សម័យនេះ ជាតិគីមីក៏ច្រើន បរិស្ថានជុំវិញកន្លែងយើងរស់នៅក៏មិនល្អគ្រប់កន្លែងដែរ មេរោគថ្មីៗក៏កើតមានច្រើន ហេតុនេះ យើងគួរចេះការពារខ្លួនឲ្យបានច្រើនផង។ វិធីការពារខ្លួនពីមេរោគ បាក់តេរី ជាតិគីមី មិនមែនការពារតែខាងក្រៅនោះទេ ត្រូវចេះការពារពីក្នុងវិញផង។ តើការពារក្នុងដោយវិធីណា? ការពារពីក្នុង សម្ដៅលើការពង្រឹងប្រព័ន្ធភាពស៊ាំក្នុងរាងកាយយើង ខណៈអាហារជាវិធីសាស្ត្រល្អមួយ អាចជួយឲ្យប្រព័ន្ធភាពស៊ាំរឹងមាំបាន។ អត្ថបទនេះ នឹងណែនាំរបបអាហារមួយចំនួន ល្អខ្លាំងសម្រាប់ប្រព័ន្ធភាពស៊ាំយើង អាចប្រយុទ្ធនឹងវីរុស ឬបាក់តេរី ពីខាងក្រៅបាន។
១- ញ៉ាំផ្លែឈើ និងបន្លែរៀងរាល់ថ្ងៃ
ញ៉ាំផ្លែឈើ និងបន្លែ មានផ្ទុកវីតាមីនសំខាន់ៗជាច្រើន ដែលមានទំនាក់ទំនងជាមួយប្រព័ន្ធភាពស៊ាំ។ ជាក់ស្តែង វីតាមីន C ក្នុងអាហារមួយចំនួន ពិសេសផ្លែស្ត្រប៊ឺរី ម្ទេសប្លោក ផ្កាខាត់ណាខៀវ និងក្រូចឆ្មារ សុទ្ធតែអាចជួយដល់ដំណើរការកោសិការបស់ប្រព័ន្ធភាពស៊ាំ រាប់បញ្ចូលទាំងជួយបង្កើនកោសិកា Phagocytes ដែលមានសកម្មភាពសម្លាប់មេរោគជ្រៀតចូលមកក្នុងរាងកាយយើង។
វីតាមីន A អាចជួយដល់ជាលិកាក្នុងក្រអូមមាត់ ពោះវៀន និងជួយឲ្យផ្លូវដង្ហើមមានសុខភាពល្អ ខណៈវីតាមីនប្រភេទនេះ សម្បូរនៅក្នុងដំឡូងបារាំង ស្ពៃពួយឡេង ការ៉ុត និងត្រសក់ផ្អែម។ ត្រូវចាំថា ញ៉ាំផ្លែឈើ និងបន្លែជាប្រចាំ គឺល្អជាញ៉ាំថ្នាំបំប៉នដែលមានតែវីតាមីនមួយប្រភេទ ព្រោះសមាសភាពទាំងអស់ក្នុងអាហារយើងញ៉ាំ មានសកម្មភាពផ្ទាល់ដើម្បីការពាររាងកាយពីជំងឺផ្សេងៗ។
២- ញ៉ាំប្រូតេអ៊ីនឲ្យបានច្រើន
ញ៉ាំប្រូតេអ៊ីនតិចតូច អាចធ្វើឲ្យប្រព័ន្ធភាពស៊ាំចុះខ្សោយ ខណៈអាហារប្រូតេអ៊ីនសម្បូរ អាមីណូអាស៊ីដ យើងត្រូវការជាចាំបាច់ ដើម្បីកសាងប្រូតេអ៊ីនសំខាន់ៗក្នុងរាងកាយ រាប់បញ្ចូលទាំងអង់ទីករប្រឆាំងមេរោគជាដើម។ ផលិតផលពីសត្វសាច់ ដូចជាសាច់គោ សាច់ជ្រូក ក្រៅពីសម្បូរប្រតេអ៊ីន វាក៏សម្បូរជាតិស័ង្កសី រ៉ែ ដែលរាងកាយត្រូវការដើម្បីបង្កើតគ្រាប់ឈាមស ខណៈស័ង្កសី ក៏សម្បូរក្នុងពពួកគ្រប់ធញ្ញជាតិ ពិសេសគ្រាប់ស្វាយចន្ទីតែម្តង។
អត្ថបទពាក់ព័ន្ធ៖
- របបអាហារគ្មានជាតិសាច់ អាចប៉ះពាល់ខួរក្បាល ពិសេសអំឡុងពេលពពោះ?
