេធ
Hello Health Group និង “Hello គ្រូពេទ្យ” មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
ផ្សព្វផ្សាយពាណិជ្ជកម្មតើអត្ថបទនេះមានប្រយោជន៍ដែរទេ?
ផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្ម