ជំនឿខ្លះៗពាក់ព័ន្ធនឹងការសម្រាលកូនដោយវះកាត់ តែជារឿងមិនពិត!

ជាទូទៅ មានមូលហេតុជាច្រើនដែលជំរុញឲ្យម៉ាក់ៗត្រូវសម្រាលកូនដោយការវះកាត់ ក្នុងនោះរួមមានផលវិបាកនៃជំងឺ ទីតាំងទារកខុសធម្មតា ឬចង្វាក់បេះដូងទារកនៅក្នុងស្បូនមិនប្រក្រតីជាដើម។

យ៉ាងណាមិញ នៅរយៈពេលប៉ុន្មានឆ្នាំចុងក្រោយនេះ ចំនួនម៉ាក់ៗដែលសម្រាលកូនដោយវះកាត់ មានការកើនឡើង គួរឲ្យកត់សម្គាល់។ ជាមួយនឹងការកើនឡើងនៃចំនួនដ៏ខ្ពស់នេះ ម៉ាក់ៗមួយចំនួននៅតែមានការយល់ច្រឡំពាក់ព័ន្ធនឹងការសម្រាលកូនដោយការវះកាត់។ ការយល់ច្រឡំ ឬជំនឿទាំងនេះ នឹងត្រូវបានបកស្រាយដូចខាងក្រោម។

១. ការជាសះស្បើយមានភាពយឺតយ៉ាវ

ម៉ាក់ៗតែងជឿថា ការសម្រាលកូនដោយវះកាត់ ត្រូវការពេលវេលាយូរក្នុងការជាសះស្បើយ។ ប៉ុន្តែ តាមពិតទៅ ការឈឺចាប់នៃការសម្រាលតាមវិធីនេះ មិនមានរយៈពេលយូរប៉ុន្មានទេ។ ម៉ាក់ៗអាចក្រោកឈរបាន នៅក្នុងរយៈពេល៣ថ្ងៃ។ រីឯការសម្រាលតាមបែបធម្មជាតិ ក៏ត្រូវកាត់ផ្នែកចន្លោះទ្វារធំ និងរន្ធយោនី(Perineum)ដែរ ដែលត្រូវការពេលប្រហែលមួយសប្ដាហ៍ ក្នុងការជាសះស្បើយ។ ដូច្នេះហើយ ការឈឺចាប់ក្រោយពេលសម្រាល គឺពុំមានភាពខុសគ្នាឡើយ មិនថាយើងសម្រាលកូនដោយវះកាត់ ឬតាមធម្មជាតិនោះទេ។

ចង់គណនាថ្ងៃមេជីវិតញីទុំធ្លាក់ ចុចទីនេះ !

ចង់គណនាថ្ងៃសម្រាលកូន ចុចទីនេះ !

ចង់គណនាទម្ងន់ស្រ្តីពពោះ ចុចទីនេះ !

ចង់ដឹងអត្ថន័យពណ៌ និងរូបរាងលាមកទារក ចុចទីនេះ !

២. បើសម្រាលកូនដោយវះកាត់ម្ដង គឺត្រូវសម្រាលតាមវិធីនេះជានិច្ច

ជំនឿនេះ គឺមិនពិតទាល់តែសោះ។ ប្រសិនបើលក្ខខណ្ឌអំណោយផល ហើយពុំមានផលវិបាកអ្វីមួយកើតឡើង យើងអាចសម្រាលកូនតាមធម្មជាតិបាន បើទោះបីជាយើងសម្រាលដំបូងដោយវះកាត់ក៏ដោយ។

៣. ការប្រើថ្នាំស្ពឹកនៅឆ្អឹងខ្នង នឹងបណ្ដាលឲ្យឈឺខ្នងនៅថ្ងៃក្រោយ

ម៉ាក់ៗជាច្រើន តែងតែយល់ថា ជំនឿនេះគឺជាការពិត ប៉ុន្តែវាមិនដូច្នោះទេ។ ជាក់ស្ដែង ការប្រើម្ជុលចាក់នៅឆ្អឹងខ្នង គឺមិនមានផលប៉ះពាល់នោះទេ ហើយវាក៏ពុំមានរបួសដែលបន្សល់ទុកនៅពេលក្រោយដែរ។ ហេតុនេះហើយ អាការៈឈឺខ្នងដែលកើតឡើងបន្ទាប់ពីសម្រាលកូន ទោះបីជាសម្រាលដោយវះកាត់ ឬសម្រាលតាមធម្មជាតិ គឺអាចកើតឡើង ប្រសិនបើយើងមានឥរិយាបថមិនល្អ។