- ញ៉ាំគ្រាប់ធញ្ញជាតិ ជួយមុខងារផ្លូវភេទឲ្យមានចំណង់ និងដល់ចំណុចកំពូល
៣- ញ៉ាំអាហារមានជាតិជូរ
អាហារប្រភេទនេះ គឺជាអាហារសមស្របសម្រាប់ពពួកបាក់តេរីល្អៗក្នុងរាងកាយយើង ក៏ជាអាហារល្អសម្រាប់ពពួកមីក្រុបតូចៗ “Microbiome” ដែលសម្ដៅលើពពួកបាក់តេរីល្អៗរាប់សិបកោដប្រភេទកំពុងរស់នៅក្នុងពោះវៀនយើង កន្លែងកោសិកាជាច្រើន មានទំនាក់ទំនងផ្ទាល់ ជាមួយប្រព័ន្ធភាពស៊ាំយើង។ អាហារមានជាតិជូរ ដូចជា យ៉ាអួ បន្លែជ្រក់ គីមឈី អាចជួយបាក់តេរីល្អរីកលូតលាស់ក្នុងពោះវៀនយើង បន្សល់កន្លែងតិចតួចប៉ុណ្ណោះសម្រាប់បាក់តេរីមិនល្អ។
អត្ថបទពាក់ព័ន្ធ៖
៤- គ្រឿងផ្សំក្នុងអាហារយើងប្រើ
គ្រប់ប្រភេទអាហារ សុទ្ធតែផ្តល់នូវសមាសធាតុចាំបាច់ជាច្រើន ជួយឲ្យសុខភាពល្អ និងជំរុញថាមពល គ្រឿងផ្សំក្នុងអាហារ ក៏ដូចគ្នា។ ជាតិហឹរ និងឈួល ដូចជា ស្លឹកខ្ទឹម ខ្ញី ស្លឹក Oregano (ស្រដៀងជីរ) និងដើម្បី Cinnamon (អម្បូរឈើអែម) ត្រូវការគេសិក្សារកឃើញថា មានសមត្ថភាពដូចជាទៅនឹងសារធាតុប្រឆាំងពពួកអតិសុខុមប្រាណ ប្រឆាំងការរលាក និងសារធាតុប្រឆាំងអុកស៊ីតកម្ម ដែលមាននាទីការពារគ្រប់កោសិកាក្នុងរាងកាយ។
ការប្រើប្រាស់សារធាតុទាំងនេះ ក្នុងការព្យាបាល គឺមានប្រសិទ្ធភាពដូចគ្នា ទាំងការចម្រាញ់យកជាថ្នាំ និងការញ៉ាំផ្ទាល់។ ប៉ុន្តែបើយើងប្រើគ្រឿងផ្សំទាំងនេះ ក្នុងអាហារប្រចាំថ្ងៃ នឹងបន្ថែមគុណប្រយោជន៍សំខាន់ជាច្រើនទាំងរសជាតិដ៏ជាប់ចិត្ត ក៏ដូចជាសុខភាពកាន់តែល្អ។
អត្ថបទពាក់ព័ន្ធ៖ ស្រីៗពពោះញ៉ាំបន្លែផ្លែឈើច្រើន ជួយការពារពីជំងឺបម្រុងក្រឡាភ្លើង
ក្នុងករណីមានសំណួរ ឬមន្ទិលសង្ស័យជុំវិញសុខភាពអ្នក ជម្រើសល្អបំផុត សូមពិគ្រោះ និងប្រឹក្សាយោបល់ផ្ទាល់ជាមួយពេទ្យជំនាញ។ Hello Health Group មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
[embed-health-tool-bmr]
