ញ៉ាំប្រៃជាមូលហេតុឈានទៅមានជំងឺលើសឈាម គ្រោះថ្នាក់សរសៃឈាមខួរក្បាល ជំងឺបេះដូង មហារីកក្រពះ ក្រួសតម្រងនោម និងជំងឺជាច្រើនទៀត ដូច្នេះហើយទើបអង្គការសុខភាពពិភពលោកណែនាំឲ្យយើងម្នាក់ៗញ៉ាំអំបិលក្នុងរបបអាហារតែ ១ ស្លាបព្រាកាហ្វេប៉ុណ្ណោះក្នុង ១ ថ្ងៃ។

មិនចង់ប្រឈមនឹងជំងឺដែលបានរៀបរាប់ខាងលើនេះ យើងគួរចាប់ផ្តើមផ្លាស់ប្តូរទម្លាប់នៃការញ៉ាំប្រៃ ពិសេសរបបអាហារប្រៃៗ តាមចំណុចមួយចំនួនខាងក្រោមនេះ។

១. ញ៉ាំម្ហូបអាហារចម្អិនភ្លាមៗ ជាជាងអាហារកែច្នៃ

យើងដឹងហើយថា អាហារកែច្នៃ ជាអាហារដែលបញ្ចូលគ្រឿងផ្សំអាចទុកបានយូរ មានអំបិល ស្ករ ពណ៌ និងសារធាតុផ្សេងៗទៀត ដែលមានហានិភ័យចំពោះសុខភាព។ ជំនួសឲ្យការញ៉ាំអាហារច្នៃ យើងគួរប្តូរមកញ៉ាំអាហារចម្អិនភ្លាមៗវិញ។

២. កុំដាក់អំបិល ទឹកត្រី ទឹកស៊ីអ៊ីវលើតុអាហារ

ជាទម្លាប់នៅលើតុអាហារ ឬពេលចម្អិនម្ហូបអាហាររួចរាល់ រៀបចំបាយ ទាំងយើងទាំងគេតែមានដាក់កូនចានអំបិល ទឹកត្រី ឬទឹកស៊ីអ៊ីវ នៅលើតុ សម្រាប់ជ្រលក់ម្ហូបអាហារដែលចម្អិនហើយ ឬច្រូចបន្ថែមទៅក្នុងសម្លរ ដែលស្ទើររសជាតិប្រៃ។ ទម្លាប់បែបនេះមិនល្អនោះទេ យូរៗទៅធ្វើឲ្យយើងញ៉ាំប្រៃដោយមិនដឹងខ្លួន។

៣. ចៀសវាងអាហារសម្រន់ដែលមានជាតិប្រៃ

អាហារដែលមានរសជាតិប្រៃ ពិសេសពពួក Fast food ចៀសបានគួរតែចៀសទៅ ព្រោះវាមិនត្រឹមតែមានរសជាតិប្រៃនោះទេ ថែមទាំងសម្បូរជាតិខ្លាញ់ ញ៉ាំធ្វើឲ្យធាត់ និងមានបញ្ហាសុខភាពជាច្រើនមុខទៀត។

៤. កំណត់បរិមាណអំបិលពេលចម្អិនអាហារ

រាល់ពេលចម្អិនអាហារម្តងៗ យើងត្រូវកំណត់បរិមាណអំបិលឲ្យបានល្អ កុំចេះតែភ្លក់ហើយថែមគ្រឿងមិនឈប់ ស៊ូឲ្យមុខម្ហូបសាប ប្រសើរជាងប្រៃ ធ្វើបែបនេះយូរៗទៅនឹងក្លាយជាទម្លាប់ ហើយថែមល្អចំពោះសុខភាពយើងទៅថ្ងៃក្រោយ។

អត្ថបទពាក់ព័ន្ធ៖

ក្នុងករណីមានសំណួរ ឬមន្ទិលសង្ស័យជុំវិញសុខភាពអ្នក ជម្រើសល្អបំផុត សូមពិគ្រោះ និងប្រឹក្សាយោបល់ផ្ទាល់ជាមួយពេទ្យជំនាញ។ Hello Health Group មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕

ទម្លាប់ញ៉ាំប្រៃគ្រោះថ្នាក់ខ្លាំង អ៊ីចឹងរៀនកាត់បន្ថយតាមវិធីងាយៗទាំងនេះ

១. ញ៉ាំ​ម្ហូប​អាហារ​ចម្អិន​ភ្លាមៗ ជា​ជាង​អាហារ​កែច្នៃ

២. កុំ​ដាក់​អំបិល ទឹកត្រី ទឹក​ស៊ីអ៊ីវ​លើ​តុអាហារ

៣. ចៀស​វាង​អាហារ​សម្រន់​ដែល​មាន​ជាតិ​ប្រៃ

៤. កំណត់​បរិមាណ​អំបិល​ពេល​ចម្អិន​អាហារ

១. ញ៉ាំម្ហូបអាហារចម្អិនភ្លាមៗ ជាជាងអាហារកែច្នៃ

២. កុំដាក់អំបិល ទឹកត្រី ទឹកស៊ីអ៊ីវលើតុអាហារ

៣. ចៀសវាងអាហារសម្រន់ដែលមានជាតិប្រៃ

៤. កំណត់បរិមាណអំបិលពេលចម្អិនអាហារ