c-section 2

៤. ក្រោយសម្រាលកូនដោយវះកាត់ មិនអាចបំបៅដោះកូនភ្លាមៗទេ

ជំនឿនេះគឺមិនពិតនោះទេ។ ម៉ាក់ៗអាចចាប់ផ្ដើមបំបៅដោះកូនភ្លាមៗ បន្ទាប់ពីសម្រាលកូនដោយវះកាត់រួច។

៥. ធ្លាក់ឈាមតិចតួច ក្រោយសម្រាលកូនដោយវះកាត់

ពិតណាស់ មិនថាយើងសម្រាលកូនដោយវះកាត់ ឬតាមធម្មជាតិនោះទេ វាមិនមានផលប៉ះពាល់ដល់ការធ្លាក់ឈាមក្រោយសម្រាលកូនឡើយ។

៦. ស្រងូតស្រងាត់ក្រោយសម្រាលកូនដោយវះកាត់

ជំនឿនេះ គឺមិនពិតនោះទេ។ បម្រែបម្រួលអ័រម៉ូនកើតឡើងចំពោះការសម្រាលកូនដោយវះកាត់ គឺដូចគ្នាទៅនឹងការសម្រាលកូនតាមធម្មជាតិ។ ដូច្នេះហើយ បន្ទាប់ពីសម្រាលកូនដោយវះកាត់ យើងក៏អាចមានអារម្មណ៍ស្រងូតស្រងាត់ដូចគ្នាដែរ។

៧. ហាមធ្វើចលនាបន្ទាប់ពីសម្រាលកូនដោយវះកាត់

ជាទូទៅ យើងអាចបន្តទម្លាប់ប្រចាំថ្ងៃរបស់យើងវិញបាន នៅពេលដែលយើងមានអារម្មណ៍ធូរស្រាលឡើងវិញ។ សកម្មភាពប្រចាំថ្ងៃ ក៏អាចបន្តវិញបាន នៅក្នុងពេលដ៏ខ្លី។ ប៉ុន្តែការហាត់ប្រាណ គឺត្រូវរង់ចាំយ៉ាងហោចណាស់ រយៈពេល៣ខែសិន បន្ទាប់ពីសម្រាលកូនដោយវះកាត់។

អត្ថបទគួរអាន៖

ត្រួតពិនិត្យដោយ

វេជ្ជ. ចាន់ ស៊ីណេត

ឯកទេសសម្ភព និងរោគស្ត្រី · មន្ទីរពេទ្យបង្អែកមិត្តភាពកម្ពុជា-ចិន សែនសុខ

អត្ថបទដោយ នូ សោភ័ណ្ឌ · កែ 08/11/2024

ជំនឿ​ខ្លះៗពាក់ព័ន្ធនឹងការ​សម្រាល​កូន​ដោយ​វះកាត់​ តែជារឿងមិនពិត!

​១. ការ​ជា​សះស្បើយ​មាន​ភាព​យឺតយ៉ាវ

២. ​បើ​សម្រាល​កូន​ដោយ​វះកាត់​ម្ដង​​ គឺ​ត្រូវ​សម្រាល​តាម​វិធី​នេះ​ជានិច្ច

៣. ការ​ប្រើ​ថ្នាំ​ស្ពឹក​​នៅ​​ឆ្អឹង​ខ្នង​ នឹង​បណ្ដាល​ឲ្យ​ឈឺ​ខ្នង​នៅ​ថ្ងៃ​ក្រោយ

៤. ​ក្រោយ​សម្រាល​កូន​ដោយ​វះកាត់​ ​មិន​អាច​បំបៅ​ដោះ​កូន​ភ្លាម​ៗ​ទេ

៥. ​​ធ្លាក់​ឈាម​​​តិចតួច​ ក្រោយ​សម្រាល​កូន​ដោយ​វះកាត់​

៦. ស្រងូតស្រងាត់​ក្រោយ​សម្រាល​កូន​ដោយ​វះ​កាត់​​​​

៧. ​ហាម​ធ្វើ​ចលនា​បន្ទាប់​ពី​សម្រាល​កូន​ដោយ​វះកាត់