មានម៉ាក់ៗមួយចំនួនជួបអាការៈឈាមច្រមុះអំឡុងពេលពពោះនេះ ដោយអ្នកខ្លះលើកឡើងថា វាអាចប៉ះពាល់ដល់កូនក្នុងផ្ទៃឬទេ? ហេតុអ្វីបានជាហូរឈាមច្រមុះ? ចំពោះបញ្ហានេះដែរលោកវេជ្ជបណ្ឌិត ចាន់ ស៊ីណេត បានបញ្ជាក់ថា ប្រសិនបើធ្ងន់ធ្ងរ ឈាមហូរជាប់រហូតអាចប៉ះពាល់ដល់អាយុជីវិតបាន។
វេជ្ជបណ្ឌិតបន្តទៀតថា ឈាមច្រមុះបណ្ដាលមកពីការដាច់សរសៃច្រមុះតូចៗ ព្រោះសរសៃឈាមក្នុងច្រមុះរីក ហើយបរិមាណឈាមកើនឡើងនឹងរឹតតែបង្កើនសម្ពាធដល់សរសៃឈាម ដែលជាផ្នែកផុយស្រួយធ្វើឲ្យសរសៃឈាមងាយបែក។ បញ្ហាបែបនេះអាចចាត់ទុកថាជារឿងធម្មតា ដែលលេចឡើងម្ដងម្កាល ហើយមិនមានគ្រោះថ្នាក់ដល់ស្ត្រីមានផ្ទៃពោះ និងកូនក្នុងផ្ទៃឡើយ។
បញ្ហាដទៃទៀតដែលនាំឲ្យមានអាការៈឈាមច្រមុះ ប្រធានផ្នែកសម្ភពនៃមន្ទីរពេទ្យបង្អែកមិត្តភាពកម្ពុជា-ចិន សែនសុខ ថាអាចមកពីការរស់នៅកន្លែងដែលមិនល្អ មានក្លិនឈួល ឬកន្លែងក្ដៅខ្លាំងហើយលក្ខខណ្ឌវេជ្ជសាស្ត្រមួយចំនួនដូចជាជំងឺលើសសម្ពាធឈាម ឬបញ្ហាកំកកឈាម ( ជំងឺឈាមក្រកក) ក៏អាចបណ្ដាលឲ្យឈាមច្រមុះនេះផងដែរ។
លោកក៏បានបន្ថែមទៀតដែរថា ដើម្បីចៀសវាងបញ្ហានេះយើងគួរតែថែរក្សារាងកាយរបស់យើងឲ្យមានសំណើមមិនស្ងួត ដោយផឹកទឹកច្រើន នៅកន្លែងត្រជាក់ៗ និងញ៉ាំអាហារមានសម្បូរជីវជាតិ ជាតិទឹក ហើយចៀសវាងអាហារហឹរ ឬក្ដៅៗ។ មួយវិញទៀតបើមានឈាមហូរតាមច្រមុះ ត្រូវអង្គុយចុះឱនចុះ និងដាក់ក្បាលឲ្យខ្ពស់ជាងបេះដូង ហើយយកដៃទៅសង្កត់លើច្រមុះប្រហែល១០នាទី ឬក្រណាត់ទៅខ្ទប់ ដើម្បីទប់ស្កាត់កុំឲ្យហូរឈាមច្រើនពេក ប្រសិនបើនៅតែបន្តហូរឈាមខ្លាំងត្រូវទៅជួបជាមួយគ្រូពេទ្យជាបន្ទាន់។
អត្ថបទពាក់ព័ន្ធ៖
- ស្រីៗពពោះចង់ឲ្យខួរក្បាលកូនឆ្លាត ភ្នែកភ្លឺ កុំភ្លេចញ៉ាំសារធាតុបំប៉នដ៏សំខាន់នេះ
- អ្នកជំនាញថាការបង្កកំណើតក្នុងមន្ទីរពិសោធន៍មានអត្រាជោគជ័យទាប
- ម៉ាក់ៗលាបឡេលាយពេលពពោះ ប្រយ័ត្នកូនកើតមកមានបញ្ហាទាំងនេះ
- មកពីមានបញ្ហាទាំងនេះ ទើបស្រី្តពពោះប្រឈមនឹងកើតជំងឺលើសឈាម
- ពេលពពោះ ម៉ាក់ៗចេះតែរមាស់ពោះ មកពីកូនដុះសក់ ឬមកពីអ្វីផ្សេង?
- បញ្ហានេះទាំងនេះស្រីៗពពោះជួបប្រទះដូចគ្នាទេ កុំយំតូចចិត្តខ្លួនឯងអី
- ពេលពពោះ ការធ្វើធ្មេញប្រភេទណាខ្លះប៉ះពាល់ និងមិនប៉ះពាល់?
- គុណសម្បតិ្តទាំង ៧ យ៉ាងនៃការហាត់យ៉ូហ្កាមុនពេលសម្រាលកូន
ក្នុងករណីមានសំណួរ ឬមន្ទិលសង្ស័យជុំវិញសុខភាពអ្នក ជម្រើសល្អបំផុត សូមពិគ្រោះ និងប្រឹក្សាយោបល់ផ្ទាល់ជាមួយពេទ្យជំនាញ។ Hello Health Group មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
[embed-health-tool-pregnancy-weight-gain]
