នៅក្នុងជីវភាពប្រចាំថ្ងៃ ចំណីអាហារមួយចំនួន ត្រូវគេចាត់ទុកថា ជាប្រភពដែលនាំឱ្យរាងកាយស្តុកទុកជាតិខ្លាញ់ធាត់គ្មានប្រយោជន៍ ពិសេសនៅត្រង់ផ្នែកក្បាលពោះ ប្រសិនបើយើងញ៉ាំមិនបានប្រមាណត្រឹមត្រូវ។ ស្ថាប័នធ្វើការលើវិស័យសុខាភិបាលធំៗនៅលើពិភពលោក បានបង្ហាញនូវប្រភេទចំណីអាហារ មួយចំនួនដែលបង្កឱ្យមានភាពធាត់លើរាងកាយខ្លាំង។
១. ភេសជ្ជៈ ឬចំណីមានជាតិស្ករ Fructose
ស្ករ Fructose ជាស្ករដែលមានក្នុងទឹកផ្លែឈើ និងទឹកឃ្មុំ ហើយក៏សម្បូរដែរនៅក្នុងផលិតផល ភេសជ្ជៈសូដា ភេសជ្ជៈជាតិស្ករ និងដំណាប់ផ្លែឈើ។ បើយោងតាមអង្គការសុខភាពពិភពលោក បានណែនាំការញ៉ាំជាតិស្ករមិនគួរលើសពី៥០ក្រាម/ថ្ងៃឡើយ ដោយឡែក ប្រភេទភេសជ្ជៈ ចំណីមានជាតិស្ករ Fructose ប្រមាណ៦០%ឡើងទៅ ដែលមានន័យថា លើសពីកម្រិត ដែលស្ថាប័នសុខភាពណែនាំ។
២. អាហារ Fast Food
ហ៊តដក(Hot Dog) នំ Hamburger និងសាច់ក្រក គ្រប់គ្នាប្រាកដជាដឹងហើយថា អាចបង្កផលប៉ះពាល់ដល់សុខភាពបើញ៉ាំច្រើន។ ពិតណាស់ ដោយផ្អែកតាមការឱ្យដឹងពីអ្នកជំនាញអាហារូបត្ថម្ភ ពពួកអាហារទាំងនេះ មានផ្ទុកច្រើនដោយសារធាតុខ្លាញ់ធាត់ ស្របពេលដែលបន្លែ ដូចសាលាដដាក់លាយជាមួយនោះ មានវីតាមីន និងសារធាតុប្រឆាំងអុកស៊ីតកម្មមិនគ្រប់គ្រាន់ដើម្បីជួយរំលាយអាហារទាំងនោះឱ្យអស់បានឡើយ។
អត្ថបទពាក់ព័ន្ធ៖
- ខ្លាញ់ក្បាលពោះប្រុសៗ បង្កហានិភ័យសុខភាព ៦មុខ
- ម៉ាក់ៗក្រោយសម្រាល ក្បាលពោះនៅធំ សាកតិចនិកបិទបាំងទាំងនេះ
៣. ពពួកអាហារមានខ្លាញ់ Trans Fats
Trans Fats សម្តៅលើពពួកអាហារដែលមានខ្លាញ់ប្រែប្រួលលឿនក្នុងរាងកាយ មានក្នុងផលិតផលអាហារដូចជា ទឹកសេរ៉ូ ផលិតផលម្សៅ ក្រែមកាហ្វេ ប៊័រ និងនំភីហ្សាផងដែរ ដែលសុទ្ធសឹងសំបូរដោយTrans Fats ។ Trans Fats អាចស្តុកភាពធាត់ខ្លាំងលើក្បាលពោះបាន ដូចនេះការកម្រិតការញ៉ាំលើអាហារទាំងនេះ ជារឿងមួយគួរគប្បីធ្វើដើម្បីសុខភាព។
៤. ពពួកស្ករចម្រាញ់
ពពួកអាហារស្ករចម្រាញ់ដូចជា ស្ករសូកូឡា ចំណីផ្អែមៗសម្រាប់ញ៉ាំក្រៅពេល រាប់ទាំងផលិតផលធញ្ញជាតិផង ដែលសុទ្ធសឹងសំបូរជាតិស្ករផ្អែម ពុំងាយរំលាយ អាចនៅស្តុកជាប់ផ្នែកក្បាលពោះនៃរាងកាយ។ យ៉ាងណាមិញ វិធីដែលយើងចង់ញ៉ាំ ហើយចៀសហានិភ័យបានខ្លះគឺ យើងអាចជ្រើសរើសពពួកផលិតផលអាហារខាងលើ ដែលមានកម្រិតជាតិស្ករទាប ដើម្បីចៀសវាងបញ្ហាទៅថ្ងៃក្រោយ៕
អត្ថបទពាក់ព័ន្ធ៖
- ចូលចិត្តទំនិញចុះថ្លៃ ១ ថែម ១ ប្រយ័ត្នកើតជំងឺធាត់
- មូលហេតុសំខាន់ៗ ម៉េចបានធាត់ និងប្រភេទអ្នកធាត់ទាំង ៦ យ៉ាង
- សឹងតែ១០០% នៃអ្នកធាត់ គេចមិនរួចពីជំងឺរ៉ាំរ៉ៃមួយនេះទេ គ្រាន់តែយូរ ឬឆាប់
- អ្នកជំងឺទឹកនោមផ្អែម ញ៉ាំតាមរបៀបនេះជួយបន្ថយជាតិស្ករបាន
- អ្នកចូលចិត្តញ៉ាំចំណីចំណុកដាក់មេស្ករ ប្រយ័ត្នជួបផលលំបាកទាំងនេះ
- គ្រូពេទ្យអាមេរិក ចេញវិធានការថ្មីជួយក្មេងៗកាត់បន្ថយភេសជ្ជៈមានជាតិស្ករខ្ពស់
ក្នុងករណីមានសំណួរ ឬមន្ទិលសង្ស័យជុំវិញសុខភាពអ្នក ជម្រើសល្អបំផុត សូមពិគ្រោះ និងប្រឹក្សាយោបល់ផ្ទាល់ជាមួយពេទ្យជំនាញ។ Hello Health Group មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
[embed-health-tool-bmr]
